2 Sam 3
3
1Ðøø goto al mbïna ngékïþet lo Sawl kï ngékïþe lo Dabid. Dabid ngah tøg kïdøtdøt, na ngékïþe lo Sawl tøgd ndï goto jenjen ho.
Ngan Dabid oojïnd kam þebot kï Hebrõ
(Oo 1 Hoi 3:1 teen 4)
2Oojïn ngan kïdïngãg adïn Dabid kam þebot kï Hebrõ. Ngondera i Amnõ'n ooja kï Ahinõam kï þe loa i Jijrel 3Kïkõjoo i Kileab'n ooja kï Abigail kï þe loa i Karmel, kete i në Nabal. Kïkõmïta i Absalom ngon Maaka, ngon Talmai kïdë, ngar kï Gesur. 4Kïkõsøø i Adonija ngon Hagit. Kïkõmi i Sepatia ngon Abital. 5Kïkõkïbojidet i Jitðeam ngon Egla në Dabid. Îgïn non la in ngan'g kï oojïnd adïn Dabid Hebrõ.
Abner sah kï n'nda tan nat kï Dabid
6Kaglot'n ðøø to mbïna degt kï þe lo Sawl kï kï lo Dabid ye, Abner hø tøgïn ba kï degt lo Sawl. 7Në Sawl kïþer mad ndï nõ, tøa i Rispa ngon Aja kïdë, na Isboset el Abner an: Kïtøði i andïn go në bøwmt kïber a? 8Wong tøl Abner søkïr kïta tag lo Isboset ad tur an: Mî dø bisï kï Juda a? Þone m'ndï m'øj kamkë ngékïþe lo Sawl, kï ngankõa kï madag, m'lai ji Dabidt al, na i ndángïm dø ðagootalt kï dekïdë'n non a? 9Îla m'ða kï Dabid kïgo nyat'n Bïraþe ndan yo ada al a ne, kï Luwah ða nya kï to kï Abner kï tøgïn tube, 10kïta Bïraþe el an: N'a n'ta kõþe kø ji ngékïþet lo Sawl, na n'a n'nda pong kõþe lo Dabid dø Israelt kï dø Judat, mba girra i þebo Dant kam lot kïdøø mbã kï Birr Seba kam lot kïþodo. 11Na Isboset asï turta mad Abner al kïta þoola.
Abner nda ron nat kï Dabid
12Abner la ngombangkïlag ro Dabidt kad elïna ta lon anan: Døning i lo nõ a? Un køi adïm, na oo jim a i nat sei kad tel kï Israel tube kïroit. 13Dabid tur an: Maj. M'a m'un køm maði, na m'a m'ndïjei nya kïða: Lon a i ðe kïta koo'm a ne, a oo takum al, na a i ðe kï Mikal ngon Sawl kïdë kamtã. 14Dabid la ngombangkïlag kï ro Isboset't ngon Sawl kad elïna anan: Adïm nëm Mikal kï m'taa kï ndar ta møt gáj lo Pilistiag þu kïða. 15Isboset la ad unïn na þe lo ngawa Paltiel ngon Lais. 16Na ngawa ðe sia kï nõn kumïnt, a ndulo goa mbã Bahurimt. Kamla Abner el Paltiel an: I tel. Na Patiel tel aw.
17Abner elta kï kïbog lo Israel an: Maði i ndigïn kad Dabid i ngar losï. 18Tajigla i ndana ngart kïta Bïraþe elta loa an: Kïtakul ji þer lon Dabid la, m'a m'ajïn deg lom Israel ji Pilistiagt, kï ji madngétadgt tube ye.
19Abner elta kï deg kï Benjamin tø, na aw elta mbi Dabidt kam þebot kï Hebrõ nyag tube'n nelïn Israelag kï ngékïþe lo Benjamin. 20Abner tee ro Dabidt Hebrõ nat kï deg døjoo, na Dabid ða mburnam kïta Abner kï deg'n in nat sia. 21Kamla Abner el Dabid an: M'a m'þai m'aw kad m'kaw Israelag tube kï ro ngart kï ngeem, în tø a unïn kød adin, na a õþe dødt tube kïgo ndigt loi. Dabid nda Abner ðobo ada aw kï lapia.
Joab tøl Abner
22Joab kï deg lo Dabid awïn wai, na telïn kï nyag ngãi. Abner i nat kï Dabid kam þebot kï Hebrõ al kïta Dabid ndaa ðobo ada aw kï lapia. 23Lon Joab tel nat kï þut ngéðøøg tube'n în nat sia ye, deg elïna ta'n non anan: Abner ngon Ner ðe ro ngart, na ngar ndaa ðobo ada aw kï lapia. 24Kamla Joab aw ro ngart, ela an: ði kïþe i ða a? Oo. Abner ðe roit. Kïtøði i ndaa ðobo, i nyàa ad aw a? 25I ger Abner ngon Ner, i kïta goli la ðen ye, kïta nda mãi kad kï n'ger teei kïtïga kï teli kï þe kï nyag tube'n a i ða.
26Na lon Joab nya Dabid ye, la ngombangkïlag kad ndulon go Abner, ad telïn sia ko ta bulomant kï tøa i Sira, na Dabid ger go al. 27Lon Abner tel ðe Hebrõ ye, Joab ørra køtko kïða kïkam tabit't tit ða ela ta gid tilt be, lot'n non øsï kama tøla kïta ndan ngïra mosï ngonkõn Asael.
28Lon Dabid oo hoia ye, el an: Mî kï kõþe lom, jî kïkanj ta nõ Bïraþet dø mosï Abner ngon Ner mbãkïnõt. 29Kï mosï'n non so dø Joabt kï dø ngékïþet lo bøwa tube. Kam kujt lo Joab de mad kï a nal dó kï kãi þi, ke banj, ke moot kï ngetøsï kag, ke so ta kiyaðøøt, ke nal nyasa a goto al. 30Titbe la Joab kï ngonkõn Abisai tølïn ne. Abner kïta Abner tøl ngonkõd Asael kam ðøøt kï Gabaõ.
31Dabid el Joab kï deg tube'n în nat sia an: I tilïn kubg losï, i lan kub høndo, i nõn ne Abner. Na ngar Dabid ndia go kesï nint. 32Duwïn Abner þebo kï Hebrõ. Ngar un ndïn kïdõ nõn dø døþad Abnert, deg tube nõn tø. 33Ngar toi pa nõn kïta Abner, an: Sumba kad Abner oi tit koi þood be e?
34Jii i kï dø al,
njai i kï dø kï jinjir al tø.
I so tit'n de a so'n
ji degt kïmajal be.
35Deg tube tel nõn Abner gog, kamla deg tube ndøtïn kïro Dabidt kïtakad san nya lon kàd ðan dõ þaitø, na Dabid nda yo an: Îla m'ød mbur tamt ke nyasa mad kete nõ kàd kï kudt a ne, kï Luwah ða sem nya kï to kï tøgïn tube. 36Deg tube oon nya'n non, ad neld tit'n nyag tube kï ngar ða nelïn deg tube. 37Titbe la ndøt'n non deg tube kï Israelag gerïn kad i ta lo ngar hã tølïn ne Abner ngon Ner al. 38Ngar el ngékïlaþerg lon an: I gerïn kad þone mbaiþe kï de kïbo so kam Israelt ale? 39Na mî ta, tøgïm goto, ke neni mî ngar kï wur kaa ne, deg'n non, ad i ngan Seruja, toin tøgm. Kï Bïraþe ba de kïmajal kïgo majalt loa.
BIBLE MBAÏ © 1980 Alliance Biblique du Tchad.