Mat 15
15
Ndoo kï dø nyabelþegt lo kaa deg
(Oo Mrk 7:1 teen 23)
1Kamla Parisïg kï ngéndang maktubg ðen ko Jerusalemt ro Jejut anan: 2Kïtøði ngéndoog loi tøin ne dø nyabelþeg lo kaajg a? Kïtø ndï tugon jid kete kamtã san nya al.
3Jeju turd an: Na în kïtøði i ndï i tøin ne dø mþergkïnda lo Luwah kïta ða nyabelþeg losï a?
4Kïtø Luwah el an: Øsïgon bøwi kï kõi, na el tø an: Kï de'n elta kïmajal dø bøwïnt ke kõn a ne, kï øjïna kuma kï koi.
5Na în i ndï elïn anan: De'n ndï el bøw'n ke kõ'n an: Nya kï ðan sei'n a i ngah jimt i korba ad i kadkari kï nda køtkokïða kïta Luwah nõ koon, a ne, de'n non sumba kad øsïgon bøwïn ke kõn al; 6i ndï i telïn ta lo Luwah nya kï karit kïta nyabelþe losï. 7În, ngéndokum deg. Esai, ngekelta kï ta Luwaht ndø ndil maj dan døsï ðang la el an:
8Deg'n ðan ndï øsïn gonïm kï ndar tad,
na ngarkamd i sãi romt.
9Kï ndang pãbe la ndï øsïn ne død ber nõmt ye,
na nyandoon ndï ndoon deg i mberkïndag lo deg.
Ta lo nyag'n a telïn de kïyerrt
(Oo Mrk 7:14 teen 23)
10Kamla Jeju kun koosïg kï ront eld an: Oon dø, na i gerïn girra. 11Nya'n and ta det hã ndï tela kïyerrt al, na nya'n tee ta det la ndï tela kïyerrt ye.
12Taa ne ngéndoog loa ðen, na elïna anan: I ger kad lon Parisïg oon dø ta'n el ye, ta loi tuj ngarkamd e?
13Na Jeju tur an: Kag kïðen Bøwm kï dõ dørãt hø al a ne, a retïna kø kï ngïraagbe. 14I nyand, în mundog ngékørrta kag mundog. Îla mundo ndï ørr ta kag mundo a ne, în tujoo a son hoolþet.
15Pierr turta an: Ørrj girr terrta'n non.
16Na Jeju an: Îng kaa în kïkanj goosï titbe tø ho oo? 17I gerïn kad nya kïðen ndï and ta det, ndï tøi kï kandaat, na got a tee njaþe ale? 18Na nya'n ndï tee ta det, ndï tee ko ngarkamt det non la ndï tel de kïyerrt ye. 19Kïtø rota, ko kï ngarkam det la tagah kïmajalg, tøl deg, sah në deg, sah ngawt, þog, manaj kï ngom, tajg, ndï teent ye. 20În non la ndï tel de kïyerrt ye; na sanya kï ji kïkanj tugo hã ndï tel de kïyerrt al.
Kadkam Luwah lo dekïdë kï kanat
(Oo Mrk 7:24 teen 30)
21Jeju þai nõbe aw døning Tirrt kï døning Sidõ. 22Na oon dekïdë mad kï Kanaat þai ko nõbe ðe ða ko an: Oo kumm kï lo tondot, Bïraþe Ngon Dabid. Ngonïm kïdë ndï kï ndil kïmajal kamïnt kï da kuma ndo ngãi.
23Na Jeju tura ta mad kïða al. Ngéndoog loa ndøt'n kï roat, køna anan: I nyàa ad aw kïta a ko gojt.
24Jeju tur an: Lamïn kï ro batgt kï þe lo Israel kï nãig tã, na kï ro det mad al.
25Na dekïdë ðe øsï døn ber nõat, na ela an: Bïraþe, i ða sem.
26Jeju tura an: Maj kad de un nyasa lo ngan'g la ad ngan bisïg al.
27Na dekïdë el an: I rota Bïraþe, na ngan bisïg kaa, ndï san bud nyasag'n tuson kï ber girr tablet lo ngédg.
28Kamla Jeju tura an: Dekïdë, kadkami Luwah i kïbo. Kad ðan sei titïn hã i ndigïn.
Na ngona kïdë kan i mõi nõ ye, yoot kïtajigtbe kaglot'n non,
Jeju yoot deg ta bahbot kï Galile
(Oo Mrk 7:31 teen 37)
29Jeju þai ko nõbe aw bøg bahbot kï Galile. Al dø mbalt, na ndït ber nõbe. 30Ba kad koosïg ðen roat kï ngétusomootg, kï mundog, kï ngérogõmïrg, kï ngékelta niknikg, kï kïmadg ngãibe tø. Ünd kï njaat ad yootd. 31Koosïdeg ye ta yad biw lon oon ngékelta niknikg ða elïn ta ørr warang. Ngérogomïrg sïran rod, ngétusomootg ða ndian kïðingg kï mundog ndï oon lo ad elïn anan køsïgon kï dø Luwaht.
Jeju ad nyasa deg dub søø
(Oo Mrk 8:1 teen 10; Mat 14:25 teen 31)
32Jeju kun ngéndoog lon na eld an: Ta õ kamm kïta bakad koosïg'n ðan, kïta asï ndø mïta la ndïn sem, na ndïn kï nyasa al, m'ndig kad awïn þe lod kï þo al, na þeta kumd ild døðobt.
33Ngéndoog loa elïna anan: Ko ða hã ja ngah nyasa kam dïlalot la kï asï nden bakad koosïg kï titbe a?
34Jeju ndïjed an: Bïna kï løi i bãi jisït a?
Elïna anan: Kuþïr bïnã kï løi tanãimïta kï ngan kanjg tëbe ho.
35Jeju elta koosïg kad ndïn ber døningt, 36taa bïnã kï løi kïtanãimïta kï ngan kanjg, na got ða mersi, hø tet, ad ngéndoog lon, na ngéndoog kegïn koosïg. 37În tube san, ndenïn, na øin ndeg buda ðoos jangg tanãimïta. 38Îgïn san nya ye, în dekïdïngãg dub søø, kanj tïda dekïdëg kï ngan'g. 39Lon nyakoosïg ad awïn woi ye, Jeju al kam toot, na aw døning Magadant.
BIBLE MBAÏ © 1980 Alliance Biblique du Tchad.