Jak 3
3
Ta dø ndõ det
(Oo Mat 12:33 teen 37)
1Ngankom, maj kad ngéndoo deg bïlan ngãi kusït al. Kïtø i gerïn þet jî ngéndoo deg ye, Luwah a gangta døjt ad ngang tøi lo ndeg deg. 2Kï nja natnatbe, jî tube kï ndï kï ðan nyag kïgootal. Îla de mad ða majal kam takelïnt al bat a ne, i de kï kasïnatap, asï kad hø ron kïtaagbe njirrirr girr tøgt lon tø. 3Îla kï la jam ta sïndat kad tel ron gojt a ne, j'a kï teta kad aw lot'n kï ndig nõ. 4Oon toog kïbo, ke neni în kïbo ngãi kaa ne, i gøgirr kï ngon tëbe la ndï tetin ne død ye, ndï awïn lot kï nge hø gøgirr ndig tã. 5Titbe tø la, ndõ de i ngon ro kï tëbe, na ndï elta gan buro dø nyagt kïbo ngãi. Oon maj. Horr kï ngon tëbe asï kad õ kù kïbobe kari. 6Ndõ de ye, i tit horr be, ndï ad roj tube ða majal, i ngon ro kï tëbe kam rojt, na ad roj kïtaagbe tel kïyerr, ndï la horr kaglo ndij kï dø dõ kï horr kï ðe ko kam Jahanamat. 7Oon dãg kïdangdang kï kam mut tube, kï yelg, kï dãg kï ngékørrkød'd ber, kï nyag kï kam bahbo kat't în girr tøgt lo de. 8Na ndõ de taa, de kï asï høa girr tøgïnt goto, i majal kï dum kad de høa girr tøgïnt, kïta ðoosï kï kî tøl de. 9Kï taj kï kïða nõ la ndï kï njangïn dø Bïraþe, na ro taj nõ tø la kï ndï kï lan yo deg'n Luwah ndahd þakumtan. 10Ngankomg, kï taj kï kïða nõ kï ndï kï njangïn dø deg na taj kï kïða nõ tø la, ndï kï lan yo deg ye, maj kad i titbe al. 11I rot kad man kï søl kï kï kat tu teen kam bulo mant kï kïða al. 12Ngankom kag mbaiþood a asï kad and kand bir al. Ke dî nduu a and kand mbaiþood al. Titbe la bulo kï mana at bang a asï tee man kï mbë al ho ye.
Terr kï þai ko dõ
13Îla de mad kusït an: Mî ngeterr a ne, kï de'n non øj terr lon kï tïga wakïsï ad deg oon kam pandiat kïmaj ho kam kïlaðat kï kasïnatap, kï kam halt kï sayelïl. 14Na îla nî kï katbang, kï hal gakïna ðoosï kamsï a ne, maj kad i gan buro al ho kï elïn takïbal i ndoorïn ne rota al ho. 15Terr kï titbe ndï ðe ko dørãt al, na i terr kï døningt la, i kïgo hal det ho, ðe kokïro sitant ho. 16Kïtø lon hal nî kï jang i tit a ne, nõbe burþukït kï majal kïdangdang în tit ho. 17Na terr kï þai kokïro Luwaht taa ne i dang. Dasabang i terr kïjanjoi, kamla ndï la deg nooj nat, i terr kï søllom, ndï ad deg telïn rod gotat. Terr'n non þakot kï kookumtondo, ndï tee kï nyaða kïmaj, i kïkanj kørr de dene ho, kïkanj ndo kum deg ho. 18Deg kï ngéla deg nooj nat ye, ndï duwïn nooj kï hø tit kum nya be, na a tetïn kand nyaða kïdenesew nõ Luwaht.
Currently Selected:
Jak 3: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.