2 Sam 19
19
1Kamla kamkil ða ngar ngãibe. Al aw kam kujt kïdõ dø tabit't na nõ, a ndïa kï njan dõ, a el an: Ngonïm Absalom, ngonïm, ngonïm Absalom. I soot kad m'oi m'gan gooti, Absalom, ngonïm, ngonïm.
2Ðe elïn Joab anan: Oo ngar ndï nõ, ndï høndo lo Absalom. 3Ndøt'n non tetðøø tel ndo kï hø ro degt tube, kïta ndøt'n non la deg oon anan ngar ndïnga ndo kïta ngonïn. 4Ndøt'n non deg andïn þebot gid tilt tit deg'n rod søld dø kãit kï ãin ta ðøøt be. 5Ngar ut takumïn, na ko kï ndïn kïbo an: Ngonïm Absalom, Absalom, ngonïm, ngonïm.
6Joab and kuju go ngart, na ela an: Þone i la rosøl dø ngékïlaþergt loi tube'n ajin þone, kï nganig kïdïngã kï kïdë, kï nëig, kï þerg. 7I tar ngékøsita, na øsï ta ngétari, kïta i øj'j kïtïga þone kad mbaiþeg ke ngékïlaþerg în nyag kïpãbe roit. M'ger køikøi þone, îla Absalom ndï kï døn dõ na jî tube jî deg kï koi a neli. 8Kïtø 'nten, i þai tajigla, i tee, na elta i sølïn kam ngékïlaþerg loi, kïta m'eli ta kï yokïnda kam tø Bïraþet, îla i tee al a ne, de kïða kï a nãi sei ndøla 'nten goto, na kõ'n non a tøi nyag kï kõkõ tube'n teen døit kï basai nu mbã þone. 9Kamla ngar þai aw ndï tabit't elïn deg tube anan: Oon ngar ndï tabit't. Taa ne, deg tube ðen nõ ngart.
Dabid tel kï þebo Jerusalem gog
Na Israelag tube ãin, dekïðen aw þe lon. 10Deg tube kï ko girr Israelag kïdangdang tube májïn na ngãi elïn anan: Ngar ug ørrj ji Pilistiagt ye, tajigla î tø ãi døningt nõ Absalom 11Na Absalom în kï wura kad i ngar døjt ye, oi ta ðøøt. Tajigla, ði ndï kï ngoo kad kï tel kï ngar Dabid gog a?
12Ngar Dabid la kï ro ngéjamosï kadkarigt Sadok kï Abiatar, an: Elïn kïbog lo Juda ta 'nten; kïtøði în ne gog kad i telïn kï ngar kïkam kujt loa a? Kïtø nya'n elïn ku Israelagt tube, so mbi ngart. 13Ngar el tø an: În ngankom, în kïngam kï dãm. Kïtøði în ne ngé kïgog kad i telïn kï ngar a? 14A i elïn Amasa tø anan: Î kïngam kï dãm ale? Îla i tel bïradø dø koosï ngéðøøg kïndøgbe nomt goot Joabt al a ne, kï Luwah ða sem nya kï to kï tøgïn tube. 15Ta lo Dabid søl kam deg kï Juda tube ad telïn tit de kïkïðabe, ad lan elïn ngar anan: I tel, î kï ngékïlaþerg loi tube. 16Ngar tel ðe ta bah Jurdët, na Judag ðen Gilgal kad kï n'lan ta ngar kï ngangïn sia bah Jurrdë tø.
Dabid tøl Simei kïta ðagootal loa al
17Simei, de kï Bahurim, ngon Gera kï girr Benjamin, ða kanangbe ðe nat kï deg kï Juda kad kï n'la ta ngar Dabid. 18Deg kï girr Benjamin dub în nat sia, na Siba, ngekïlaþer lo ngékïþe lo Sawl, kï ngana kïdïngã kïlah gidaimi, kï ngékïlaþerg loa døjoo, gangïn bah Jurrdë nõ ngart. 19Too'n adïn ngar kïta køi'n ngékïþe loa i nõ, na Simei ngon Gera ðe so kïnõ ngart, lon Dabid ða kï gang'n bah.
20El ngar an: Ot kad ngeem aw sem kï ta ke hø gah dø ðagootalt lo ngekïlaþer ndøt'n ngar kï ngeem teen kø þebo Jerusalemt. Ot kad ngar tur go. 21Kïtø mî ngekïlaþer loi m'ger kad m'ða majal, na oo m'ðe þone kïdasa lo ngékïþe lo Jojep tube. M'ðe kï m'la ta ngar kï ngeem. 22Na Abisai ngon Seruja tur an: Sumba kad Simei oi kø kïta ndøl kï wur lo Bïraþe ale? 23Dabid el an: În ngan Seruja, ði gom sesï kad în ne madngétamg þone a? Þone a tølïn de mad kam Israelt al? M'ger ta kad þone mî ngar dø Israelt ale? 24Kamla ngar el Simei an: A i oi al. Ngar nda yo ada.
