Esa 9
9
1Deg kï ngéndia kam tilt ye,
oon kunj mad kïbobe;
dø ngéndï døning ndilt,
kunj unj.
2Ad deg ðan ronel kïbobe.
Ðan ronel nõit
tit'n a ðan ne ronel
kaglo teet nyakot,
tit'n deg a ðan ne ronel,
lon a kegïn na
nyatetðøø be.
3Kïtø jug øi dødt,
kag i dø bøgat,
i tetd tit'n i tetïn ðøø Madiag be.
4Sanja lo ngeðøø kïðen'n ad døning ye,
kubji kïðen kï ndusï kam mosït,
horr a õ mugj.
5Kïtø ooj ngon adj,
adj ngon kïdïngã,
Kõþe a i dø bøgat,
a ndan tøa:
Kïmaj ngãi,
Ngekøgta kïmaj,
Luwah Ngetøg,
Bøw kïmbãkïnõt,
Ngar kïsøllom. 6Kõþe loa a aw kï ketekete,
a ad lapia kï døboa goto,
a ndï dø pong kõþet lo Dabid,
na kïta kõþe loa kï a nda
a ada ða bijïr,
na øsï goa kïdõ
dø rotat kï denesew,
tajigla kï mbãkïnõt.
Tîrokat lo Bïraþe Ngetøg
a tølkon nya 'nten.
Wong lo Bïraþe kïdø Israelagt
7Bïraþe la kï ta lon ro Jakobt,
ad so dø Israelt.
8Deg tube kï Epraim,
kï ngéndï Samari a gerïn þet.
Elïn ta kïgo døngangt,
kï burokïga kamdt, anan:
9Ndogbørrg tuson,
j'a kï ða kï mbalg kï tøsï;
kag þølg in kï gang kø,
j'a kï mbeld kï kag sedïrg.
10Na Bïraþe a søkï
madngétasïg kïtakul Resin,
a søkï ngéndoorsï kï døsït.
11Madngétag'n non in Siriag
kï loþakàdt,
kï Pilistiag ko did'dt.
Na kam nyagt'n non,
wong lo Bïraþe a dïba al,
na jia ða kïdõ kïta nda øjdïn þaitø.
12Be kaa deg telïn kï ro ngendadt al,
sahn Bïraþe Ngetøg tube al tø.
13Titbe Bïraþe a gang dø Israel kï þonga kø,
a gang døji tumur kï kadnya kam ndøt kï kïðabe.
14Kïbo kï de'n deg
øsïn gõna la i dø,
ngekelta kï ta Luwaht kï ngom'n an:
ndï n'elta kï ta Luwaht
kï ndood takïbalt la i þonga.
15Ngékørrta ðob deg'n non
ünd mut,
deg'n ørrïnd ta ðob tø nujïn.
16Kïtø 'nten la Bïraþe a
ða ronel dø basagt lod al.
A kumtondo lo ngan halg
kï ngéngawkoig lod al tø.
Kïtø in tube
in ngéða nya kïgo
lo Luwaht al,
kï ngéðamajal.
Takeld tube i kïþood
na be kaa wong lo Bïraþe duba al,
jia ða kïdõ þaitø.
17Kïtø kamkil õ tit horr be,
õ kõng kï ngarrg,
na õ mu kïnder kï kùt.
Sahorra su luilui kïdõ tit pilie be.
18Horr õ døning 'nten
kïta wong kïtïngabil
lo Bïraþe Ngetøg tube.
Na deg in tit nya sa lo horr be.
De kï oo kumtondo lo ngonkõn goto.
19A sahn kokõt, na þoo a ðad þaitø;
a sahn kogel,
na a ndanïn al.
Dekïðen sa dã jin.
20Manaseag ndoorïn Epraimag,
Epraimag ndoorïn Manaseag;
in tujoo son kø Judat,
be kaa wong lo Bïraþe duba al,
jia ða kïdõ þaitø.
BIBLE MBAÏ © 1980 Alliance Biblique du Tchad.