Jak 5
5
Ndáng ngémajg
1Na tajigla taa, în ngényamajg i nelïn mbisï oon ne dø ta lom maj. I non rosï kï køl kï ga kang kang, kïta kõg'n þet a ðen døsït. 2Nyamajg ndumïn mbukï, nyõ õ kubg losï nyuk. 3Nar l'ør kï nar arjã losï nõn nusïsï, na nõd a tel nya manaj døsït kam ndøg kï døboit, a õ dãrosï tit horr be. Dunia a tuj yela i ndï i mbõn nyamajg kï nat kam kaglot kï døboit yo? 4Oon, ngéðakïlag'n ðan kïla kam ndøøgt losï ye, i band nar kïla lod al ad ða kon, na ko lod so mbi Bïraþet kï Ngekoosïg. 5I ndin kï døsï dõ kam koomajrot, i ðan nyag kï kamsï gee, i ndï ulïn rosï ad bo ndul ndul tit biãg kï ulïnd kïta sa. 6I gangïnta kï gootal dø det kïdenesew, na i tølïna kïkanj kad taasï ðøø.
Ta dø ndïdøt kï kelta kï Luwah
7Kïtø 'nten, ngankõ, maj kad i ndin døgt, mbã ndø tel Bïraþe Jeju. Kï kamsï gah døt, ngendøø ndï ngoo kand døning kïmaj kï ndïdøt, ndï ngoo man ndii kïdasa, kad'n duwïn nya, ndï ngoo man ndii kï ta þalt kad nyako and, mbuj asï ja. 8Titbe, în tø, i ndïn døt gasï, i høn tøgsïbá. Kïtø tel Bïraþe i nderrbe. 9Ot nyurïn dønat, na þeta Luwah gangta døsït, oon Bïraþe kï ngegangta loj ða tabit't. 10Ngankom, maj kad i ndajïn ndïdøt gasï lo ngékelta kï ta Luwaht. Deg'n non ndïn døt kï deg kï ngéða sed nyag kï kõkõ. 11J'elta dødt wang. J'an: Ngékelta kï ta Luwaht'n non în ngéronel kïta høntøgd bá. Oon hoi høtøgbá lo Job kamkõgt ale? Kamkë kï kookumtondo lo Bïraþe ton mbuj kïtatøa. 12Na kï tøi nyag'n non tube, ngankom. Ot ndan yo kï ndii, ke kï duro kï sa, ke kï nya mad. Na i soot maj kad elïn anan: Ãã îla i ãã, a ke jag jag îla i root al. Îla i titbe al a ne, takïgang lo Luwah a so døsït. 13Îla de mad kusït i kamkõt a ne, maj kad elta kï Luwah. Îla de mad roa nela a ne, maj kad øsï pa ndub'n Luwah. 14Îla de mad kusït i mõi a ne, maj kad kun kïbog lo ngékawnag ad elïn ta kï Luwah kïtatøa, kï wurïna kï yib kam tø Bïraþet. 15Kelta kï Luwah kï ndahkamdø Luwaht a yoot de'n mõi ðaa. Bïraþe a yootaa ho, a nyàgo majalg'n ða nõ kø. 16Kïtø 'nten, i tøn tasï dø majalt losï kï ro nat na elïn ta kï Luwah kïta na kïtakad i ngahn lapia. Kelta kï Luwah, kï ndahkamdø Luwaht jeje lo dekïdenesew aw kï tøg ngãi kam kïlaðant. 17Eli, ngekelta kï ta Luwaht, i de kï mosa ãi titj ho, na elta kï Luwah kï rotîn kad ndii ed al, na Luwah ad ndii ed døningt al, þal mïta kï nah kïkïbojidet. 18Kamla Eli tel elta kï Luwah gog tø, na Luwah ad ndii ed, ad døning tee kï kandïn. 19Ngankom, îla de mad ud mut ad nya ðob rota lo Luwah kø, na îla de mad ørra tel sia kï ðob rotat gog a ne, 20maj kad i gerïn, de'n ørr ngeðamajal dø ðobt'n ndomt, tel sia dø ðobt kï rota nõ, a aj ngeðamajal'n non ta koit, na Luwah a nyàgo koosï majalg loa kø.
BIBLE MBAÏ © 1980 Alliance Biblique du Tchad.