2 Sam 14
14
Joab ða ðob kïgo goosït kad telïn kï Absalom ro bøwat gog
1Joab ngon Seruja ger ta kad kam ngar i kïdø Absalomt. 2Joab la kïla Tékoa kun dekïdë, mad kï ngeterr, na ela an: M'køi kï i ða roi tit ngehønd be, i la kub høndo roit. Ot wur roi kï yib, na a i ða roi tit dekïdë kï ngehøndo koi de mad ndø ngãibe. 3Kamla aw ro ngart, na ela titbe. Joab nda ta'n sumba kad dekïdë a el. 4Lon dekïdë kï Tekoa aw kïta kel ngar ye, so kï takumïn ningt, øsï døn ber nõat, na el an: Ngar, i ða sem. 5Ngar ela an: Ði ðai a? Tura an: Rota mî bua dekïdë kï ngengawkoi. 6Þer loi kïdë a kï ngan'n kïdïngã joo. În tujoo kølïn na kam ndøøt, na tit kan hã de mad kïkad gangd nat goto ye, kïmad nda mad'n tøla. 7Na oo noojag tube þai ndoorïn þer loi kïdë anan adj ngetøl ngonkõn kad kï tøla kïta ðøø kï ngonkõn tøla, na ke i ngekõþe kõnduba kaa ne, j'a kï tøla kø. Ndig tølïn ngonïm kï nãi kï døn dõ kad kï nyan tø ke ngonka ngawïm døningt al.
8Ngar el dekïdë an: Aw kuju loi. M'a m'oo go ta loi. 9Dekïdë kï Tékoa tur ngar an: Ngar kï ngeem; lon ta so dømt kï dø ngékïþet lo bøwm a ne, ngar kï pong kõþe a în kïkanj ta. 10Ngar el an: Îla de mad a elta døit a ne, i ðe sia romt, na a ødi gog al ta.
11Dekïdë el an: Ngar, m'køi kï i gah dø Bïraþe Luwaht loi kïtakad ngendangïrra mosï tel nda kïdøt al, na kad kï tøl ngonïm al.
Ngar turta kï yokïnda an: Tit'n Bïraþe în kï døn dõ ye, bisïdø ngoni kïdïngã kïkïða kaa so ber al. 12Dekïdë el an: M'køi kï i ya ad þer loi kïdë elta mad ngar kï ngeem. Ngar tur an: El. 13Dekïdë el an: Kïtøði i øjïn ta titbe kad i ða nya 'nten kï deg lo Luwah a? Kïtø lon ngar gangta titbe ye, ndï gangta dønt î kïþe tit kan hã ngar telïn kï Absalom'n ngar tuþaa kø al. 14Kïtø kari na j'a j'oi ðuba, na jî tit man kï tø ningt be, dum kaw kïnat. Luwah ørr kumkajir kø al, na øj kamïnt kad de'n tuþa i kï tuþa kø mbãkïnõt al. 15Tajigla m'ðe m'el ngar kï ngeem nyag'n non kïta deg ndamïn þoolt, na mî þer loi kïdë m'el kammt m'an: M'ndig kelta ngar. Maj a ne, ngar a ða nya'n þer loa kïdë ndïje. 16Ãã, ngar a oo dø ta lo þer lon kïdëm a ug ørrïm ji det'n ndig tø kohj, mî kï ngonïm kïdïngã kad kï goto ku Israelagt'n i nyakagþet lo Luwah. 17Mî þer loi m'el kammt m'an: Ta lo ngar kï ngeem, a ad kamm so kïber kïta ngar kï ngeem i tit malaika lo Luwah be, ger maj kï majal. Kï Bïraþe Luwah loi i nat sei.
18Ngar tur dekïdë an: Ot yam dø nya kï ði kï m'a m'ndïjei ta. Na dekïdë ela an: Kï ngar kï ngeem elta. 19Ngar el an: Joab nda ta tait kam nyagt 'nten tube ale? Dekïdë turta kï yokïnda an: Ngar kï ngeem, tit'n roi ndï'n kumkajir ye, de asï tø kokõ ke kogel al kï nyag tube'n ngar kï ngeem el. Ãã, i ngekïlaþer loi Joab la ndam mber, na nda tag'n non tube ta þert loi kïdë ye. 20I kïta mbelta 'nten ngankodang la ngekïlaþer loi Joab ðan nya'n non ye, na ngeem tø a kï terr tit lo malaika lo Luwah be kïta ger'n nyag tube'n ðan nya døningt.
21Ngar el Joab an: Oo m'ndig ða nya 'nten. Aw i tel kï basa Absalom'n non. 22Joab so ber kï takumïn, øsï døn ningt, na njang dø ngar. Kamla Joab el an: Ngar kï ngeem, þone mî ngekïlaþer loi m'ger kad m'ngah maj takumit, tit kan hã ngar ða kïgo køt lo ngekïlaþer lon.
23Joab þai aw Gesur, na tel kï Absalom Jerusalem gog. 24Ngar el an: Kï Absalom aw kuju lon, kï oo takumïn al. Absalom aw kuj lon, oo takum ngar al.
Dabid lan na nooj kï Absalom
25Ku Israelagt tube, de mad kï tøa ko tit kï lo Absalom goto kïta basa lo kad roa danjaat mbã teen dandøat nya mad kïmajal gotot.
26A ja bisïdøn kï døboi þal kïðen kïta a øia. Na køi bisïdøa kïgo nyakøj kïlot lo ngar i kïlo mïta. 27Ngan Absalom kïdïngãg în mïta, kï kïdë i kïða, tøa i Tamar, i ngon kïmand ngãi roa maj koo dum.
28Absalom ndï Jerusalemt þal joo kïkanj koo takum ngar. 29Absalom kun Joab kad kï n'laa kï ro ngart na ndig ðe al. Kuna kun kïkõjoo, na ndig ðe al. 30Kamla Absalom el ngékïlaþerg lon an: Ndøø lo Joab i kad lomt, nyako l'ørj i kamt, aw i lan horr. Na ngékïlaþerg lo Absalom lan horr ndøøn non. 31Kamla Joab þai aw ro Absalomt kam kujt loa, ela an: Kïtøði ngékïlaþerg loi lan ne horr ndøø lom a? 32Absalom tur Joab an: Oo m'la goit m'an: Kï i ðe nëbe kad m'lai ro ngart, kïtakad i ndïjea ke kïtøði m'telïn kïko Gesurt a? I soomt kad mî nu þaitø. Kïtø 'nten tajigla m'ndig ko takum ngar, na îla ðagootal i romt a ne, kï tølïm kø. 33Kamla Joab aw ro ngart, ela ta 'nten, na ngar kun Absalom. Î tø aw ro ngart, øsï døn ber kï takumïn ningt nõ ngart. Ngar ða lapia Absalom kï nju ta.
BIBLE MBAÏ © 1980 Alliance Biblique du Tchad.