Gal 5
5
Ngétaata lo Krist în deg kï taanyadõ, maj kad høn tøgd bá kam taanyat
1Krist taanyàj dõ ta mberkïndat lo Juipg kad jî deg kï taanyadõ kï rota. Kïtø 'nten, i ðan lo ðasït bijir, ot lan døsï girr jug ða þert lo mberkïnda lo Moij gog tø. 2Oon maj, mî Pol m'ndï m'elsï: Îla adïn deg jasïn gaj a ne, ndaa Krist goto bat kïtatøsï. 3Tajigla, m'ndï m'tel m'elsï gog kï tïga wakïsï, dekïðen'n ad jana gaj kad Luwah ørrïn ta døat a ne, gïrra i døat kad tel ron go mberkïndat lo Moij kïtaagbe. 4În deg tube'n i ndï i sahn ðob kørrtadøsït nõ Luwaht kïtakul telro go mberkïndat ye, tokïtïga wakïsï, în kïþeg la i gangïn na nat kï Krist ye, ørrïn rosï kø ta kamkët lo Luwah. 5Jî taa ne, kï nda kamj dø Luwaht'n ða ørrtadøjt kïtakul tøg Ndil kïkunjðang'n kï taa kïtakul kadkam Krist. 6Lon jî kam rot kïkïða nat kï Krist Jeju ye; ke gaj kïja, ke gaj kïja al, i nya mad al, na nyan ndaa to tit i ndah kam dø Krist't, ndah kam døt'n non ndï øsïj ad kï tar deg. 7Maði pandiasï maj na tajigla, nõ øgsï tel rosï go tat a? 8Nya kï øg kad kaw kï kete losï to ye, þai kokïro Luwaht kï ngekunsï al. 9Ad kamsï gah dø terrtat'n el an: Ber kasï kï tëë ndï asï nduj kï løi nakï, ðaa ad þai ngãi. 10Na Bïraþe ad kamm sokïber døsït ad m'oo maj, tagahsï i dang kï lom al. Na de'n ndï tel døsï wãri kï nyandoo lon, ke i de kï titbãi kaa aw kï takïgang lo Luwah dønt. 11Na mî taa, ngankom, îla m'ndï m'la mber gaj kïja þaitø a ne, kïtøði ngéndoodeg gaj kïja ndï dan kum ndo þaitø a? Îla i titbe a ne, ta koi Krist kag dosït'n m'ndï m'la mbera, a tel nya kï ga gigt kïta de mad al. 12Neni deg'n telïn døsï wãri kï nyandoo'n non ye, maj kad jan lod kø kïtaagbe. 13Ngankom, i kïta taanyadõ la Luwah kunsïn ye; na ot kad'n taanyadõ losï telta ðob kï tee kad i ðan ne nyag kïgo nyurkõt lo dãro, na kï i ta ðob kï tee kad i ðan ne nyag kï lo tart, kï kï lo ðaþert lo na. 14Kïtø mberkïnda kïtaagbe tølïn taa kam tat kïkïða 'nten: A i tar madþei tit roi be. 15Na îla i ndï tõn na ho, i ndï i san na murmur a ne, oon go rosï maj na þeta în kïþe kï døsï i nujïn rosï.
Kad nyaða lo ngétaata lo Krist i kïgo Ndilt na kïgo dãrot al
(Oo Rom 8:1 teen 14; 13:12 teen 14; Ep 5:1 teen 12; Kol 3:5 teen 15)
16Ta lom'n m'ndï m'elsï laten: I ndian kïgo Ndilt a ne, a i ðan nyag kïgo nyurkõt kïmajal lo dãro al bat. 17Kïtø nyurkõ kïmajal lo dãro ndï ndoor nya'n Ndil Luwah ndig. Ndil Luwah tø ndï ndoor nya'n dãro ndï ða, kïtakad asïn ða nya kï Ndil kïkunjðang ndig kad i ðan nõ al bat. Nyag kï joo'n non ndoorïn na kï rota. 18Na îla Ndil Luwah ndï ørrsï ta ðob a ne, în girr tøgt lo mberkïnda lo Moij al. 19Kïlaðag lo nyurkõg kïmajal lo dãro ton kï tïga wakïsï: Ad i sah ngaw kï sah dekïdë, kïyerr kïða, kï kaya kïða. 20Yokïða, ke gõyo, deg telïn madngéta na, kølïn na, nîn kï na, ðan mina kï na, ðan wong dø nat, jang'n kï na, gangïn na, ndan þut ndoo kï kij kï gootal, 21ða kumndà, kasï ða deg ad talïn na. M'ug m'elsï tajigla tit'n m'ug m'elsïn maði, deg kï ngéðatanyag kï titbe ye, a andïn kam kõþet lo Luwah al. 22Na kand Ndil i tar, ronel, kamsøllom, ndïdøt, kamkë, ðamaj, nyaðakïro, 23hal kï sayelïl, køgro ðamajal; mberkïnda kï øg dø nyag'n non goto. 24Na deg'n în kï lo Jeju Krist ye, gan dãrod kagdost nat kï nyurkõg kïmajal kï ndigg loa. 25Ndil kïkunjðang la adj kumkajir ye, adïn kï nya roj kad Ndil'n non ørrj ta ðøb titbe. 26Ot kadïn kï sah køsïgon kï pãbe kad kï gakïn ne na, kad kï ðan ne kumndà nya lo na. Ot telïn ngédøsir kï ngégakïna kï ngéðamïna.
BIBLE MBAÏ © 1980 Alliance Biblique du Tchad.