Terr 16
16
Terrtag dø ndï kï dø dõt lo de kï nyaðaa
1Køjtag kïkamt i lo de, na ta kïtur a ðe kokïro Bïraþet.
2Ðobg tube lo de i maj takumat, na i Bïraþe la ndï øj tagah de.
3I nya kïlaðaig ji Bïraþet kamla køjtaðag loi a ton kïðubagt.
4Bïraþe ða nya kïðen kïta kïla kï sumba dø nya'n non, mbã de kïmajal ka kïta ndø kïmajal.
5Dekïðen in kama i majal ad døa ngang i nya kïyerr kïro Bïraþet, rota a nal ndakøj al.
6Kïtakul køj kamkë kï nyaðakïro la de a ngah'n nyàgo ðagootal lon kø, na kïtakul þool Bïraþe la deg nyan ne ta ða majal tø ho ye.
7Lon ðob nyaða de nel Bïraþe, ke mad no etaao ka, Bïraþe ad'd ndin sia kï lapia.
8Nya kïtëbe nat kï ða denesew i soot tøi nyangah kïngãi nat kï ðagootal.
9Kam de ndï øj go ðob loa, na i Bïraþe la ndï øj lo nda njaa.
10Ta ngar ndï elta kokïro Bïraþet, asï kad ta kïgoðobatal tee tat al lo gangtat.
11Nyambøj køinya kï nyakøj kïlo kïgoðobat în lo Bïraþe, nyambøj nya tube kïkam þolt în kïlaðaa.
12I nya kïyerr kad ngarg ðan majal, kïta kïtakul ða denesew la pong kõþe a ndïn bijir ye.
13Ta ngekelta kïdenesew i nyaronel lo ngar. Na ngar ndig ngekelta kïgoðobat.
14Wong lo ngar i tit ngombangkïla lo koi, na de kï ngeterr a ad wong loa tel søl.
15Kunj takum ngar i kumkajir, na kamkë loa i tit ndii bîna.
16Ngah terr maj tøi l'ør, na ngah goosï i nya kï de a køt kïta i soot tøi l'arjã.
17Ðob in deg kïdenesew ndiant i ðob nyàgo majal kø, na de'n no go ðob lon maja ne, ndï ngomd ron ho.
18Døngang i kete nõ nujkøt, na hal de kï ngeþa tan kïdõ i kete nõ sot.
19Ndï kï hal soldø nat kï de kïdangtg i soot tøi keg nyatetðøø nat kï ngédøngangg.
20De'n tur go taa ne, ngah majkurr, na de'n ndï þakul Bïraþe i ngeronel.
21De kï ngeterrkam a kunïna ngegoosï, na ta kïnel kï tat ad nyager ðe kïdøtdøt.
22Nyager kïmaj i man kïþa kï kumkajir kïta de kï ndi'n, na ndakøj lo þoodg i þood lod.
23Kam de kï ngeterr ndï ad takela i kï terr, nyager kïdøtdøt ndï tee taat tø.
24Tag kïmaj în tit mbanr tej în nya kïnel kïta ro kïkeme, în lapia kïta dãro.
25Ðob mad to nõ in de oo a an maj, na døboia i ðob koi.
26Þoo lo ngeðakïla ada ða kïla kïta ron, taa kï ngésanyasa ndï sa kad ða kïla kïdøtdøt.
27De kïpãbe ndï øj ta ða majal, takela i tit horr kïkõ mugj.
28De kï ngekelta jigïmjigïm dub kølna dan degt, na ngeða mina nda gangna ku namgt kijeje.
29Ngeða nya kï lo ngetøgt gool madþen, ndï ørra ta ðob mad kïmajal.
30De'n ut kumïn kad kï ngangta kïmajal, de'n ndom tan ngang a ne, ndï ðe kï majal.
31Bisïdø kïndà i nyapare dø de kï køsïgon lon ngahna goðob ndiat kïdenesew.
32Ngéndï dø wongt i soot tøi kïrãðøø, na de'n õþe dø ront i soot tøi de kï ta þebo. 33De a ya yuk jint na takïgang tube i kokïro Bïraþet.
BIBLE MBAÏ © 1980 Alliance Biblique du Tchad.