Mat 13
13
1Ndøt'n non Jeju tee kuju, aw ndï ber ta bahbot. 2Deg koosïg kawïn na kï roat, ad al kam toot, ndït ber, na koosïg ðan dõ dø gøsï baht.
Terrta dø ngeduw nyakot
(Oo Mrk 4:1 teen 9; Luk 8:4 teen 8)
3Jeju eld nyag ngãibe kï terrtag an: Oon be, ngeduw nya tee kad kï'n duw nyako. 4Lon ða duw nya ye, kumnya madg tuson dø ðobt ad yelg ðe õn. 5Kïmadg tuson døning wort, lot'n hã ngahn ningbu tit ngãi al, þan kanangbe kïta ngahn ning kï wo kïber al, 6na lon kàd þai kï dõ ye, gad ad tutïn kurum kïta ngïrad aw ber ngãi al. 7Kïmadg tuson dan kon'gt, kon'g þa tøgïn, utïn død. 8Kïmadg tuson døningt kïmaj, na ndï teen kï kand'd. Kumnya kïkïða and þu, kïmad and døkïbojidet, kïmad and dømïta.
9Kamla Jeju el an: De'n ndï kï mbin kïta koon dø taa ne, kï oo dø.
Girr ndoo nyan Jeju a ndoo deg kï terrtag
(Oo Mrk 4:10 teen 12; Luk 10:9 teen 10)
10Ngéndoog lo Jeju ðen roat, elïna anan: Kïtøði i ndï eldïn ta kï terrtag a?
11Jeju turd an: kïta în la adsïn kad i gerïn nyag kï mund lo kõþe kï dørãt dõ ye, na adïn îgïn ðan non kad gerïn al. 12Kïtø dekïðen hã ndï kï nya a ne, a adïna døt, na a ndï kï dan nyat kï to mbuj mbuj; na de'n nya loa goto a ne, î kï ngon tëbe'n to jiat nõ kaa a taana. 13Oon be, i kïta'n non la m'ndï m'eldïn ta kï terrtag ye, kïta ndï oon lo kanj koo lo, ndï oon dø ta kanj koo dø ta kï ger girra tø. 14Titbe la nyag'n non ten dødt kad tølïn ne ta ta lo ngekelta kï ta Luwaht Esai'n an:
Koo dø ta nõ, a oon titbe, na a i gerïn girra al,
koo lo kï kum taa, a i teen kumsï titbe oon ne, na a oon nya al.
15Kïtø ngarkam deg'n ðan nder gosirr,
sïlan mbid dikïdikï,
utïn kumd mbukï ho,
na þeta n'oon kï kumd, sïlan
mbid, na þeta n'oon dø ta kï mbid, adïn kamd kongkong
na þeta ngarkamd tel kï romt, ad m'yootd.
16Na în, în kï ronel kïta kumsï ndï oo, na mbïsï ndï oo dø. 17Ta kï rota la m'ndï m'elsï nõ, ngékelta kï ta Luwaht kï deg kïdenesew ndigïn ngãibe kï n'oon nyag'n i ndï oon nõ, na oon al, kad'n n'oon dø nyag'n i ndï oon dø nõ, na oon dø al.
Jeju ørr girr terrta kï dø ngedubnyat
(Oo Mrk 4:13 teen 20; Luk 8:11 teen 15)
18Kïtø 'nten în, kï oon dø girr terrta kï dø ngedubnyat. 19Lon de mad oo dø ta kõþe, na ger girra al a ne, ngemajal ðe gaw ta'n duwïn ngarkamat nõ. Î la i kumnya kï tuso dø ðobt ye. 20Døning worg'n kumnya tusot ye, î la i de'n ndï oo dø ta, na kï tajigtbe taa kï ronel; 21na lon kamkøl ke daro ndo þai kïta ta lo Luwah a ne, kanangbe tørr jin girr tat lo Luwah'n taa. 22Kumnya'n duwïn kam kon'gt la i de'n ndï oo dø ta lo Luwah, na soolg kï duniat kï goolg'n nyamajg ndï goolïn na ndï utïn dø ta lo Luwah, ad kanda tee al. 23Døning kïmaj'n duwïn kumnyat la, i de'n ndï oo dø ta, na ger girra maj, taa ndï tee kï kandïn; kumnya kïkïða and þu, kïmad and døkïboidet, kïmad and dømïta.
Terrta dø nyakot kïmaj kï jor
24Jeju tee kï terrta mad ad'd an: Kõþe kï dørãt i tit de'n dub kumnya kïmaj kam ndøøt lon. 25Na lon deg to þin þaitø ye, madngetaa ðe dub jor kam tëit, na tøi aw. 26Na lon nyako þa tøg, mbã ooj dø'n kamla jor tee kï dø'n ho ye. 27Ngéðakïla kad ngeþe ðe elïna anan: Bïraþe, kumnya kïmaj ala i dub kam ndøt loi yo? Na jor'n ðan ye tee ða?
28Eld an: I madngeta mad la ða nya'n non ye. Ngéðakïla loa elïna anan: Ye i ndig kad j'aw kï retd kø ø?
29Na eld an: Ãã, be al, na þeta lon i ða i retïn jor a ne ørrïn ne tëi nat sia. 30I soot kad i nyand tu joo ad tøgïn nat mbã þal ndø; dønah tet nyakot a ne, m'a m'el ngétet nyako m'an: I kawïn jor kï nat; i døøn sîgat kad i lan horr kete kamtã; na i kawïn tëi kï kam damt lom.
