2 Hoi 2
2
(Oo 1 Ngar 5:15 teen 32; 7:13 teen 14)
1Salomõ tïda deg asïn 70000 kad ton nya, 80000 kad tøsïn mbalg dø mbalbot kï 3600 ngékoogod. 2Salomõ la kïla kïro Hiram ngar kï Tir an: I ða sem tit'n i ðan kï bøwm Dabid, i la kï kag sedïr ada kïtakad ða'n kuj. 3Oo, m'ndï m'ða kuj kïta Bïraþe Luwah lom kad ða tadang kïtaa. I lo la horr nõkag kï kootmbî nõat, kï bïnã kïndanõt kïndøgndøg, kï kadkari kïlahorr kïsî kï lokïsøle, kï ndø taakòg, kï nahg lo Bïraþe Luwah loj kïgo mberkïndat kïtokïnõt kïta Israel. 4Kuj'n m'ndï m'ða a i kïbobe kïta Luwah loj i kïbo tøi luwahg tube, 5na nõ aw kï tøg kad ða'n kuj kïtaa a? Kïtø dørã kï dørã kïdø dørãgt asïna al. Na mî nõ kad m'ða kuj m'ada na kuj kïta la horr kadkari tã ale? 6Tajigla îla de mad kï ngegoosï ða kïla nar ør, nar arjã, ningakasï, hand, pal kub kïkïrre worwor kï kïkïrre pirir, kï kïkil musïmusï, ngegoosï tøsï mbal kïtakad ða kïla nat kï deg ngégoosï îgïn in romt kam Judat kï Jerusalem, deg'n bøwm Dabid køtd. 7I la kï kag sedïr, kï kag sipre kï kag sandal kï døning Libãt adïm. Oo þerg lom a in nat kï þerg loi. 8Ad ðan go kag ngãibe kïtam kïta kuj'n m'ndï m'ða a i kïbo kïmaj ngãi. 9M'a m'ad þerg loi ngégakag'n a gan kag, nduj gem ngotørrnyat asï 20000 kï nyako ørj ngotørrnyat 20000, ki litïr man nduu 800000, kï litïr yib 800000. 10Hiram ngar kï Tir tur Salomõ kam maktubt'n lan ada an: Kïtø tar'n Bïraþe tar deg lon la ndai ngar dødt ye, 11Hiram el þaitø an: Køsïgon kïdø Bïraþe Luwaht lo Israel, Ngeða dørã kï døning, Luwah'n ad ngar Dabid ngon'n i ngeterr, ngekumtøg kï ngegoosï, in a ða kuj ad Bïraþe, kï kuj kõþe lon ho. 12Kïtø 'nten m'ndï m'la de mad kï ngegoosï kï ngeger girrnya, 13Huram Abi, ngonkooj dekïdë kï ko gïrr Dant na bøwa i de kï Tir. I ngegoosï ða kïla nar ør, nar arjã, nïngakasï, hand, mbal kï kag, kï pal kub kïkïrre worwor kïkïkil musï musï, kï kïkïrre pirir, kï lë kïsøllomlom. Ger go tøsï mbal kï hand kï nya kïðen. A ða kïla nat kï ngégoosï loi kï ngégoosï lo bøwi Dabid kï ngeem. 14Tajigla ad ngeem la kïro þergt lon kï nyako gem kï ørj, kï yib kï man nduu'n ngeem eltaa. 15Jî taa, j'a kï ga kag kï døning Libãt kïgo get lol, J'a kï dø kagg'n non nat kï ðen dø bahbot mbã, Japo na a i ðe øi, awïn Jerusalem. 16Salomõ tïda mbahg tube kï ndïn døning Israelt, îgïn bøwa Dabid da kørd. Ngahnd asïn 153600. 17Øi deg asïn 70000 kad ton nya, 80000 kad tøsïn mbalg dø mbalbot kï 3600 ngékoogo deg kad ðan kïla.
BIBLE MBAÏ © 1980 Alliance Biblique du Tchad.