Mat 12
12
Ngéndoog lo Jeju tetïn dø nyako ndø taakòt
(Oo Mrk 2:23 teen 28; 3:1 teen 6; Luk 6:1 teen 11)
1Kaglot'n non Jeju a gang kam ndø nyakogt kï ndø taakò. Þo õ ngéndoog loa, ad tetïn dø nyako ða san. 2Lon Parisig oon nya'n non ye, elïna anan: Oo. Ngéndoog loi a ðan nya'n i goðobat al kad de ða kï ndø taakò.
3Jeju turd an: I dan kam maktubt oon nya'n Dabid ða, lon þo õa'n kï îgïn în nat sia ye ale? 4Titbãi and kuju lo Luwah, sa bïnãg kï nda nõ Luwaht, nat kï deg lon a? I goðobat al kad î kïþe ke ngékaw sia nat san bïnãg kï nda nõ Luwaht, na ngéjamosïkadkari tã la a san ye. 5Ke i dan kam mberkïndat lo Moij, kad ndø taakòt, kam kuj ndub Luwaht, ngéjamosï kadkarig ndï tøi'n dø mberkïndah dø ndø taakòt kïkanj kad ta hød ale? 6Na m'ndï m'elsï nya mad kïbo tøi kuj ndub Luwah i në. 7Na neni, i gerïn girr ta lo Luwah'n el an: M'ndïg kamkë, na kadkari kïjakø al nõ a ne, neni a i høn îgïn ta lod goto kï ta al. 8Kïtø Ngon de i Bïraþe lo ndø taakò.
Jeju yoot dekïdïngã mad kï ngerokoinjør kï ndø taakò
(Oo Mrk 3:1 teen 6; Luk 6:6 teen 11)
9Jeju þai nõbe ud kam kuj kawnat lod. 10Oo de mad kï jia kïða oi njør ndï tit nõ. Ndïjen Jeju anan: I goðobat kad de yoot de ndø taakòt e? Ndïjen titbe kad n'lan ne ta døat.
11Na Jeju turd an: Nõ kusït hã aw kï bat kïðabe, na bat loa nõ so hoolþet ndø taakòt a ne, a hø ørra al a? 12Gat de tøi kïlo bat sãi ale? Ad i goðobat kari kad de ðamaj ndø taakòt.
13Kamla el de'n non an: I sïra jii.
De'n non sïra jin, na jia to maj kari, tit kï mad. 14Na Parisïg teen tïga, øjïn na ta døat, ke titbãi n'an nujïna ne kø a? 15Na lon Jeju ger kad a sahn ðob tølïn ye, þai aw sãi kad lot'n non. Deg ngãibe ndulon goa, na yoot mõig tube; 16na ndad mber kï tøgïn kad kï adïn deg gernïn al, 17kïtakad tølïn ne ta ta'n Esai Ngekelta kï ta Luwaht el an:
18Oon so, þer lom'n m'mbeda la ðan,
ngetar lom kï rom nelïm sia ngãi;
m'a m'ü ndilïm døat,
na a lamber nyaða kïdenesew kï ro girrdegt kï døningt.
19A sah ta al, a ko mborrïrr mborrïrr al,
de a oo ka ndia dø ðobgt al ho.
20A hø kad nya kï tøø tet al,
a tøl horr kï ndï õ mel mel þaitø al,
mbã kad mber nyaða kïdenesew loa tetðøø.
21Girrdeg kï døningt a ndan kamd døat.
Jeju kï Beljebul
(Oo Mrk 3:20 teen 27; Luk 11:14 teen 23)
22Kamla ðen kï de mad ro Jejut, i de kï ngéndïl kïmajal, i mundo, na a elta set ho. Jeju yoota, ad oo lo, na elta ho tø. 23Ta ya koosïdeg tube ad anan: De'n ðan i ngon Dabid ale?
24Na lon Parisïg oon dø ye anan: De'n ðan ørr ndil kïyerrg kø kï døn al, na kïtakul Beljebul ngar lo ndil kïmajalg.
25Na Jeju ger tagahd, ad el an: Kõþe kïðen gang joo ndoor døn a ne, a tel gotþe. Deg kï kam þebot kïðen ke deg kï kam kujt kïðen a gangïn na joo ndoorïn na a ne, a ðan lo ðadt al.
26Îla sitan ndï ørr sitan kø a ne, kõþe loa gang joo ndoor ron î kïþe, ye titbãi hã kõþe loa a ða lo ðant a? 27Na îla m'ndï m'tuþa ndil kïmajalg kø kïtakul Beljebul a ne, kïtakul nõ ngéndoog losï ndï tuþan ne ndilg kïmajal kø a? Kïtø 'nten ngéndoog losï în kïþeg a în ngégangta døsït. 28Na îla i kïtakul Ndil Luwah la m'ndï m'ørrïn ndil kïmajalg kø a ne, kõþe lo Luwah hursï yedeng, tee rosït woi.
