Terr 13
13
1Ngon kï ngeterr ndï oo dø nyandoo lo bøwïn, na ngego deg a tur go ndang al. 2De a sanya kïmaj kïtakul kand ta kï tant, na ngégool deg a geen nyaða kï lo ngetøgt koon.
3De'n ngom tan maj a ne, ndï ngomd ron; na de'n ndï el ta së a ne, a nuj.
4Nyur oon de kï ngengë na ngah nya al, na de kï ngeðakïla kï rotîn kama a ndan.
5De kïdenesew mbet ta kïngom, na ngeðamajal tel nya kïyerr kï kïrosøl.
6Ða denesew ndï ngom de'n ðob loa i kïmaj, na majal ndï nujd ngeðamajal.
7De mad øj ron ngemaj, na nya loa goto de mad øj ron ngendo, na nya loa to mbuj.
8Nyabadø de i nyamajg loa, na ngendo ndï tur go mba kï mbana al.
9Kunj lo de kïdenesew ndï unj kï ronel na kunj lo ngéðamajalg a goto.
10Døngang a tee kï kølnag koon, na terr i ro degt ngéta takøj.
11Nyamajg kï de a ngah kïgoðobat al a goto jiat, na de'n kaw nyag janjanbe a ngah kïdøtdøt.
12Kam kïndah døt kïkanj ngah nya a tee kï ro koi siw, na ngah nya ndahkamdøt i tit kag kumkajir be.
13De'n kid taa ne, ndï tuj ron; na de'n þool mberkïnda a ne, a ngah nyabaji.
14Ta lo ngeterr i tit man kumkajir kïþa, kïtakad de a ajïn ron ta gumgt lo koi.
15Nyager kïmaj a ðe kï kamkë, na ðob lo ngéða nya kïroal ngang sed.
16Ngekumtøg ða nyag tube kïgo nyagert, na þood oj nyaðan kïgo lo þoodt kïtïga wakïsï.
17Ngombangkïla kïmajal tuj a so døat, na ngombangkïla kïro a ad lapia.
18Ndo kï rosøl a so dø de'n mbet nyandoo na de'n oo dø ndang a ne, a ngah køsïgon.
19Ngah nya ndahkamdøt i ronel lo de, na nyàgo majal i nya kïyerr ro þood degt.
20De'n ndia nat kï ngéteerg a ne, a tel ngeterr tø na de'n ho nam kï þood deg a ngah kõ.
21Tuj ndï tuþa go ngéðamajalg, na majkurr i nyabaji lo deg kïdenesew.
22De kïmaj a nya nyanduba lon kïta ngakan, na nyamajg lo ngeðamajal în kï mbõ kïnat kïta de kïdenesew.
23Ndor lo ngendo a tee kï nyasa kïngãi, na takïgang kïgoðobat al a nuj deg madg.
24De'n nda ngonïn kï ndeh øjan al a ne, ndig ngonïn al, na de'n tar ngonïn a nda oja kï rotîn.
25De kïdenesew aw kï nyasa asï ta ndan na kam ngeðamajal tø wokïsï.
BIBLE MBAÏ © 1980 Alliance Biblique du Tchad.