Esa 22
22
Takel Bïraþe dø Jerusalemt
1Takel Bïraþe dø hoollo nyakookamndilt laten: Ði ðai tajigla ad î kï deg loi tube, i ndï alïn dø kujgt a? 2Þebo kï ðoosï kï ngégakøl. Þebo kï kïse ngãi, þebo ronel. Kïtølg loi tøin kï kiyaðøø al, oin ta ðøøt al tø. 3Ngékõþeg loi ãin nat,
na hønd kanj kad
ndan kïrãg lod dø gãt,
hønd ta kïðabe,
lon ndï ãin ne na kïsãi.
4Kïtø 'nten, m'elïn m'an:
I turïn takumsï kø romt,
i nyàmïn ad m'nõ kïtïngabil.
Øsmïm kï døtdøt
kad kamm søl al,
dø nujkøt lo þebo lo deg lom.
5Kïtø þone i ndø kamkøl
kï ndø tuj, kï ndø þool,
i ndø kï ðe ko ro Bïraþe Luwaht Ngetøg tube,
kam hoollo nyakookamndilt.
Tetïn ndogbørrg,
kookumtondo aw kï dø mbalbogt.
6Deg kï døning Elam unïn þøl kïrãg
dø pusï sïnda ðøøgt kï ngékald.
Deg kï þebo Kïr teen kï derdøøg lod.
7Hoollog lod kïmaj dum
ðoosï kï pusï sïnda ðøøg,
na ngékald ðan rod woi,
ðan tabit't losï kïta ðøø.
8Ngîn nyakutdø lo Juda kø.
Ndøt'n non ur kumi kïdø kuj
ngom nyaðøøt'n a kunïna kút.
9Oon ndogbørr lo þebo lo Dabid,
tøsï tetïn kï log dangdang.
I kawïn man kïkam lo ngon mant kïber.
10I tïdan kujg kï Jerusalem,
i tetïnd kïber kad deg alïn dø
ndogbørrt udïn kïkamt al.
11Urïn bulo man
mbïna ndogbørrgt
kïjoo kïta man
kïkam bulo ngom mant kïmaði.
Na urïn kumsï kïdø ngéðaat al,
i nølïn lo kï ro ngekøjta
ðaat maði nõ al tø.
12Ndøt'n non
Bïraþe Luwah Ngetøg tube
kunsï kad i nõn kï gu kï nda,
kad i ngïsen døsï,
kad i døn þoosï kï kub kïllagum.
13Na i ronel kï tøi dø.
Tølïn mangg, jan kø batg,
san dã na ãin kasïnduu,
na ndï elïn anan:
Ad kï san na j'ãin
kïta loti j'a j'oi.
14Bïraþe Ngetøg kïtaitøi kïdøn tee kï døn romt,
elta mbimt an:
Rota, a nyan go ðagootal 'nten kø al mbã køisï,
kel Bïraþe Luwah Ngetø kïtaitøi.
Eliakim a ða kïla goot Sebnat
15Titbe kel Bïraþe Luwah Ngetøg kïtaitøi: Aw ro bïradø kujt lo ngar, ro Sebnat'n ndahna dø kujt, na ela an:
16I ði awïn nëbe a?
De loi i nëbe
kad ur bulo þad loi.
Ur bulo kam lot kï dõ,
kad tøsï kama ad asïna kam mbalt a?
17Oo maj, Bïraþe a lai kø sãi kï tøgïn,
tit høi kï band.
18A þiri nja kïða, ke nja joo,
kamla a lai tit bal be, kï dïlalot.
Nu la a oit,
nu la pusïðøøg
kïmaj tøi loi a int.
A î nya kïrosøl kuju lo ngeei.
19M'a m'tuþai kø londït loi,
m'a m'ørri kø kam kïlat loi.
20Ndøt'n non m'a m'kun
þer lom Eliakim ngon Hilkija.
21M'a m'la kub kïlaþer loi roat,
m'a m'dø þoa kï nyadøþo loi.
M'a m'la tøg kõþe loi jiat,
a i bøw ngéndï Jerusalemt
kï ngékïþe lo Juda.
22M'a m'ada lakle
lo ngékïþe lo Dabid jiat,
a tee tabit a ne,
de a ut al,
lon a ut tabit a ne,
de kï asï tee goto.
23M'a m'þera titbel sïnda
kam lot kïngang,
a tel pong køsïgon ku ngékïþet lo bøwa.
24Køsïgon lo ngékïþe lo bøwa tube a goto, koa kï ngakaa, kï jo ða kïlag tube, tasag kï jo ningg. 25Ndøt'n non, kel Bïraþe Ngetøg tube, bel sïnda kï nda kïber kam lot kïngang kaa ne, a gana kø ad so kï nyag tube kïdøat, a nuj kïta Bïraþe elta.
BIBLE MBAÏ © 1980 Alliance Biblique du Tchad.