Mat 26
26
Kïbog lo Juipg sahn tøl Jeju
(Oo Mrk 14:1 teen 2; Luk 22:1 teen 2)
1Lon Jeju eltag'n non tube tïga woi ye, el ngéndoog lon an: 2I gerïn þet, kam ndøt kïjoo a ne, i ðanah Pakï, na a lan Ngon de ji degt kad gana kagdosït.
3Kamla kïbog lo ngéjamosïkadkari, kï kïbo lo Juipg kawïn na kï nat kam kujt lo bïra ngejamosï kadkari kïbo, tøa i Kaip. 4Ndantad nat kad'n høn Jeju gid tilt kï'n tølïna. 5Na elïn anan: Maj kad kï høa kaglo ðanah Pakït al, na þet a kïse þai ku degt.
Mari kï Betanit ü yib kï kootmbî dø Jejut
(Oo Mrk 14:3 teen 9; Jã 12:1 teen 8; Luk 7:36 teen 50)
6Lon Jeju i Betanit, kam kujt lo Simõ kï ngebanj ye, 7dekïdë mad ðe roat kï kú albatïr, kï yib kï kootmbî kï gata i ngãi i kamt, urr dø Jejut lon ndïn ta nyasat þaitø. 8Lon ngéndoog oon titbe ye, ðan wong na anan: Nya tuj kï titbe ye ndaa i ði?
9Yib'n non asï kad de ðaw kï gat kï ngãibe, na taa nara ad ngéndog.
10Na Jeju oo ta'n ndï elïn nõ ger ad eld an: Kïtøði i ndï i ndøøn ne ta dekïdë'n ndïn a? Ða sem nya kïmaj. 11Kïtø ngéndog ndïn sesï ne kï ndøgbe; na mî m'a mî nat sesï kï ndøg al. 12Kïtø yib'n dekïdë ü dømt nõ, i kïta ðan go rom kad dubïm. 13Rota la m'ndï m'elsï kï ndïm dõ ye, lo tube'n a lan mber Hoita Kïmaj 'nten tit kam duniat kïtaagbe a ne, a ørrïn ne hoi nya'n dekïdë'n ðan ða, kad i nya gakamdøat.
Judas la Jeju ji madngétaagt
(Oo Mrk 14:10 teen 11; Luk 22:3 teen 6)
14Kamla kïkïða ku kïkïlah gidaijoot, în a kunïna Iskariot, aw ro ngéjamosïkadkarigt kïbog. 15Na eld an: Ði i ndig kadmïn, na ka m'laa jisït a?
Îgïn non tïdan nar sile kï ndah dømïta adïna. 16Kaglot'n non Judas mbagirr sah kaglo kïmaj kad'n lan Jeju jidt.
Jeju sanya nat kï ngéndoog lon ndø Pakït
(Oo Mrk 14:12 teen 21; Luk 22:7 teen 34; Jã 13:21 teen 30; 1 Kor 11:23 teen 25)
17Ndøt kï dasabang lo bïnãg kïløi kanj berrkasï, ngéndoog lo Jeju ðe elïna anan: Lokïðah i ndig kad kï ðago nyasa Pakï tit j'adi a?
18Eld an: Awïn þe lo de mad, na elïna anan: Bïraþe an: Kaglo lom i nderrbe, þe loi la m'a m'ða nah Pakït nat kï ngéndoog lom ye.
19Ngéndoog ðan tit'n Jeju ndadïn mbera, na ðan go Pakï.
Jeju da dø ngelan ji degt
(Oo Mrk 14:17 teen 21)
20Lon lo søl woi ye, Jeju ndï ta nyasat nat kï ngéndoog lon kïkïlah gidaijoo. 21Lon ndï san nya ye, el an: Rota la m'ndï m'elsï kï ndim dõ ye, kïkïða kusït a lam ji degt.
22Kamkil ða ngéndoog ad dekïðen mbagirr kela kan: I mîi Bïraþe?
23Jeju turd an: De'n la jin go lomt kam ngo nyasat la i ngelam ji degt ye. 24Ngon de ndï aw lo koit kïgo tat'n ndangïn dan ne døa; na beto i lo de'n la Ngon de ji madngétaagt. De'n non i soot kad oojïna al.
25Judas, kï ngelaa ji degt elta an: I mî Rabi?
Jeju tura an: El woi.
Nyasa kï døboit'n Jeju sa kï ngéndoog lon
(Oo Mrk 14:22 teen 26; Luk 22:15 teen 20; 1 Kor 11:23 teen 25)
26Lon ndï san nya, Jeju un bïnã, na got'n njang dø ye, hø tet, kamla ad ngéndoog, na eld an: I taan, i san, în ten i dãrom.
