2 Hoi 3
3
Salomõ mbagirr ða kuj ndub Bïraþe
1Kamla Salomõ mbagïr ða kuj lo Bïraþe dø mbalbot kï Morija kam Jerusalemt, lot'n Bïraþe tee høi kïro Bøwa Dabidt kam lot'n Dabid ðago kete kam gar ndah nyakot lo Ornan kï Jebusia. 2Mbagïrr ða kuj ndø kïkõjoo lo nah kïkõjoo kam þalt kïkõsøø lo kõþe lon. 3Saolmõ ad tat kuj kï ngala i titbe: Ngala, i metïr dømïta, tata i metïr kïlah. 4Bulo kïnõ kujt ngala i metïr kïlah kïgo tat kujt, ngala kïdõ i metïr døkïbojidet. Salomõ tïnya kama kï ør kïjanjoi. 5Ðà kuj kïbo gog kï kag sipres, tïnya gïda kï ør kïjanjoi na tøsï þakumta kag tumurg kï kïla nar kï ndagidnat joo tit. 6Nda medkøsïg kï gatd i ngãi kad kuj kokeme tit nya pare kuj be, ør'n non i ør kï Parbaimt. 7Tinya kam kuj kï ør, kagag, kag tabitag, børrag kï tabitag, na ða þakumta serubg kad børrgt. 8Ðà lo kïjaþat kïtaitøi, ngala i metïr kïlah asïna kï tat kuj, tata i metïr kïlah Tïnya kama kï ør kïjanjoi asï ton døjoo. 9Ngawg tø in ør, køid asï kilo dub mi. Tînya kam kujg kïdõ kï ør tø. 10Kam lot kïjaþat kïtaitøi, tøsï þakumta serubg joo na tïnya gid'd kï ør. 11Ngal bøg serubg i metïr joo kï nusï. Bøga kïdasa ngala i metïr joo kï nusï, na ød kad kuj. Ngal bøga kïmad i metïr joo kï nusï, na ød ta bøg serub kïmad. 12Bøg serub kïkõjoo, ngala i metïr joo kï nusï, na ød kad kuj. Ngal bøga kïmad i metïr joo kï nusï, na ød ta bøg serub kïdasa. 13Bøg kï sïran ngald i metïr kïlah. Dan dø njadt, na takumd i kï tur kokeme. 14Ðà kubganglo kï kub kïkil musïmusï kï kïkïrre worwor kï kïkïrre pirir kï lë kïsøllomlom na joo þakumta serubg tit.
Pilieg kï dïngïr la kadkarig
15Nõ kujt ða pilieg joo, ngald i metïr kïlah gidaitanãimïta. Þïradø pilieg kïjoo, ngald i metïr joo kï nusï. 16Nda kïla kï nda gïdnat joo tit kïkam lot kïjaþat be, tasom piliegt, na ða þakumta kand kag grenadie asï þu nda dø kïlat kï nda gidnat joo'n non. 17Ud pilieg dõ nõ kujt, kïkïða kokõ, kïmad kogel. Nda tø pilie kï kokõ Jakin, na nda tø pilie kï kogel Boaj.
BIBLE MBAÏ © 1980 Alliance Biblique du Tchad.