Mat 24
24
Jeju elta tuj kuj ndub Luwah
(Oo Mrk 13:1 teen 37; Luk 21:5 teen 30; 17:22 teen 37)
1Jeju tee kam kuj ndub Luwaht, ndï aw, na ngéndoog loa ðen roat kï'n dana nyag'n ðan ne kuj ndub Luwah. 2Na Jeju turd an: I ndï oon nyag 'nten tube ala? Rota la m'ndï m'elsï kï ndim dõ ye, a nyan mbal mad dø mbalt mad al; a tøsï tïland tube.
3Lon Jeju ndï ber dø mbal kag bïrgt ye, ngéndoog loa ndøtïn kï roat elïna anan: Elj. Nyag'n non a ðan nya ðingãt a? Ði i nyakøj kad deg gerïn ne ndø ðei kï døboi dunia a?
Yaþood nyakïto kï darondo
(Oo Mrk 13:3 teen 13; Luk 21:7 teen 19)
4Jeju turd an: Oon go rosï maj. Na þet de mad goolsï. 5Kïtø deg ngãibe a unïn tøm dødt ðen ne, na a anan: Mî la mî Krist ye. A goolïn deg ngãibe. 6A oon hoi ðøøg kï kah ðøøg, oon go rosï maj, ot kadïn kamsï gang man, kïta sumba kad nyag'n non ðan nya. Na a i døboia al þaitø.
7Kïtø girrdeg mad a þai kï ðøø dø girrdegt mad, na kõþe mad a ndoor kõþe mad; þo a õ, døning a yee kï log dangdang. 8Na nyag'n non tube a i tit kï yaþood tokooj be. 9Kamla a lasïn ji ngéðatakõt, a tølsïn tø; deg kï ngéger Luwah al tube a øsïsïn ta tø; 10kamla deg ngãibe a tørrïn jid girr kàdkam Luwaht, a nden dø na, a øsïn na ta tø. 11Ngékelta kï ta Luwaht kï ngomg a þai bïlan ngãibe, na a goolïn deg ngãibe. 12Kïtø majal kï ða kï dønat nat, a taa lo, tar lo deg koosïg a tel søl. 13Na de'n ndï høbá mbã døboia a ne, îla a aj ye. 14A lan mber Hoita Kïmaj lo kõþe 'nten døningt kïtaagbe; kad deg ngéger Luwah al tube oon dø. Kamla døboia a ðe ye.
Kamkøl kïbo a ðe
(Oo Mrk 13:14 teen 23; Luk 21:20 teen 24)
15Lon a oon nyakïkøked lo ngetujþe'n Daniel ngekelta kï ta Luwaht eltaa, a ndï kam lot kïjaþat a ne, maj kad de kï ngeda maktub 'nten ger girra maj. 16Kï ngendï døning Judet ãin kï kam mbalgt; 17de'n ndï dø kujt a ne, kï ot ðïsï kad n'un nya lon kï kam kujt; 18de'n a i kam ndøøt a ne, ot tel kïgog kad n'un kubji lon. 19Dang a ða dekïdë kokemg kï ngékad mba ngan kïkasïg kam ndøgt'n non. 20I køn Luwah kad ndø kãisï i dønah kult ke kï ndø taakò al. 21Kamkøl kïbo ngãi a ðe, î kï tit sia goto lo yaþood døningt nu mbã þola, kï tit sia a ðe gog al ho tø. 22Îla Luwah gangta ndøg'n non ad gøj al a ne, de mad kï a aj goto na kïta kï mbedg lo Bïraþe la a gangïn ne ta ndøg'n non ad gøj ye. 23Kamla, îla de mad elsï an Krist i nëbe ala i nube a ne, ot koon ta loa. 24Kïtø Krist kï ngomg, kï ngékelta kï ngom na anan n'ndï n'elïn ta kï ta Luwaht a þain ngãibe, na a ðan nyakøjg kï bîdang, kï nyag kï yaya, mbã kad îla i root a ne, kï n'adïn kï mbedg lo Luwah kï død kï ndomïn. 25Oon m'elsï kete lon nyag'n non ðan nya al þaitø.