29Titbãi de mad a asï kand kuju lo ngetøgde kï n'øi nyag loa îla døø ngetøgde'n non kete kamtã al a? A døa kete kamla a tirr nyag kï kam kujt loa pur ye. 30De'n i sem al a ne, i ngendorïm; de'n ndï kaw nyag kï nat sem al a ne, ndï tïndah nyag tî kø. 31Î nõ la m'ndï m'elsïn m'an: Luwah a nyàgo majal kïðen kï takïmal kïðen lo deg, na a nyàgo takïmal kï kel dø Ndil Luwaht al bat. 32Na îla de mad elta kï ndoor Ngon de a ne, Luwah a nyàgo kø, na îla elta kï ndoor Ndil kïkunjðang a ne, Luwah a nyàgo majal loa kø al, ke kam kaglot kï tajigla ke kam kaglot'n a ðe.
Tag kï tee ta det kï ngarkam de kag kï kanda
(Oo Luk 6:43 teen 45; Mat 7:16 teen 17)
33Îla kag i kïmaj a ne, kanda kaa i kïmaj ho na îla kag i kïmajal a ne, kanda kaa i kïmajal ho: a gerïn kag kïtakul kanda. 34Ngaka køka, lon în kïmajalg titbe ye, titbãi a asïn kelta kïmaj a? Kïtø ta'n ndï tee ta det i nya kï ðoosï ngarkama ta'a ü pia pia. 35De kïmaj ndï tee kï nyag kïmaj kokam nyaþøt lon kïmaj, na de kïmajal ndï tee kï nyag kïmajal kokam nyaþøt lon kïmajal. 36Na m'ndï m'elsï, kï tïga wakïsï, ta kï kari pãbe tube'n deg ndï elïn nõ, a dan køra ndø gangtat. 37Kïtø i kïgo tat loi la a ørrïn në ta døit, na i kïgo tat loi ho la a høin ne kï ta ho ye.
Deg sahn nyakøj mad ro Jejut
(Oo Luk 11:24 teen 32)
38Kamla ngéndang maktub madg kï Parisïg unïn ta anan: Ngendoo deg kï ndig kad i ða nyakøj mad ad j'oo.
39Na Jeju turd an: Ngakaa deg kïmajal, ngétet køw, ndïjen nyakøj mad. Na a adïnd nyakøj mad kïðang al, na nyakøj lo Jonas ngekelta kï ta Luwaht nõ koon. 40Kïtø tit'n Jonas ton kam þølþoo kanjt kïbobe kï kam bahbot ndø mïta kï kàd mïta ye, titbe la Ngon de a ton ndø mïta kï kad mïta kam døningt ho ye. 41Deg kï Ninibt a þai ðan dõ ndø gangtat nat kï ngakaa deg'n non, a hønd kï ta kïta tørrïn ndid lon Jonas lad'n mber ta lo Luwah, na oon so. De mad kï bo tøi Jonas i ne. 42Ngar kïdë kï ko døø a þai ða dõ ndø gangtat nat kï ngakaa deg'n non, a hød kï ta kïta þai ko døboi døningt ðe kï n'oo dø terr lo Salomõ, na oon so, de mad kïbo tøi Salomõ i ne.
Tel ndil kïyerr kï kam det gog
(Oo Luk 11:24 teen 26)
43Lon ndil kïyerr tee kam det ye, lago log kï man gotot, sah lotaakò, na ngah al a ne, 44a el an: M'a m'tel kï þe lom gog lot'n m'teet. Tel ðe taa ne ngaha to kari, i kï tisapatpat, kï ðago woi. 45Ta la tee aw øi ndil kïmadg tanãimïta kïmajal kï tøgd tøi kï loa, na ðe andïn kam det'n non ndïn tit. De'n non jindïa kï døboit tel majal tøi kïdasa. Titbe ho la nya'n non a ðan ngakaa deg kïmajal'n non ye.
Nõg în kõ Jeju kï ngankõa kï jeje?
(Oo Mrk 3:31 teen 35; Luk 8:19 teen 21)
46Lon Jeju ndï elta kï koosïdeg þaitø ye, oon kõa kï ngankõa kïdïngãg ðan tïga sahn kï n'elïna ta. 47De mad ela an: Oo so, kõi kï ngankõi kïdïngãng ðan tïga nõ, sah kï n'elinta.
48Na Jeju turta de'n ela ta nõ an: Nõ i kõm na nõg în ngankom a?
49Kamla la jin kï dø ngéndoogt lon, na an: Oo kom kï ngankom so.
50Kïtø dekïðen ndï ðago ndigt lo Bøwm în i kam dørãt dõ a ne, îla i ngonkom kïdïngã, kï ngonkom kïdë kï kom ho ye.
BIBLE MBAÏ © 1980 Alliance Biblique du Tchad.