Gal 4
4
1Ta'n m'ndig kï m'el laten: Kaglon ngon kï du asï al þaitø, kad oo go nyag lo bøwïn ye, a tel ron go tat tit lo þer be, ke neni nyangah lo bøwa în loa. 2Lon în ngon þaitø ye, i girr tøgt lo deg kï ngéngoma kï ngékoogo nyag loa, mbã kaglon bøwa gang ye, asï tã. 3Jî titbe tø, lon kï ger Krist jeje al þai tø ye, kï ða þer girr tøgt lo ndil kïmajalg kï ngékõþe dø duniat. 4Na lon kaglo'n Luwah øj asï woi ye, la ngon'n ad dekïdë ooja; ngonïn i kï kooj girr tøgt lo mberkïnda, 5ðe kïtakad'n badø deg'n ndïn girr tøgt lo mberkïnda, kïtakad Luwah telj nganïnt. 6Nya'n øj jeje kad jî ngan Luwah laten: Luwah la Ndil Ngonïn ngarkamjt, Ndil'n ndï øsïj ad j'an: Aba Bøw.
7Kïtø 'nten în þerg gog al ta, na în ngan Luwah, kï tøi 'nten tit kan în ne ngana ye, în ngékõnduba kïtakul kamkë lo Luwah.
Kõkam lo Pol kïta ngétaata lo Krist kï kam døningt kï Galat
(Oo Gal 3:1 teen 3; 5:1 teen 12; 2 Kor 11:2 teen 3)
8Maði lon i gerïn Luwah al þaitø ye, i ndï øsïn døsï ber nõ luwahg'tn în luwah kï jeje al. 9Na tajigla'n i gerïn Luwah, i soot kad m'an Luwah gersï þet ye, kïtøði i ndï telïn ne rosï go tat lo ndil kïmajalg kï ngékõþe dø duniat, kï în nya mad al gog tø a? 10I ndï i telïn rosï go ndøgt, kï nahg, kï kaglog, kï þalg kad i nelïn ne ndil kïmajalg. 11M'ndï m'þool kïtatøsï, na þeta kïla'n m'ða dansït ye, m'ða kïla'n non kari kï ndang pabe. 12M'ndï m'køsï ngankõ kï în tit'm be, kïta mî kaa ne, mî titsï ho, i ðan sem nya mad kïmajal al. 13I gerïn maj: lon m'awïn rosït døkaglot kï dasabang, m'ørrsï hoita kïmaj, rom tom ad tøgïm goto. 14Ke roto lom nõ, i nya kï toro ngãi rosït kaa ne, i kidmïn al ho, unïn kumsï kø dømt al ho, na i hømïn kï rosït tit malaika lo Bïraþe, tit mî Jeju Krist î kïþe kï døn be. 15Ronel'n i ðan maði ye, tajigla i ða a? Kïtø m'ndï m'mãsï naj dø tat 'nten: Îla i root kad i tørrïn kumsï admïn a ne, ni a i tørrïn kumsï admïn. 16Tajigla m'tel madngétaasï kïta rota'n m'ndï m'elsï yo? 17Deg'n non ndï sahn goosï kï rotîd, na kïtø maj losï al. Ndï sahn kad gangsïn nat sem, kïtakad i tïnyan na sed. 18I nya kïmaj kad i sahn go nya kïmaj kï rotîsï kï dø kaglo tube, ke mî sesï nat, ke m'goto kusït, maj kad i ðan titbe. 19Nganïm ngétar lom, mî tit dekïdë'n tel ndï oo tokooj gog þaitø, m'a'm'ngah kõ titbe mbã kad i teen kï ger Krist't jeje, na kï Krist ga gar kamsït. 20M'ndig ngãi kad mî nat sesï tajigla, kïtakad m'oo titbãi hã m'a m'søl ndim m'elsïn ta, kïta kamm da'm ta paabe døsït.
Terrta kï dø Agart kï Sara
(Oo Yaþ 21:1 teen 12; Heb 12:18 teen 24)
21Elïmïn, în deg'n i ndigïn ndï girr tøg mberkïndat ye, oon dø ta'n mberkïnda el nõ ye ale? 22Ndangïn kam maktubt lo Luwah, Abraham aw kï nganïn kïdïngãg joo, kïkïða kõa i þer, na kïmad kõa i dekïdë tanyan. 23Na ngon kooj þer kïdë oojïna kïjibel kooj'n deg a oojïn na, na ngon kooj dekïdë tanyan ye, oojïna kïgo kunkøt'n Luwah un ad Abraham. 24Hoita 'nten kama mad kï ko kïþing to nõ: dekïdëg kï joo'n non în kunkøg kïjoo kunkø kïdasa, i kunkø kï Luwah ad dø mbal Sinait, ndï ooj ngang kï în þerg. Agar ooj kïgo kunkøt'n non. 25Agar i mbalbo Sinai kï døning Arabit, øj go þebo Jerusalem'n ðan; kïta deg'n ndïn kamt în þerg lo mberkïnda. 26Na Jerusalem kï jeje ye, i Jerusalem kï dõ, i þebo lo deg kï taanyadõ, ad îla i kõj ye. 27Tit'n ndangïn ne kam maktubt lo Luwah anan: Î kùj dekïdë'n hã ooj ngan'g al bat, i ða ronel, în i ger tokooj al ye, i ndil, ndil ronel, na i ko kï ndii kïbobe, kïta m'a'm'ad dekïdë kïnyakø ngan'g ngãibe tøi dekïdë kï ngengaw, kel Bïraþe. 28Na în taa ngankom în ngan Luwah, tit'n Luwah unïn køn ad Abraham, kad Sara a ooj Isaak. 29Maði, ngonïn oojïna kïgo dãrot, tit'n deg a oojïn ne na ye, da ro ngonïn hã ojïna kïgo ndil Luwaht ndo. Ye i titbe tø tajigla. 30Ndangïn kam maktubt lo Luwah anan ði? I tuþa þer kïdë, kï ngon kïdïngã kø, kïta ngon þer a õ nduba nat kï ngon dekïdë tanyan al.
31Kïtø 'nten ngankom, jî ngankõoj þer kïdë al, na jî ngankõoj dekïdë tanyan.
BIBLE MBAÏ © 1980 Alliance Biblique du Tchad.