2 Sam 2
2
Deg kï Juda ndan Dabid ngar dødt
1Go nyagt'n non Dabid ndïje Bïraþe ke kï m'aw þebot mad kï døning Juda a? Bïraþe tura an: Aw. Dabid ndïjea an: Kï m'aw ðah a? Bïraþe tur an: Aw Hebrõ. 2Titbe la Dabid awïn kï nëngg kïjoo, tød i Ahinõam kï Jijrel, kï Abigail kï Karmel kï në Nabal maði. 3Dabid aw nat kï deg'n in sia, dekïðen kï ngékïþe lon, na ndïn kam þegt kï gugïn dø þebo Hebrõ. 4Deg kï Juda ðe wurïn Dabid kï yib kad i ngar dø ngékïþet lo Juda. Elïn Dabid anan: Deg kï þet Jabej kï døning Galaad la duwïn Sawl ye.
5Kamla Dabid la ngombangkïlag kï ro degt kï Jabej Galaad, elïnd anan: Kï Bïraþe njang døsï tit kan hã, øjïn ne kamkë ngeesï Sawl, ad i duwïna. 6Tajigla Bïraþe a øjsï kamkë kï nyaðakïro. Mî tø, m'a m'ðasï maj kïta i ðan nya 'nten. 7Kï jisï ngang. Iren kamsï, kïta ngeesï Sawl oi, na mî la ngékïþe lo Juda wurmïn kad mî ngar dødt ye.
Ikebaal ngon Sawl i ngart dø Israelt, na Dabid i ngar dø Judat
8Na Abner ngon Ner, bïradø ngéðøøg lo Sawl, un Isboset ngon Sawl, aw sia þebot kï Mahanaim. 9Ndaa ngart dø døning Galaadt, kï dø degt kï Asur kï Jijrel kï Epraim kï Benjamin kï Israel tube. 10Þal Isboset ngon Sawl i døsøø lon mbagirr kõþe dø Israelt; õþe þal joo. Na ngékïþe lo Juda awïn go Dabidt. 11Kaglot'n non Dabid õþe Hebrõ dø ngékïþet lo Juda þal tanãimïta kï nah kïbojidet.
Israel kï Juda ðøøn na Gabaõt
12Abner ngon Ner kï ngékïlaþerg lo Isboset ngon Sawl teen Mahanaim kïta kaw þebo Gabaõ. 13Joab ngon Seruja kï ngékïlaþerg lo Dabid tee aw ndødïnd ta mankart kï Gabaõ. Deg lo Dabid ndïn ko ne. Deg lo Isboset ndïn ko nu. 14Abner el Joab an: M'køi kï i nya basag ad þai, ðøøn na kïnõjt. Joab el an: Ad'd þain. 15Basag þãin kïlah gidaijoo kï lo Benjamin kïta Isboset ngon Sawl, na ngékïlaþerg lo Dabid in kïlah gidaijoo tø ho. 16Kamla dekïðen hø dø mad ðøøn, øsï kada kï ninga lon, na so oin tu. Titbe la ndan ne tø lo'n non loninga i kam døning Gabaõ.
17Ndøt'n non ðøø kïtïngabil þai, na ngékïlaþerg lo Dabid tetïn ðøø Abner kï deg kï Israel. 18Ngan Seruja mïta în nõ, ad i Joab kï Abisai kï Asael, na Asael þa nja ngød tit wal be. 19Asael tuþa go Abner kïkanj kad tø ko kõt, ke ko gelt. 20Lon Abner mbel oo lo kï gidïnt, el an: Î Asael a? Tura an: Ã, i mî. 21Abner ela an: I tø ko kõt ke ko gelt, i hø basa mad kïða kudt, i taa nyakatg. Na Asael ndig ta loat al. 22Abner el Asael þaitø an: I tø gomt kø. Kïtøði m'a m'ndai'n mbã m'lai ber a? Titbãi m'a m'un kumm kïdõ nõ ngonkõi Joabt a? 23Na tit kan mbet tø goat ye, Abner øsï kama kï sïyeh girr ninga lon, na ninga tee ko gidat, ad Asael so oi lot'n non. Deg tube 'nten lot'n Asael so oit ye, duba ðànt.
24Joab kï Abisai tuþan go Abner, na kàd ud'd lon teen doorlot kï Ama kï sumba nõ Giah dø ðobt kï aw kam dïlalot kï Gabaõ. 25Deg kï Benjamin ndan rod nat þut kïða awïn go Abnert, duban dø doorlot. 26Taa ne, Abner kun Joab, ela an: Kiyaðøø a tøl kï ndøg a? I ger ta kad døboia a kï katbang ale? Mbã ndø bãi a el deg loi kad nyan ta tuþa go ngankõdg a? 27Joab turta kï yokïnda an: Rota, tit'n Luwah ndïn kï døn dõ, kan elta al a ne, deg a nyan ta tuþa go ngankõdg loti kïsî al.
28Joab kun brunj, deg tube duban, na nyan ta tuþa go Israelag ad ðøøn na gog al ta. 29Abner kï deg lon ndian ndø kam mbo Arabat, gangïn bah Jurrdë, ndian kïsî mbã kàd dan þet, kamla teen Mahanaim. 30Joab tel lo tuþa go Abnert, kaw deg tube kïnat, na ku ngékïlaþergt lo Dabid deg kïlah gidaijikïða goton kï Asael tø ho. 31Ngékïlaþerg lo Dabid tølïn deg kï Benjamin ad i deg lo Abner þumïta kï døkïbojidet. 32Unïn Asael, duwïna døþad bøwat Betlehem. Na Joab kï deg lon ndian ndø nõ mbã lo tîd Hebrõ.
BIBLE MBAÏ © 1980 Alliance Biblique du Tchad.