2 Sam 4
4
Bïraðøøg lo Isboset tølïna
1Lon Isboset ngon Sawl oo ta koi Abner Hebrõ ye, roa oi yelel ad kam Israelag tube gang man. 2Isboset ngon Sawl aw kï bïradø þut ngékaw waig joo tø, kïkïða i Baana, na kïmad tøa i Rekab, in ngan Rimon kï þebot kï Beerot kï ko girr Benjamin. Deg oon ngendï Beerot tit Benjamiag be. 3Maði deg kï Beerot ãi awïn þet kï Gitaim, ndïnt nu mbã þone. 4Jonatã ngon Sawl aw kï ngonïn mad kïdïngã, i moot njant tujoo. Þala i mi lon ta koi Sawl kï Jonatã ðe ko Jijreelt ye, dekïdë kï ngetoa una ndï ãi sia. Go kãit, ãi ngød ngãi ad ngon kï jiat so, ad ngon'non tel moot. Tø ngon'n non i Mepiboset.
5Rekab kï Baana, ngan Rimon kï Beerot, awïn kuju lo Isboset kàda lon to taankò kï kàd kï ða dan þet. 6Andïn mbã teen ngawden kujt tit a unïn nyako be, na øsïn Isboset kamat, kamla Rekab kï ngonkõn Baana tee ãin. 7Lon andïn kuju ye, oon Isboset dø tïrat kam kuj þiat, kamla øsï tølïna, gangïn køa, unïn døa, ndian ndøt'n non tube, gangïn mbo Araba. 8Ðen kï dø Isboset ro Dabidt Hebrõ, elïn ngar anan: Oo 'nten i dø Isboset ngon Sawl kï madngetai kï ngesah tøli. Bïraþe nda ngïrra lo ngar kï ngeem þone kïdø Sawlt kï girrdeg loa be. 9Dabid tur Rekab kï ngonkõn Baana, ngan Rimon kï Beerot kï yokïnda, an: Bïraþe kï ngekug kørrïm dan kamkølgt lom tube, ndï kï døn dõ. 10De'n ðe romt, elïm an: Oo. Sawl oi, na oo a an n'a n'ørrïm hoita kïmaj ye, m'høa m'tøla Sïklagt. 'Nten la i nyabajia kïta ta loa. 11Kïtøi 'nten, lon deg kïmajalg tølïn de kïdenesew kam kujt loa dø tïra þiat ye, sumba kad m'ndïje ta mosa jisït, na m'nujsï kø døningt ale?
12Dabid ndamber deg lon kï tølïnd. Gangïn jid kï njad gand dõ kad mankart kï Hebrõ. Kamla unïn dø Isboset duwïn dø þad Abnert Hebrõ.
BIBLE MBAÏ © 1980 Alliance Biblique du Tchad.