Mat 14
14
Koi Jã ngeða baptem
(Oo Mrk 6:14 teen 29; Luk 9:7 teen 9)
1Kaglot'n non Herod kï ngekõþe oo hoi Jeju. 2El ngan ngékïlag lon an: De'n non i Jã kï ngeða baptem. Îla þai ku ngékoit; î nõ la tøg ða nyag kï yaya ndï ðan kïla kamat ye.
3Kïtø maði Herod ad høn Jã, døøna, lana dangãit kïta ta lo Herodiad; kï në Pilip, kï ngonkõ Herod; 4kïta Jã el Herod an: I goðobat al kad i taa nëit.
5Herod gee ngãi kï'n tøl Jã, na þool koosïg'n oon ta kîa ngekelta kï ta Luwaht. 6Na lon ndï ðan nah ndø kooj Herod ye, ngon Herodiad kïdë tee ndom dan mbahgt, na nel Herod, 7ad un kø'n kï yokïnda ada an: Nya ði ndïjen a ne, n'a n'ada. 8Taa ne, kõ ngon sïlaa ad el Herod an: Adïm dø Jã ngeða baptem labe kam bugurt.
9Kam ngar il bïrïm, na kïta yog'n nda nõ mbahg'tn ndïn sia ta nyasat ye, ndamber kad adïna dø Jã; 10la ad gangïn dø Jã kam dangãit. 11Ðe'n kï døa kam bugurt adïn ngon kïdë. Ngon kïdë ta ad kõn. 12Ngéndoog lo Jã ðe unïn ruma a kï duwïn na aw ørrïn hoia Jeju.
Jeju ad nyasa deg dub mi
(Oo Mrk 6:30 teen 44; Luk 9:10 teen 17; Jã 6:1 teen 14)
13Lon Jeju oo hoi nya'n non ye, þai nõbe al kam toot aw sãi lot mad kï de gotot. Taa ne, koosïdeg oon dø ad teen kam þegt lod kïdangdang awïn goat kï njad. 14Lon Jeju ðisï kam toot, tee tïga ye, oo koosïdeg ngãibe, ad ta õ kama kïtatød, na yoot mootg lod. 15Lon lo søl woi ye, ngéndoog loa ðen roat anan: Lo 'nten i dïlalo kï de gotot, na kaglo tøi woi ho ye i nyakoosïdeg ad awïn, kam ngan þegt kad ndugon nyasad.
16Na Jeju eld an: I goot kad awïn titbe al: Na în kïþeg kï adïnd nyasa.
17Na elïna anan: Nya mad goto jijt la, na bïnã nduj kï løi mi kïkanj joo be koon.
18Jeju eld an: I ðen ne kïromt so.
19El koosïdeg kï ndïn ber dø mut, øi bïnã nduj kï løi kïkanj kï joo'n non, na un kumïn kï dõ dørãt, ndub Luwah, kamla hø bïnã tet, ad ngéndoog, na ngéndoog taa luþon koosïdeg. 20În tube san, ndenïn; na ngéndoog loa øin budag kï nãi, ðoosï jàng kïlah gidaijoo. 21Îgïn san ye, în dekïdïngãg kï asïn dub mi nõ kari, kïkanj tïda dekïdëg kï ngan'g.
Jeju ndia dø baht
(Oo Mrk 6:45 teen 56; Jã 6:15 teen 21)
22Kanangbe, Jeju øsï ngéndoog lon tõtõ kad andïn kam toot, kï awïn kete nõt ta baht ko nu, na ða þaitø, kï'n nyakoosïdeg n'ad awïn kamtã. 23Got, lon nyakoosïdeg ad awïn woi ye, al dø mbalbot kï n'elta kï Luwah, sãi kad degt. Lon lo søl woi Jeju ndï nõbe kïkïðanbe. 24Na too i den bahbot woi, hul man ndï øsa pïka pïka kïta nél ndï la kïdødt. 25Denlot kï tet, kï ko kïnja kaw wai, Jeju a ðe kï rodt, a ndia dø baht. 26Lon ngéndoog oona a ndia dø baht ye, kamd gang ngalang, anan: I ma de.
Þool tøld søkïrr ad koon mbiting. 27Jeju eld ta kanangbe an: Iren kamsï, i mî, ot þoolïn.
28Pierr tura an: Bïraþe îla i î a ne, elïm ad m'aw roit dø mant.
29Jeju el an: I ðe.
Pierr tee kam toot, ndia dø mant, ndï aw kï ro Jejut. 30Na lon oo nél la kï tøgïn ye, þool ðaa ad mbagirr kun man, ga tan kot an: Bïraþe ajïm.
31Kanangbe Jeju la jin høan, ela an: De kï ngekadkam kï tëbe, kïtøði i þadïn a?
32Lon andïn kam toot nél dïba. 33Deg'n ndïn kam toot ye, øsïn død ber nõ Jejut, na elïna anan: Rota î ngon Luwah.
Jeju yoot ngémõig kï Jenejaret't
(Oo Mrk 6:53 teen 56)
34Lon gangïn bah woi kamla, got teen døning Jenejaret't. 35Deg kï døningt'n non gerïna, i Jeju, la elïn kïgo log tube'n gug død, ad deg ðen kï ngérotog tube roat. 36Køna kad nyad ad n'ødïn takub loa koon. Deg tube'n ødïn ye yootïn.
BIBLE MBAÏ © 1980 Alliance Biblique du Tchad.