Terrta dø kum mutardt
(Oo Mrk 4:30 teen 32; Luk 13:18 teen 19)
31Jeju tee kï terrta mad tø eld an: Kõþe kï dørãgt tit kum mutard'n de mad un dub kam ndøøt lon. 32Kum mutard duu tøi kumnyag tube, na lon þa tøg woi a ne, tel bo tøi mbikám tãg, tel kag, ad yelg kï dõ ndï ðe ðan kujd dø jiagt.
Terrta dø berrkasït
(Oo Luk 13:20 teen 21)
33Jeju eld terrta mad kïðang an: Kõþe kï dørãgt titberrkasï'n dekïdë mad un, løin nduj kï asï kam ngotørrnya mïta, mbã ad nduj kï løi kïtaagbe þai.
Kïtøði Jeju ndoo deg kï terrtag?
(Oo Mrk 4:33 teen 34)
34Nyag'n non tube Jeju el koosïdeg kï terrtag, na eld nya mad kïða kanj terrta al, 35kïtakad tølïn ne ta ta'n ngékelta kï ta Luwaht elïn anan:
M'a m'tee ta'm kï m'elïn terrtag,
m'a m'kïja nyag'n i kï yaro lo la girr duniat nu.
Kørr girr terrta kï dø tëit kï jor
36Kamla Jeju nya bakad koosïg ad awïn na and kuju. Taa ne, ngéndoog loa ndøtïn kï roat anan: Ørr'j girr terrta kï dø jort kï kam ndøøt'n non.
37Jeju tur an: De'n dub kumnya kïmaj i Ngon de. 38Ndøø i dunia; kumnya kïmaj i ngan'g kï kõþet, jor i ngan ngeðamajal. 39Madngeta'n dub jor i sitan, þalndø i døngoi duniã'n ðan, ngétetnyako în malaikag. 40Tit'n a retïn ne jor lan horr ye, i titbe ho la nyag a ðan ne nya døngoi duniat ho ye. 41Ngon de a la malaikag lon îgïn a kawïn nyag tube'n ndï gan deg gigt, kï deg tube'n nyaðad i kïgo mberkïndat al, a ørrïn deg'n non kø kad andïn kam kõþet lo Luwah al; 42na a ünd kam horr Jahanamat kï kõ giling giling; nu la a nont, na ngorïn ngangd mormor. 43Na deg kïdenesewg taa ne, a unjïn gid gid tit kàd be kam kõþet lo Bøwd. De'n ndï kï mbin a ne, kï oo dø.
Terrta dø nyamajt kï yaro
44Kõþe kï dørãt i tit nyamajg kï mbõ'n i kï yaro kam ndøøt, na de mad þa døt; yaro gog; na roa nela ngãi ad aw a kï ðaw nyag lon tube kø ndugon ndøøn non. 45Kõþe kï dørãgt tø tit ngeðagat mad'n a sah med køsï kïmaj. 46Lon ngah med køsï mad kï gata i ngãi ye, aw a kï ðaw nyag lon tube kø ndugon.
Terrta dø bandbïrat
47Kõþe kï dørãgt tø i tit bandbïra'n deg ün kï kam bahbo kat't, ad hø kanjg kïðen kïdangdang kï nat. 48Lon ðoosï woi ye, tuin bandbïra'n non kï bøgbaht, kamla ndïn ber, kawïn kanjg kïmaj maj kï nat kï kam kúgt (ðugt) na ün kïmajalg kø. 49A i titbe ho døngøi duniat: Malaikag a ðen na a tørrïn deg kïmajalg kø ku degt kïdenesew; 50a ün deg kïmajal kam horr purrt kïkõ giling giling, nu la a nont na a ngorïn ngangd mormor ye.
Ta dø nyamajgt kï kij kï kïkõ
51Jeju el an: Oon girr nyag'n non tube e?
Turïna anan: Ãã. 52Na Jeju eld an: Titbe taa ne ngendang maktub kïðen'n ndoo ta maj dø nyagt kï kõþet kï dørãgt ye, i tit kï de kï ngeþe'n ndï øi nyag kï kij kï nyag kïkõ kam nyamajgt lon kïþø.
Deg kï Najaret't mbetïn Jeju
(Oo Mrk 6:1 teen 6; Luk 4:16 teen 30)
53Lon Jeju el terrtag'n non tïga woi ye, þai nõbe tøi, 54tel ðe þe lon, ða ndoo deg kam kuj kawnat lod, ad taa ya deg'n oon dø ta loa ad elïn anan: De'n ndïn, ngah terr kï kïlag kï yaya'n non ye ko ða a? 55I ngon sarrbandi ye a la ndïn ya? Tø kõa i Mari ale? Na Jak kï Jojep kï Sïmõ kï Jud în ngankõa ho ale? 56Ngankõag kïdëg tube ndan þe nat sej nëbe ale? De'n ndïn ngah nyag 'nten tube kokïða a?
57Oon Jeju nya gagigt kïtad ad adïna kamd al. Jeju eld an: Ngekelta kï ta Luwaht a ngah køsïgon kï log tube, na kam þe koojat kï kam kujt loa taa ne, a ngah køsïgon tit al. 58Ad Jeju ða nyag kï yaya kam þet kï Najaret al kïta kam kongkong lod.
BIBLE MBAÏ © 1980 Alliance Biblique du Tchad.