2 Hoi 4
4
Nyaðakïlag kïta kuj lo Bïraþe
1Ðà dïngïr ningakasï, ngala i metïr kïlah, tata i metïr døjoo, ngala kïdõ i metïr mi.
Joman kïbo kïjo man nïngakasï
2Gog got ða joman kïbobe, tat taa ko bøgat kïkïða mbã kï madt i metïr mi taa i kïkuro, ngala kïdõ i metïr joo kï nusï, kïlla mbøj boa, ngala i metïr kïlah gïdaimi. 3Ðà þakumta ngo gïrr taat kïber, ngo kïðen ðad kïlah kïlah njør joo gugïn dø joman gej na ða þakumta ngo'n non ro kïðabe kï joman nïngakasï. 4Joman kïbobe'n non i kï nda dø manggt kïlah gïdaijoo kï ðan kï nïngakasï, mang mïta sumban lo kogel, mang mïta sumban lokudkàd, mang mïta sumban lo kokõ, mang mïta sumban loþakàd, joman kïbobe ndï dødt na gid mangg'n non tube øsïn na gïrr jomant. 5Ndera asï tat daji de, ðan taa ad tee tit ta kop be, tit hutkám be. Kama asï kun man litïr 120000. 6Salomõ ða tasag asï kïlah, nda tasa kïmi kokõt, kïmi kogelt. Tasag'n non ndïn kïta tugo nya, kïta tugo dã kadkari kïlahorrt kïdangdang. Joman kïbobe ndï kïtakad ngéjanyamosï ndogïn ne man.
Tø nya ða kïlag kï hand kam kuj ndub Luwaht
7Huram ða lamba ørg asïn kïlah kïgo nyandajt kï sumba død, nda kam kujt, nda kïmi kokõ, kïmi kogel. 8Ðà tableg kïlah, ndad kam kujt kïjaþat, nda kïmi kokõt, kïmi kogelt. Ðà kop ørg þu. 9Ðà natlo lo ngéjanyamosï na ða natlo kïbobe kï tabitag. Tînya tabitag kï nïngakasï. 10Nda joman kïbobe døkumlot mbïna loþakàdt kokõ. 11Huram ða joo ku buhoorg, kï pelg kï tasag. Titbe la Huram tølïn kõn kïla'n ngar Salomõ ada ða kïta kuj lo Luwah. 12Pilieg kïjoo kï bïradød kïjoo kï tasag lod tasom piliegt. Bandg kïjoo kïta kutdø tasag kïjoo kï ndïn tasom bïradøgt dø piliegt. 13Kand kag grenadieg kïþusøø kïta bandg kïjoo. Njør kand kag grenadie kïjoo i dø bandt kïðen kad ut dø tasag kïjoo lo bïradøg kïdø piliegt. 14Ðà njaa kïlah, kï tasag kïlah îgïn in dø njaagt. 15Joman kïbobe i kïðabe na mangg kïkïlah gïdaijoo in, gïrr jomant kïbobe'n non. 16Jo ku buhoorr, kï pelg, kï nyakøsï dã, kï nyaðakïlag tube, Huram Abi ða nyag'n non tube kï nïngakasï kïkusï ad ngar Salomõ kïta kuj lo Bïraþe. 17Ngar pel nyag'n non kam dïlambot kï Jurrdë, døning hanj'n to mbïna Sukot it kï Sereda. 18Salomõ ða nyag'n non tube ngãi ngãibe, na øjïn køi ningakasï al. 19Salomõ ða nyag tube kïta kuj lo Luwah, ad i dïngïr ør, tableg'n ndan bïna kïndanõt døt, 20kag lambag kï baidg kï ør kïjanjoi kad unjïn nõ lot kïjaþat kïgo mberkïndat, 21hutkámg, lambag, nyatøl horrg kï ør kïjanjoi, 22ngan jo buhoorrg, kopg, baig kï ngan baig kï ør, tabit kuj kï tabitg kïkeme kïta lo kïjaþat kïtaitøi, kï tabit kand kujt kïjaþat kï ør. Awïn kï sund kunkø kam lot kïjaþat.
BIBLE MBAÏ © 1980 Alliance Biblique du Tchad.