Gal 3
3
Go ðob'n Luwah ndï ørrïn ta dø det
(Oo Rom 4:8,13 teen 14)
1În deg kï Galat't kï kurdøsï oi, nõ tel døsï wãri kï yo a? M'ørrsï girr koi Jeju Krist m'ad oon maj tit gana kagdosït takumsït kï tïga wakïsï be. 2M'ndig kad i turïn ta 'nten ad m'oo. Ndil kïkunjðang'n hã i taa'n ye, i kïtakul telro go mberkïndat lo Juipg e? Ke i kïtakul koon oon dø Hoita Kïmaj kamla adïn kamsï Krist yo? 3Kïtøði kurdøsï oin titbe a? I mbã girr ndia kam ndilt, na tajigla i ndigïn tøl kona kïgo kam ndigt losï oo? 4I ngahn kõ dø nyagt ngãi titbe kari kïndang a? Rota i kari kïndang al. 5Luwah'n adsï Ndil'n, na ða kïlag kï tøg kusït tø hø ye, ða titbe kïta i telïn rosï go mberkïndat lo Juipg e? Na kïta taa'n i taa'n hoita kïmaj lo Krist ale? 6Ndangïn titbe kam maktubt lo Luwah: Abraham ndah kamïn dø kunkøt lo Luwah'n un ada, kïta 'nten Luwah ørrïn ta døat, ad ooa de kïdenesewt. 7Kïtø 'nten i gerïn maj. Deg'n ndahn kamd dø Luwaht tit Abraham la în ngana kï jeje ye. 8Ndangïn kete kam maktubt kïkunjðang anan: I kïtakul ndahkam dø Luwaht la Luwah ørrïn ta dø girrdegt kïdangdang ye. Kïtø 'nten la maktub kïkunjðang la mber hoita kïmaj Abraham maði nu an: Girrdeg kïdangdang a ngahn majkurr kamit.
9Abraham ndah kamïn dø kunkøt lo Luwah, ad Luwah njang døa, ad deg tube'n ndahn kamd dø Luwaht ye, a ngahn njang dø titbe ho. 10Na kï ger, deg kï ngéndahkamd dø kïlaðagt lo mberkïnda lo Moij ye, ndøl i dødt. Kïtø ndangïn kam maktubt anan: Dekïðen ndï tel ron go mberkïndat lo Moij kïtaagbe, na hø ngomgo kïkanj nyata al a ne, i kï ndøl. 11Kï ger maj, de a ørrta dønt nõ Luwaht kïtakul mberkïnda lo Moij al, kïta ndangïn kam maktubt anan: De'n ndah kamïn dø Luwaht, i de kïdenesew, a ngah kumkajir. 12Na telro go mberkïndat lo Moij i dang kï ndah kam dø Luwaht, na tit kan ndangïn ne kam maktubt anan: De'n ndï tel ron go mberkïndat ho, ndï ðagoot tø a ne, a ndï kï døn dõ kïtakul mberkïndag ho.
13Tajigla Krist badøj woi, lo tat kïgang lo mberkïnda, î kïþe kï døn tel kï ndøl gan gootj. Kïtø ndangïn kam maktubt anan: Dekïðen gana døkagt a ne, ndøl i døat. 14Krist ða titbe kïtakad girrdeg kïdangdang ngahn ne majkurr'n Luwah unïn køn an n'a n'ad Abraham kïtakul Krist Jeju, kïtakad jî kï ngahn Ndil kïkunjðang'n Luwah unïn køn an: N'a n'adj kïtakul kadkamj Krist Jeju.
Mberkïnda lo Moij kï kunkø'n Luwah un ad Abraham
(Oo Mik 7:20; Knk 3:25 teen 26; Rom 4:13 teen 17; 10:4 teen 13; Ep 3:6)
15Ngankom, m'ndig kï m'adsï nyakøj mad kï to kï tïga wakïsï: Îla deg joo ðan dø kunkøt kïða'n un adïn na dø nya madt a ne, de mad kïðang kï asï tuj kunkø'n non, ke la ta mad kïðang døt goto. 16Na kunkø'n hã Luwah un ad Abraham kï ngakaa ye, Maktub lo Luwah el an: Un køn ad Abraham kï ngakaag tube al, na kï ngokaa kïðabe, ad i Krist. 17Ta'n m'ndig kï m'el la ten: Luwah un køn kï jeje. Na þal þusøø kïdømïta got kamla ad mberkïnda Moij ye. Na mberkïnda'n non asï tuj kunkø'n un kete nõ kø al, ke tela nya kï karit. 18Îla Luwah ndï ad nyanduba deg kïtakul tel ro go mberkïndat a ne, de a ngah nyanduba kïta kunkø al na i kïtakul kunkø la Luwah øjïn tar lon Abraham ye.
Ndaa mberkïnda i ði a
19Lon i titbe ye, kïtøði Luwah adïn mberkïnda Juipg a? Luwah ad'd kad kï gerïn ne kïlaðag kïmajal'n ndoor ndig lo Luwah. Luwah ad mberkïnda to lo tont mbã ngokaa'n un køn ada nõ ðe. Lon Luwah ndig kad mberkïnda'n non ye, la ji malaikagt, kamla malaikag tø lan ji ngeðambïnat. 20Na ngeðambïnat a ða mbïna degt kï joo'n ta to mbïnadt, na lon Luwah un køn adïn nyanduba Abraham ye, ngeðambïnat goto, na Luwah î kïþe kïkïðanbe do.
Kïtøði Luwah adïn mberkïnda a?
21Lon i titbe ye, mberkïnda lo Moij ndoor kunkø lo Luwah a? Be al. Îla Luwah ad mberkïnda'n hã ndï ad deg kumkajir a ne, ni rota kørrtadøt nõ Luwaht a i kïtakul mberkïnda. 22Na maktub kïkunjðang el an: Deg tube în girr tøgt lo majal kïta 'nten, kïtakul kadkam Krist, Luwah a adïn nyanduba'n non, în hã unïn køn ad ngétaata lo Krist. 23Kete lon ta ðob tee kad deg taa'n ta lo Krist al þaitø ye, mberkïnda lo Juipg utj tit dangãig be, nda kumïn gojt mbã kad Luwah teen ta ðob taa ta lo Krist adj. 24Tit þer kï ngengom ngan'g be, nda kumïn gojt mbã kad Krist ðen kïtakad ørr ta døjt kïtakul taan hã kï taa ta lo Krist. 25Na tajigla kadkam Krist ðe woi, kïta 'nten, jî girr tøgt lo þer kï ngendakumïn gojt'n non al ta. 26În tube, în ngan Luwah kïtakul kamsï'n adïn Jeju Krist. 27Kïtø în deg'n ðasïn baptem ad în ro kïkïða nat kï Krist, tajigla unïn hal Krist î kïþe kïdøn. 28Na tajigla taa ne, dangdang mbïna Juipgt kï Grek, ke mbïna þert kï de ta nyan, ke mbïna dekïdïngãt kï dekïdë goto ta, kïta în tube în kam rot kïkïða nat kï Krist. 29Îla în kïlo Krist a ne, în ngan Abraham tø ho, kïta a i ngahn nyanduba'n Luwah unïn køn ad Abraham an n'a n'ad ngana.
BIBLE MBAÏ © 1980 Alliance Biblique du Tchad.