Dabid lan na nooj kï Mepibal ngon Sawl
25Mepiboset ngon Sawl aw kad kï n'la ta ngar. Tugo njan al, ke oo go mbaitan ke tugo kubg lon, ndøt kïdasa bang'n ngar awïn mbã na telïn kï kamkïsokïber. 26Lon tee Jerusalem kï n'la ta ngar ye, ngar ndïjea an: Mepiboset, kïtøði i teen nat sem al a? 27Na tur an: Ngar kï ngeem, ngekïlaþer lom goolïm, kïta mî ngekïlaþer loi m'el m'an, m'a m'nda sirrg dø korrot lom kad m'al døt kï m'awïn nat kï ngar, kïta mî ngekïlaþer loi mî moot. 28Na Siba oi ta dømt kïro ngart kï ngeem. Ngar kï ngeem i tit malaika lo Luwah. I ða nya'n oo i kïmaj. 29Kïtø ngékïþe lo bøwm tube asïn koi nõ ngart kï ngeem, na titbe kaa ne, i ndam ngekïlaþer loi ku îgtïn ndï san nya ta tablet loi. M'asï kad m'tel m'ko kïdø ngart gog tø a? 30Ngar ela an: Kïtøði elïn ta kïdøtdøt a? M'gangta titbe: Kï Siba i kegïn'na døning lo Sawl. 31Mepiboset el ngar an: Ai taa døning kï Siba tube tit kan hã ngar kï ngeem telïn kïkam kujt lon kï lapia.
Dabid ða kï Barjilai
32Barjilai, de kï Galaad, ðe ko Rogelim, na gang bah Jurrdë nat kï ngar kad kï n'dana mbã gid bah Jurrdët. 33Barjilai teli bïga bugum, bala i døjijoo, ad ngar nyasa lon ndï'n Mahanaim kïta i ngenyamaj kïngãi. 34Ngar el Barjilai an: I gang bah nat sem, na m'a m'oo goi kï nyasa þe lom Jerusalem. 35Barjilai tur ngar an: Þalïm nãi asï bain kad m'a m'ndï'n kï døm dõ, kï m'awïn Jerusalem nat kï ngar a? 36Þone balïm i døjijoo ta. M'asï ger tørr go nya kïmaj kï kïmajal nat al? Mî ngekïlaþer loi m'asï nan nyasam ke nyakãim al? M'asï ko dø ndï pa lo dekïdïngãg kï dekïdëg al? Kïtøði mî ngekïlaþer loi m'a m'telïn nya kïkøi dø ngart kï ngeem a? 37Mî ngekïlaþer loi m'a m'aw gid baht nat kï ngar kaglo tëbe koon. Na kïtøði ngar ndig bajim a? 38M'køi kï i nyam mî ngekïlaþer loi adïm m'tel kad kï m'oi kam þebot lom kad døþad bøwmt kï kõm. Na oo ngekïlaþer loi Kimham i ne. I nya ada gang bah nat kï ngar kï ngeem, na i ða nya'n i oo maj kïtaa. 39Ngar tur an: Kïmham a gang bah nat sem, na m'a m'ða nya'n i oo i kïmaj kïtaa. Nya ði'n i ndïjem a ne, m'a m'ða m'adi.
40Deg tube gangïn bah Jurrdë. Ngar kïdøn gang bah ho. Ngar ða lapia Barjilai kï nju ta, na njang døa. 41Kamla Barjilai tel kï londïnt gog. Ngar þa tan kï Gilgal, na Kïmham aw nat sia. Deg kï Juda tube kï nusï deg kï Israel danïn ngar. 42Kamla deg kï Israel tube ðen ro ngart, elïna anan: Kïtøði ngankõjg, deg kï Juda, unïn ngar gid tilt, gangïn sia bah Jurrdë kï ngékïþe loa, kï deg lo Dabid nat sia a? 43Deg kï Juda tube turïn deg kï Israel anan: Kïtø ngar i nooj'j kïnderrbe. Kïtøði i þan ne wong dø tat 'nten a? Kï sanya mad lo ngar a? Ke adj kadkari mad a? 44Deg kï Israel turïn deg kï Juda anan: Gaj loj kï ro ngart i kïlah, na kï loj tøi kï losï kam Dabidt. Kïtøði i kid jin ne a? I jî la j'elta tel kï ngar loj dasa ye ale? Na ta lo deg kï Juda i kïngang tøi lo deg kï Israel.
BIBLE MBAÏ © 1980 Alliance Biblique du Tchad.