Gal 2
2
Pol aw þebot kï Jerusalem
(Knk 15:1 teen 29)
1Go þalt kïkïlah gidaisøø, kamla m'tel m'aw gog Jerusalem nat kï Barnabas, m'un Tit nat sem tø. 2M'tel m'aw Jerusalemt gog kïta Luwah tee dø ad m'ger sumba kad m'aw nu. Lon m'tee Jerusalemt ye, m'kawna kï bïradø ngékawnag lot kïðang. M'ørrd girr Hoita Kïmaj'n m'la mbera ku girrdegt kïdangdang tube. Kïtø m'ndig kad kïla lom'n m'ða maði, ke în m'ndï m'ða þone ye, telïn nyag kï kari pãbe al. 3Tit kï madkïlam kï i grek ye, de kï høa kï lo ngetøgt kad jagaj goto. 4Titbe kaa, deg madg'n ðan rod tit ngankõþe, andïn kujt gid tilt, tit ngéndalo be, kïtakad'n ndan kumd go tanyadõt loj, în hã kï ngah kam Krist Jejut. Ndigïn kad jî girr tøg mberkïndat lo Moij gog. 5Jî taa, kï la døj girr tøgt lod kaglo ngonsî al, kïtakad kï hø hoita kïmaj kï rota sem kïtatøsï.
6Na deg madg'n non, îgïn oond tit'n kïbog lo ngékawnag be, ke în ði kaa ne, usïm al kïta Luwah a ørr de dene al. Kïbog lo ngékawnag'n non, lon m'ørrd girr hoita kïmaj'n m'la mbera ku girrdegt kïdangdang ye, ndoomïn nya mad kï kij døt al. 7Na oon kad i Luwah la la kïlaþer la mber hoita kïmaj ku girrdegt kï ngéjagajalg jimt, tit'n lan kïla lamber Hoita Kïmaj ku ngejagajgt ji Pierrt ye be ho. 8Kïtø Luwah ða kïla kam Pierrt tela ngombangkïlat ku ngéjagajgt, na ða kïla kammt tø ad m'tel ngombangkïla lo deg kï ngéjagajal ho. 9Jak, kï Pierr, kï Jã în ngétaata lo Krist, oond kad în bïradø ngékoogo ngékawna, gerïn kad Luwah la kïla'n non jimt jeje, ad ndigïn døt sej, Barnabas ho mî ho, kamla lan jid adjïn, ad ðan kam kïða sej kad kï j'aw kï la mber hoita ku girrdegt kïdangdang. Na în taa ne, a awïn kï ro Juipgt. 10Na ndïjejïn kad kï gah dø ngéndogt ku ngékawnat kï Jerusalem. Na kïla 'nten m'tî rom kat kad m'ða.
Pol ndáng Pierr þebot kï Antiosï
(Oo Knk 11:1 teen 17; 15:7 teen 11; Gal 3:10 teen 14,21 teen 28; 5:1 teen 6)
11Got a ne, lon Kepas ðe þebo Antiosït ye, m'taaðøø takumat kï tïga wakïsï kïta ðagootal loa. 12Kïtø kete lon deg'n Jak lad ðe teen Antiosï al þaitø ye, Pierr ndï sanya nat kï ngankõ ngétaata lo Krist, îgïn în Juipg al. Na lon deg'n non ðen woi ye, Pierr tørr ron kï gog, tee kad'dt al, kïta þool ngétaata lo Krist, îgïn hã în kïta gajkïja. 13Ad ndeg Juipg kï ku ngékawnagt kaa ne, ndan rod nat sia kï lo ndokumt, mbã ad Barnabas kï døn kaa, ndulo god, ad ða titd kïgo lo ndokumt. 14Na lon m'oo kad ndia loa i kïðingg al ho, i kïgolo rotat lo Hoita kïmaj al ho ye, m'el Kepas nõ koosïdegt tube m'an: Î Juip, na i ða nyaða lo Juipg al ye, titbãi deg'n în Juipg al tã i ndig kad i hød kïgo lo ngetøgt kad kïlaðad i tit kï lo Juipg a?
Kïtakul kadkam Luwah la Juipg kï girrdeg kïdangdang ajïn ne ye
15Jî taa, jî Juipg jeje kï koojþe, na jî tit girrdeg kïdangdang'n hã gerïn Luwah al al. 16Titbe kaa ne, kï ger maj, Luwah a ørrta dø det kïta telro go mberkïndat lo Moij al, na kïtakul taa'n taa ta lo Jeju Krist, ad ndig dø nyat'n Krist ða. Jî taa, kï taa ta lo Krist kad ørr ta døjt, i kïtakul telro go mberkïndat lo Moij al, na i kïtakul nya'n Krist ða kïtatøj. Kïtø de kï ørr ta dønt nõ Luwaht kïta tel ro go mberkïnda lo Moij goto. 17Na jî kï ndï kï sah kad Luwah ørr ta døjt kïtakul taa'n kï taa ta lo Krist Jeju nõ, na îla ngahjïn jî kïþe kï døj jî ngéðamajalg tit deg kï ngéger Luwah al a ne, girra i ði a? Krist i ngekïlaþer lo majale? A a i be al. 18Kïtø îla m'tel m'aw go mberkïndat'n m'nyàgo kø kad m'tel rom got tø a ne, m'øj kï tïga m'ad deg oon kad mî kïþe kï døm mî ngétøidø mberkïnda. 19Mî taa ne, mberkïnda aw kï tøg dømt al, kïtakad m'ndïn kï døm dõ kïta Luwah. Gamïn dø kagdosït nat kï Krist. 20Na tajigla taa ne, i mî hã m'ndï kï døm dõ al, na i Krist la ndï kï døn dõ kammt ye, m'ndï kï døm dõ kïtakul kamm'n m'ad Krist, Ngon Luwah'n tarïm, na ad ron koi kïtatøm. 21M'ndï m'øsï kamkë lo Luwah kï gog al, kïta îla kïtakul telro go mberkïndat de asï kørrïn ta dønt a ne, Krist oi kagdosït kari kï ndang.
BIBLE MBAÏ © 1980 Alliance Biblique du Tchad.