Ngon de a tel ðe
(Oo Mrk 13:24 teen 31; Luk 17:23 teen 24)
26Îla elsïn anan: I dïlalot nëbe a ne, ot kawïnt. Ga ron ndï nëbe a ne, ot koon kïtîsït. 27Kïtø, tit'n tel ndii a telïn ko loþakàdt mbã kï lo kukàdt ye, tel Ngon de a i titbe ho. 28Lon nîn to tit, nõbe la malg a kawïn na kï tit ho ye.
29Gog go kamkølt kï kam ndøgt'n non, kàd a diw til, nah a ða nda al, kïmëg kï dørãt a tuson kïber, na tøgg kï dørãgt a yeend yïkïtyïkït. 30Kamla nyakøj kï a ad deg gerïn Ngon de a tee høi ko kï dørãt; kamla girrdeg tube kï døningt a gan gud, na a oon Ngon de ndï ðe dø kilndiiigt kï dørãt, kam tøgt kï ngãi, kï kunj kï ðangereng. 31Na a la malaikag lon kï towmand kïbo, na a kawïn kï mbedg ko dø kum døningt kïsøø mbã kï døboi dønint ko mad.
32I ndoon terr ta 'nten ro kag mbaiþoodt, lon døjiag telïn kï mbool, na mbiag þan a ne, i gerïn kad þar kï kud i nderrbe. 33Titbe, îng kaa ne, lon a oon nyag'n non tube ðan nya ye maj kad i gerïn Ngon de i nderrbe, i tabitgt losï. 34Rota la m'ndï m'elsï kï ndim dõ ye, girr kaa deg'n ðan a tøi al baitø, na nyag'n non a ðan nya. 35Dørã kï døning a tøin kø, tag lom a tøin kø al bat.
De kï ger ndø ðe Ngon de goto, i ndïn døgt
(Oo Mrk 13:32 teen 35; Luk 17:26 teen 27)
36Na ta dø ndø ðeat, ke døkàd ðeat, de mad kïða kï ger goto, malaikag kï dørãt al ho. Ngon al ho, de mad kï ger goto, na Bøw kïkïðanbe koon. 37Nya'n ða nya gong Noet ye, i titbe ho la a ðan nya ndø ðe Ngon det ye; 38kïta kam ndøgt kï kete nõ man mbøkït deg ndï san, ndï ãin, ndï taana, ndï adïn ngandg ðanþe, mbã ndøt'n Noe and kam toot kïbo. 39Na gaan ta mad al bat mbã man mbøkï ðe tøld pet, a i titbe ndø ðe Ngon det ho. 40Kamla deg joo a în kam ndøøt a ne, a unïn kïkïða, na a nyan kïmad. 41Dekïdëg joo a urrïn nya lo kïða a ne, a unïn kïkïða na a nyan kïmad. 42Kïtø 'nten i ndïn døgt kïta i gerïn ndø ðe Bïraþe losï al. 43Kï i gerïn maj, nenî ngeþe ger døkàd'n þog a ðet a ne, nenî a ndï døgt, na a nya ad mbutïn kuj lon al. 44Kïtø 'nten, în kaa i ðan rosï kï ndøg kïta døkàdt'n a i ndan kamsï døt al nõ la Ngon de a ðe ye.
Ta lo þer kïro kï þer kïmajal
(Oo Luk 12:41 teen 48)
45Nõ i þer kïro kï ngekumtøg'n ngea ndaa dø degt kï þe lon kad ad'd nyasa kï dø kada a? 46Þer'n non i ngeronel, lon ngea ðe, na ngaha ndï ða kïla'n non titbe. 47Rota la m'ndï m'elsï kï ndim dõ ye, ngea a ndaa dø nyamajgt lon tube. 48Na îla þer kïmajal'n non el kamïnt an: Ngeem a ndï køkï þaitø, 49na mbagirr tïnda þer namïng, sa ho ãi ho nat kï gõkãikasïg, 50ngeþer'n non a ðe ndøt kï nda kamïn døt al, kï døkàd'n ger al tø, 51a ga ganga nat joo, na ada lo ndï nat kï ngéndokumdeg, nu la a nõt kï dõ ngang ye.
BIBLE MBAÏ © 1980 Alliance Biblique du Tchad.