2 Sam 18
18
Koi Absalom
1Dabid tïda deg'n în nat sia, na nda bïradøg dø kïdubugt kï bïradøg dø kïþugt. 2Dabid keg deg þut mïta: Þut kïða i ji Joabt, þut kïmad i ji Abisait ngon Seruja, ngonkõ Joab; na þut kïmad i ji Itait, de kï Gat. Na ngar el deg an: Mî kïdøm m'a m'aw nat sesï ho. 3Taa ne, deg elïn anan: A aw al. Kïtø ke neni j'ãi ka a ne, a turïn goj al. Na îla nusï kïmad kujt oin kaa ne, a turïn go al ho. Î taa asï deg dub kïlah kujt. Maj tøi kad i ngooj kam þebot kaa i dîj. 4Ngar turd an: Nya'n oon maj, m'a m'ða. Ngar ða tabit þebot, lon deg ndï teen þu þu kï dub dub.
5Ngar ndamber Joab kï Abisai kï Itai an: Oon go basa Absalom janjanbe kïtatøm. Deg tube oon mberkïnda'n ngar nda bïradøg dø tat lo Absalom.
6Titbe la deg awïn ne kam mut kï n'ðøøn kï Israelag, ðøø i kam kút kï Epraim. 7Nu la ðøø tuþa Israelag nõ ngékïlaþergt lo Dabid; tølïn deg koosïg ndøt'n non, kørd i dubdøjoo. 8Ðøø ørr døning'n non kïtaagbe, na ndøt'n non kørr deg kï tamd tî kam kút tøi îgïn kiyaðøø tøld.
Joab tøl Absalom
9Ngékïlaþerg lo Dabid teen dø Absalomt. Absalom ndï dø korro rapait, na korro and girr kag dilt kïnderr ngãi. Kag dil hø dø Absalom ngang ad njaa ða kïber jiring, na korro'n i girrat tøi aw. 10De mad ooa, aw ørr hoia Joab, an: M'oo Absalom ða kagt jiring. 11Joab el de'n ðe kï hoita'n non roat, an: A, ooa titbe e? Þai i øsï i tøla kï lot'n non al a? Be a ne, m'a m'adi sïkel l'arjã kïlah kï ndardøþo kïða. 12De'n non el Joab an: Ke i mbøj sïkel l'arjã dub kam jimt kaa ne, m'a m'nda jim dø ngon ngart al, kïta j'oo dø mberkïnda'n non kï mbij'n ngar ndai, în kï Abisai kï Itai, an: Oon go rosï maj kad de mad ød basa Absalom. 13Îla m'tøla kïgo lo ndangt a ne, î kïdøi a i tel ngendoorïm kïta nya mad kïyadø ro ngart goto. 14Joab el an: M'a m'ða kok roit al. Kamla øi ngan ninga mïta jint, øsïn kam Absalom'n ða kumkajir jiring kag dilt.
15Basag kïlah'n ton nyakatg lo Joab gugïn dø Absalom, na øsï tølïn na. 16Joab kun brunj, na deg nyan ta tuþa go Israelag kïta Joab øgd. 17Unïn Absalom, lana kam hoolþet mad kïkoo kam kút, na urïn duu mbal kïbo døat. Israelag tube ãin na, dekïðen aw þe lon.
18Lon Absalom awïn kï døn dõ ye, ða dïngïr gahdø kam hoollot lo ngar kïta el an: Ngonïm kïdïngã kad de gahn dø tømt goto. Ad Nda tøøn dø dïngïrt gaadøt'n non. A kunïna anan i dïngïr gaadøt lo Absalomt mbã þone. 19Ahimaas ngon Sadok el an: I nyam kad m'ãi m'aw ro ngart m'ørra hoi nya kïgoðobat'n Bïraþe ða sia, ug ørra ji madngétaagt.
Dabid oo ta koi lo ngonïn Absalom
20Joab ela an: A a þone a î ngekaw kïla hoita al, na ndø mad kïðang la þet a aw kï hoita kïmaj kad i el ye. Na kï þone taa a aw kï hoita al, kïta i ngon ngar la oi ye. 21Kamla Joab el de mad kï Kust i þer an: I aw el ngar nya'n i oo. De kï Kus'n non øsï døn ber nõ Joabt, kamla ãi ngød aw kïla yo. 22Ahimaas ngon Sadok el Joab gog þaitø, an: Ke ði a ða nya kaa ne, i nyam ad m'ãi go de kï Kust. Na Joab el an: Ngonïm, kïtøði i ndig kawïn kïla kï titbe a? A i ngah nyabajii kïta hoita kï titbe non al. 23Ahimaas tur an: Ke ði ða nya kaa ne, m'ndig kaw Kamla Joab ela an: Îla i ndig a nem ãi aw taa. Ahimaas ãi nda dïlambo gang, na tøi kete nõ de kï Kust.
24Dabid ndï mbïna tabit kand kam þet kïjoo. Ngengomlo al dõ dø tabit't kïdø ndogbørrt, un kumïn kïdõ, oo lo. Oo de mad kïkïðanbe a ãi ngød, ndï ðe kï kam þet. 25Ngengomlo ga tant kï ko, el ngar. Ngar el an: Îla i kïkïðan a ne, ndï ðe kï hoita mad. 26Ngengomlo oo de mad kïðang tø a ãi ngød go det kï Kus ndï ðe ho, na ngengomlo ko kïdø ngengom tabit't an: Oo de mad a ãi ngød a ðe nõ ho, i kïkïðanbe. Ngar el an: Î tø ndï ðe kï hoita mad ho. 27Ngengomlo el an: N'oo ngød kãi de kïdasa i tit ngød kãi Ahimaas ngon Sadok be. Na ngar el an: Ahimaas i de kïmaj, ndï ðe kï hoita kïmaj.
28Ahimaas ko, na el ngar an: Maj. Na øsï døn ber nõ ngart kï takumïn kïber døningt, na el an: Køsïgon kï dø Bïraþe Luwaht loi'n la deg'n lan jid kïdõ ndoorïn ne ngar kï ngeem, jiit. 29Ngar el an: Basa Absalom ye to kari e? Ahimaas tur an: Lon Joab la ngekïlaþer lo ngar ye, mî ngekïlaþer loi m'oo kïse kï mbiting, na m'ger girra al. 30Ngar el an: Maj, i ða kïgog be. Ahimaas ða kïgog lo kïða.
31Tentenbe de kï Kus ðe, el an: Kï ngar kï ngeem oo dø hoita kïmaj. Þone Bïraþe ða sei nya kï kïgoðobat, ug ørri ji degt tube'n þai ndoorïn. 32Ngar el de kï Kus an: Basa Absalom ye to kari e? De kï Kus tur an: Madngéta ngar kï ngeem kï deg tube'n þai ndoorin kï n'ða sei nya kï ya kï to ye, kï ton tit Basan non.
BIBLE MBAÏ © 1980 Alliance Biblique du Tchad.