27Got gog un kop, na got'n njang dø ye, ad'd kop na an: Ãin kamt în tube, 28kïta 'nten i mosïm, mosï kunkø'n, ü kø kïta koosïdeg, kïta nyàgo majalg kø. 29M'ndï m'elsï kï ndim dõ: M'a mãi man kand nduu'n ðan gog al bat, mbã ndøt'n m'a mãi kï kij, nat sesï kam kõþet lo Bøwm.
30Got øsïn pa psomg, kamla tee awïn dø mbalbo Bïrgt.
Jeju el kad Pierr a maj ta gerïn
(Oo Mrk 14:26 teen 31; Luk 22:31 teen 34; Jã 13:36 teen 38)
31Kamla Jeju eld an: Ndøla 'nten gig a gasï tube kïtatøm, kïta ndangïn maktubt anan: M'a m'nda ngéngombatg, na batg kï kam þut't a tîn na kø. 32Na lon m'a m'þai lo koit a ne, m'a m'aw kete nõsït døning Galilet.
33Pierr un tan elan an: Îla deg tube son kïtatøi kaa, mî m'a m'so al bat.
34Jeju ela an: Rota la m'ndï m'eli kï ndim dõ ye, ndøla 'nten koon, a i maj ta gerïm nja mïta kete kamtã la kïnja a ko ye.
35Pierr ela an: Îla sumba kad m'oi sei kaa, moin þai ho, na m'a m'maj ta geri al.
Na ngéndoog tube elïn titbe ho.
Jeju elta kï Luwah Jesemanit
(Oo Mrk 14:32 teen 42; Luk 22:39 teen 46; Heb 5:7)
36Kamla Jeju aw sed lot mad'n a kunïna Jesemani, na el ngéndoog lon an: I ndïn nëbe, na m'a m'aw m'elta kï Luwah nube.
37Jeju un Pierr kï ngan Jebede kïjoo nat sen, mbagirr ða kamkil kï kamkøl. 38Taa ne, eld an: Ndilïm ða kamkil mbã ga koi. I ndïn nëbe, na i ndïn døgt sem.
39Na aw kï kete ngonsî, so ber, kï takumïn, elta kï Luwah an: Bøwm, îla i root a ne, kad kop'n non tøi sãi romt. Na kï i ða ndig lom al, na ndig loi tã.
40Jeju tel ðe ro ngéndoogt lon, na ngahd to þin; la el Pierr an: Asïn ndï døgt sem kum kàd kïða ale? 41I ndïn døgt, na elïn ta kï Luwah, kad i son kam nát al, ndil aw kï ndig ða na dãro i tõ.
42Kõjoo aw kï kete ngonsî þaitø, na elta kï Luwah titbe: Bøwm, îla asï kad kop'n ndïn tøi, kanj kad m'ãi a ne, kad ndig loi tã la i ða ye.
43Jeju tel ðe ro ngéndoogt lon na ngahd to þin þaitø, kïta kumd øi dïrïr kï þi. 44Tînyad, na aw kï kete gog tø, elta kï Luwah kïkõmïta na tag'n el kete nõ la tel el tø ye. 45Kamla ðe ro ngéndoogt lon na eld an: I þin þaita, na i taan kò rosï ta. Oon døkàd'n a lan Ngon de ji ngéðamajalt i nderrbe. 46I þain dõ. J'awïn. Oon so, ngelam ji degt ðe woi.
Judas la Jeju ji madngétaagt ad høna
(Oo Mrk 14:43 teen 50; Luk 22:47 teen 53; Jã 18:3 teen 11)
47Jeju ða elta þaitø lon Judas, kïkïða ku kïkïlah gidaijoot, ðe nat kï þut deg koosïg ngéto kiyaðøøg, kï gølg jidt, deg'n non ngéjamosïkadkari kïbog, kï kïbo lo Juipg la land ye. 48Ngelaa ji degt dad nyakøj mad an: De'n m'a m'il køta nõ la i î ye, i høna.
49Tentenbe aw ro Jejut, na el an: Lapia, Rabi. Na il køta. 50Jeju ela an: Nam i ða kïla loi.
