Mat 25
25
Terrta dø ngamandgt kïkïlah
1Kamla kõþe kï dørãgt a i tit kï ngamandg kï kïlahg'n øin lambag lod, na awïn kad kï'n lan ta ngetaa dekïdë kij. 2Kï mig kudt în kurdeg, na kïmi madg în ngékumtøgg. 3Kï kurdeg'n non øin lambag lod, na unïn yib al, 4na ngékumtøgg unïn yib kam kugt lod nat kï lambag lod. 5Na lon ngetaa dekïdë kij ndï køkï þaitø ye, þi tend tube ad þin. 6Na denlot ndø, kah ndï de mad koo an: Oon ngetaa dekïdë kij ðe woi. I teen, i lan taa. 7Kamla ngamandg'n non tube ndoolïn na ndï ðan go lambag lod. 8Taa kï kurdeg elïn kï kumtøgg anan: Adjïn yibt losï ngon sî, kïta lambag loj ndï oin. 9Ngekumtøgg turïn anan: I rot al kïta þood a ne a asïj sesï al. I soot kad awïn ro ngeðawnyat i ndugon kï losï. 10Lon ndï awïn ndugot þaitø ye, ngetaa dekïdë kij ðe; îgïn ðan rod woi ye, andïn nat sia kuj ðanah taa nat, na utïn tabit. 11Got gog ngamandg kï kurdeg'n non ðen ho anan: Bïraþe, Bïraþe, i tee tabit adj. 12Na turd an: Rota la m'ndï m'elsï kï ndïm dõ ye, m'gersï al. 13Kïtø 'nten i ndïn døgt, kïta i gerïn ndø, ke døkàd tel Bïraþe al.
Terrta dø de madt kï þerg loa mïta
(Oo Luk 19:12 teen 27)
14Kõþe kï dørãt a i tit de mad'n ndï aw mbah døningt mad kï sãi, kun þerg lon na la nyamajg lon jidt. 15Ad kïkïða kudt nar talent mi, ad kïmad joo, kïmad tø ada kïðabe, ad dekïðen kïgo tøgat, na aw.
16Kanangbe, þer'n taa talent kïmi ye, aw ðan gat, na ngah talent madg mi døt. 17Titbe în taa talent joo ye, ngah kïmadg joo døt. 18Na þer'n taa talent kïðabe ye, aw urr þe døningt, ya nar lo ngen tit. 19Kaglo tøi ngãibe got kamla ngeþe lo þerg'n non ðe, na da sed kør nyag lon. 20Þer'n taa talent mi ye, ðe kï kïmadg mi døt tø na an: Ngeem, nar talent kïmi kan adïm la, oo m'ngah madg mi døt ten.
21Ngeea ela an: Oiyo. Î þer kïmaj kï kïro, î de kïro kam nyat kï tëbe, m'a m'ndai dø nyagt kï ngãi, i ðe, i ða ronel nat kï ngei.
22Þer'n taa talent kïjoo ye ðe an: Ngeem, talent kïjoo kan adïm la, oo m'ngah madg joo døt ten.
23Ngeea ela an: Oiyo. Î þer kïmaj kï kïro, î de kïro kam nyat kï tëbe, m'a m'ndai dø nyagt kï ngãi, i ðe i ða ronel nat kï ngei.
24Na þer'n taa talent kïðabe ye ðe an: Ngeem, m'ger, î de kï ngang ngãi: i ndï i tet nya lot'n i dubt al, i ndï i kaw nya lot'n i najt al, 25la m'þool, ad m'aw m'ya talent loi kan adïm nõ døningt; oo nya loi la ten, i taa.
26Na ngeea tura an: Î þer kïmajal kï ngengë. Lon i ger kad m'ndï m'tet nya lot'n m'dubt al, na m'ndï m'kaw nya lot'n m'najt al ho ye, 27neni a aw kï nar lom nõ ro ngembel gidat kad kaglo'n m'ðe a ne, m'a m'taa nar lom kï mana døt.
28Ørrïn talent loa jiat kø, adïn þer'n ndï kï talent kïkïlah nõ. 29Kïtø dekïðen a ndï kï nya a ne, a adïna døt, ad a ngah nya døt mbuj mbuj; na de'n nya loa goto a ne, kï ngon sî be'n to jiat nõ kaa a taan jiat kø. 30I lan þer kïmajal nõ kø kam tilt kï tïga, nõbe la i lo nõ kï dõ ngang ye.
Ngon de a ðe kïta gangta dø girrdegt kïdangdang
31Lon Ngon de a ðe kam kunjt kï ðangereng, nat kï malaikag lon tube nõ, kamla a ndï dø pong køsïgont lon ye. 32A kawïn girrdeg kïdangdang kï nõat, na a tørr deg kïna nat, tit'n ngéngombatg ndï tørrïn ne batg kïna bïnyagt ye be. 33A nda batg ko kont, na bïnyag ko gelïnt. 34Kamla Ngar a el îgïn ðan ko kont an: I ðen, în deg'n bøwïm njang døsï, õn nduba kõþe'n i kï ðago woi lo la girr døningt nu kïtasï. 35Kïtø þo õm la admïn nyasa ye; kïnda õm la admïn nyakãi ye, mî mbah la i hømïn kï rosït ye; 36mî rom kari la i lamïn kub ye; mî mõi la i ðe oomïn ye; mî dangãit la i ðen romt ye.
37Kamla deg kïdenesewg'n non a turïna anan: Bïraþe, ðïngãt j'ooi kïþo hã j'adi nyasa a? Ke kï kïnda hã j'adi nyakãi a? 38Ðingãt tø j'ooi î mbah hã kï høi kï rojt a? Ke kï roi kari hã kï lai kub a? 39Ðingãt j'ooi î mõi, ke kam dangãi hã kï ðe roit a?
40Na Ngar a turd an: Rota la m'ndï m'elsï kï ndim dõ ye, kaglot kïðen'n i ndï i ðan nyag'n non kï kïkïða ku kïdugt kï tøi ku ngankomt'n non ye, i mî la i ndï i ðan sem ye.
41Kamla a el ngékï kogelïnt an: I ðan kïgog nõ, în deg kïndøl, awïn kam horrt kï tokïnõt'n i kï ðago woi, kïta sitan kï malaikag loa. 42Kïtø þo õm la admïn nyasa al ye, kïnda õm la admïn nya kãi al ye. 43Mî mbah la i hømïn kï rosït al ye; mî kï rom kari la i lamïn kub al ye; mî mõi ho mî kam dangãit ho la i ðen romt al ye. 44Kamla îng kaa a turïn anan: Bïraþe, ðïngãt j'ooi kï þo ke kïnda, j'ooi î mbah ke roi kari, î mõi ke kam dangãit, hã kï ða sei al a? 45Kamla a turd an: Rota la m'ndï m'elsï kï ndim dõ ye, kaglot kïða'n i ndï i ðan nyag'n non kï kïkida ku kïdugt kïtøi'n non al ye, i mî la i ðan sem al ho ye. 46Na îgïn ðan, a awïn lo koo kï wãiwãiat kï tokïnõt, na dekïdenesewg a awïn kumkajirt kï mbãkïnõt.
BIBLE MBAÏ © 1980 Alliance Biblique du Tchad.