Terr 14
14
Dekïdë kï ngeterr ndï oo go
1Kuj lon, na þood dekïdë ndï tuja kï jin î kïþe. 2De kï ngendïa kam nyaðat kïgoðobat ndï þool Bïraþe, na de'n ðob loa ðug gøligøli ndï kida.
3Ta kï ta þoodt i ndeh kïta døngang loa, na ta ngeterr a ngom roa.
4Lon mang goto a ne, lo sanya loa to kari, nya gotot, na de a ngah nyag ngãi kïtakul tøg lo mang.
5Ngemanaj kïro a eltakïbal al, na ngemanaj kïngom ndï eltakïbal kïdøtdøt.
6Ngego deg ndï sah terr na kari kïndang, na nyager õ al ro ngegoosït.
7Ørr roi kø ro þoodt, kïta a i oo ta nyager taat al.
8Terr lo ngekumtøg a ada ger go ðob lon, na þood lo þoodg a nya gool.
9Þoodg oon majal nyandamt, na kamkë lo Luwah i ku degt în nyaðad i kïgoðobat.
10Kam de ger kamkil lon î kïþe, na mbah a þo'na sia dø ronelt loa al.
11Be lo ngéðamajalg a nuj, Da ngendï kuj lo ngeða nya kïgoðobat maj a urrd.
12Ðob mad to nin de oo a an maj, na døboia i ðob koi.
13Ke lon de ndï go ka, kama tu; na døboi ronel i kamkil.
14De'n kama i dø telt kïgog, a nda kamïn dø ðobgt lon î kïþe; na de kïmaj kama a so kïber dø kand nyaðan'gt.
15Ngekïboral ndï ad rota tag tube, na ngekumtøg nda kumïn dø ðob kawïnt maj.
16Ngeteer a hø ron kïgog, a ør ron majalt kø; na þood a ba tan kïdõ, a kïla so kïtit.
17Ngekøsï wong ruk ndï ða nya kï lo þoodt, na ngekøjta ða majal, deg a øsïna ta.
18Ngékïboralg, nyangah lod i þood; na ngékumtøgg, nyager lod i køsïgon kïdødt.
19Deg kïmajal lan død ber nõ deg kïmajt na ngéðamajalg land død ber ta þet lo deg kïdenesew.
20Ngendo, ke madþea ka a ndiga al, na ngemaj aw kï namïng ngãi.
21De'n ndï kid madþen a ne, ndï ða majal na ngeronel la i de'n ndï oo kumtondo lo ngéndog ye.
22Ngékøjta ða majal ndï son mut ale? Na ngékøjta ða maj ngahn kamkë kï rota.
23Nyangah døt i kam dïlalot kïðen kï de ør lo kïlat, na tag kïkari ndah de ndot koon.
24Nyapare dø ngéteerg i nyager lod, na þood lo þoodg i þood koon.
25Ngemanaj kïro ndï aj deg, na ngekeltakïbal ndï gool deg.
26Ngeþool Bïraþe aw kï nyandïna ro kï ðà bijir, na nganag ngahn loyaro roat tø.
27Þool Bïraþe i loþa man kumkajir, kad de a ajïn ron ta gumgt lo koi.
28Deg koosïg în nyatøko lo ngar, na nal deg koosïg i nuj lo mbaiþe.
29Ngéndï dø wongt i ngegoosï kïngãi, na ngekøsï wong ruk i ngekøsïgon nyaða kï lo þoodt.
30Kam kï so kïber i kumkajir lo dãro de, na jang i kur kï ngesa kïnga de.
31Ngeda kum dangt ndo ndï taj Ngendaah na ngekokumtondo lo ngendo ndï øsïgona.
32Ngeðamajal a nuj kïtakul majal lon, na de kïdenesew ngah loyaron ndø koiat.
33Terr ndï kam det kï ngegoosï, na nya kïkam þoodt ye, deg a gerïn.
34Ðà denesew a tøi girrdeg kïdø na majal i rosøl lo girrdeg kïdangdang.
35Ber kï ngeða nya kïgo lo nyagert a ngah maj takum ngart, na wong loa i dø þert kï ngeða nya kïrosøl.
BIBLE MBAÏ © 1980 Alliance Biblique du Tchad.