Jak 4
4
Ta dø ða namnat kï dunia
(Oo 1 Pie 5:5 teen 9)
1Ðøønãg kï kølnag kï kusït ye ðen ko ða a? Nyag'n non ðen kïtakul nyurkõg kïmajal kï ngarkamsït'n ndï ðøøn na kam ngãn rosïgt. 2Ad i ndï i ðan kumndà dø nyat mad, na asïn kad i ngahn al, kïta 'nten i ndig tølïn ne deg. Nyur nya mad ndï õsï, na asïn kad i ngahn al. Kïtø 'nten i ndï i kølïn na, i ndï i ðøøn na ho, na i ngahn nya'n i ndigïn nõ jisït al kïta i køn Luwah al. 3I ndï i køn nya, na i ngahn al kïta i køn kï tagah kï goot al, i ndï i køn nya Luwah kïta koomajro losï. 4În ngémbet Luwah. I gerïn kad tar nyag kï duniat i køsïta Luwah ale? De'n ndï hø ða namna kï dunia a ne, ndï tel madngeta Luwah. 5Oon maktub lo Luwah an: Ndil'n Luwah ad i kamjt ye jang ndï tøla søkïrr kïtatøa ale? 6Titbe kaa ne, Luwah ndï adj kamkë kï ngãi kï tøi þaitø kïta maktub kï ndang elta døt an: Luwah ndï taaðøø ngédøngang, na ndï ad maj urr deg kï ngésøl død. 7Kïtø 'nten, i lan døsï girr tøgt lo Luwah, i taan døø sitan, na a ãi sãi rosït. 8Tajigla i ndøtïn kï ro Luwaht nderrbe tit'n î kïþe ndï ndøt'n kï rosït. 9Maj kad i gerïn dangt losï, i non rosï, i høn ndo, kad go losï tel ndo kï hø, na kï ronel losï tel ndinga ro. 10I sølïn døsï kï nõ Bïraþet, na î tø a tøisï kï dø.
Maj kad i gangïn ta dø ngonkõt kï kam Krist't al
11Ngankom, ot kelïn ta kïmajal dønat, kïta de'n ndï elta kïmajal dø ngonkõt, ke gangta døat a ne, ndï elta kïmajal dø mberkïndat lo Luwah ho. Na lon i ndï i gangta dø mberkïndat a ne, i ndï i tel roi go mberkïndat al na i ndï i tel roi ngegangtat tã. 12Luwah kïðabe do la i Ngekad mberkïnda ho, I Ngegangta ho ye, Î kï kïðanbe tø la asï kaj de ho, asï tuj de tø ho ye; na î ye, Î nyai nõ i ndï i gangta dø madþeit a?
Maj kad de ða døngang al
13Tajigla, i nelïn mbisï kad oon ne dø ta lom maj. În deg'n i ndï elïn anan: Þola ke loti j'a j'aw sukï þebot mad, j'a kï ða þal tit ho, kï ðagat kï ngahn nya dø madt. 14Ye oon be, i gerïn nya'n a ða nya loti al. Ndisï kï døsï dõ i ði? Ndisï kï døsï dõ i tit kund man kï su lui ad oon døkaglot kï tëbe, kamla nyïmïr ye. 15I soot kad elïn anan: Îla Bïraþe ndig, na ad kï ndï kï døj dõ a ne, j'a kï ða nya 'nten, ke j'a kï ða nya kï be. 16Na tajigla i ndï i gan buro kï ta kï kel kï pãbe kïgo lo døsïrt, gaburo kï titbe majal. 17Kïtø 'nten, maj kad kamsï gah dø tat 'nten: De'n ger ða maj na ða al a ne, ða majal.
BIBLE MBAÏ © 1980 Alliance Biblique du Tchad.