Kamla deg'n non awïn ro Jejut ndan jid døat høna ne. 51Na oon kïkïða ku îgt'n în nat kï Jeju, nda kiyaðøø lon tui kam hawat, gan mbi þer lo ngejamosï kadkari kïbo pit, gang. 52Kamla Jeju ela an: I la kiyaðøø loi gootat gog, kïta deg tube'n a øin kiyaðøø kï jidt ye, a tølïnd kï kiyaðøø ho. 53I gaa an m'asï kad m'kun Bøwm kad la kï bahbo koosï malaikag kï ngéðøøg tøi dub kïlah gidaijoo, kad ðan sem ale? 54Titbãi a tølïn ne ta tag'n ndangïn kam maktubt anan sumba kad i titbe ye a?
55Dø kàdt'n non Jeju el bakad koosïg an: I ðen kï kiyaðøøg kï gølg kad i hømïn ne tit mî ngekumðob be. Kï ndø tube mî kam kuj ndub Luwaht m'ndï ber m'ndoo deg, na i hømïn al. 56Na nya 'nten ða nya kad tølïn ne ta tag kï ndang lo ngékeltag kïta Luwaht.
Kamla ngéndoog nyana kø tube na sun lui.
Jeju ða nõ ngégangtagt
(Oo Mrk 14:23 teen 65; Luk 22:54,64 teen 65; Jã 18:13 teen 14,19 teen 24)
57Deg'n høn Jeju ye ørrïna awïn sia þe lo Kaip, bïra ngejamosï kadkari, lot'n ngéndang maktubg kï kïbog lo Juipg kawïn na kï tit. 58Pierr taa ne, a ndulo go Jeju ko sãi mbã kï nat þet lo bïra ngejamosï kadkari; andt, na ndï ber nat kï ngan ngékïlag kad n'oo ke titbãi a tølïn ne ta nya'n non a? 59Na bïra ngéjamosï kadkarig kï ngégangta ku juipgt tube ndï sahn de mad kad manaj kï ngom dø Jejut kad gangïn ne ta koi døat; 60na ke ngémanaj kï ngom ngãibe ðen kaa ne, ngahn ta mad døat al bat. Gog got kamla deg joo ðen, 61elïn kï ndid dõ anan: dekïdïngã'n ðan el an: M'asï kad m'tuj lo kïjaþat lo Luwah na m'a m'ðaa gog kam ndøt kïmïta. 62Bïra ngejamosï kadkari kïbo þãi dõ, na ela an: Ta mad kï a i tur goto oo? Ta ði deg'n ðan ða elïn døit a?
63Na Jeju ða tan mbo. Bïra ngejamosï kadkari ela an: M'ndïjei, ðoowai kam tø Luwaht kï kumkajir, kad elj, ke î la î Krist Ngon Luwah ye a?
64Jeju tura an: El woi. Na nya 'nten koon, m'ndï m'elsï kï ndim dõ, labe kïnõt a oon Ngon de ndï ko jikõ Luwaht, ndï ðe dø kilndiiigt kï dørãt dõ tø.
65Kamla bïra ngejamosï kadkari til kub ront na an: Elta kïmal, j'a kï gee ngémanajg tø kï ðan ði. I ða oon dø ta kïmal loa kï mbisï. 66Ta gaasï i ði?
Turïna anan: Asï koi.
67Kamla tuwïn horr takumat, tïgana kï jid ngüingüi; na kïmadg tïndan køta. 68Elïna anan: I ndø ndil ad j'oo, Krist, nõ ndai a?
Pierr maj ta ger Jeju
(Oo Mrk 14:66 teen 72; Luk 22:56 teen 62; Jã 18:15 teen 18,25)
69Na Pierr ndï ber tïga natþet. Þer kïdë mad ðe roat ela an: Î kaa î nat kï Jeju de kï Galilet nõ ho?
70Na maj nõ degt tube an: M'ger ta'n i gee kel nõ al.
71Lon ndï aw kï n'tee kï tabit't, þer kïdë mad ooa, na el deg'n ðan nõbe ye an: De'n ðan maði i nat kï Jeju kï Najaret't ho.
72Majta gog tø, na nda yo an: M'ger de'n non al bat.
73Gog got ngonsî, deg'n ðan nõbe ðe elïn Pierr anan: Rota î kaa î ku degt'n non ho, takeli la ða ad deg gerïn ye.
74Kamla Pierr mba girr nda yo kï tøgïn kï ndøl an: M'ger de'n non al.
Tentenbe kïnja kø. 75Kam Pierr ãi ga dø ta'n Jeju ela an: Kïnja a ko al þaitø a ne, a i maj ta gerïm nja mïta nõ.
Tee tïga na man nõ kï tïngabang kaya bugg bugg.
BIBLE MBAÏ © 1980 Alliance Biblique du Tchad.