1 Sam 3
3
Bïraþe kun Samuel
1Ngon'n non, Samuel ða kïlaþer ad Bïraþe nõ Helit. Ta lo Bïraþe tee ngãi al kam ndøgt'n non, oon nya kam ndilt kï nja natnat al tø.
2Kaglot'n non Heli to ber kam lot lon. Kuma oo lo ngãi al, kïta tel bïga bugum. 3Tølïn lamba lo Luwah al þaitø, na Samuel to ber kam kujt lo Bïraþe lot'n sund lo Luwah ndït. 4Kamla Bïraþe kun Samuel. Samuel ndig taat an: Mî ne. 5Kamla ãi aw ro Helit el an: Mî ne kïta i kunïm. Na Heli el an: M'kuni al, i tel aw i to ber gog. Samuel tel aw to ber.
6Na Bïraþe kun Samuel gog tø. Kamla Samuel þai aw ro Helit, el an: Mî ne kïta i kunïm. Na Heli el an: A ngonïm, m'kuni al, i tel aw i to ber gog. 7Samuel ger Bïraþe al þaitø, na ta lo Bïraþe i kï tee dø ada oo nja kïða al tø.
8Bïraþe kun Samuel nja kïkõmïta, na Samuel þai aw ro Helit, el an: Mî ne kïta i kunïm. Kamla Heli ger þet kad i Bïraþe la ndï kun ngon ye. 9Kïtø 'nten la Heli elïn Samuel an: Aw i to ber, na îla kuni tø a ne, el an: Elta Bïraþe kïta þer loi ndï oo dø. Kïtø 'nten Samuel tel aw to gootïnt.
10Bïraþe ðe duba ða kuna tit'n kuna'n kete: Samuel. Samuel. Samuel tur an: Elta kïta þer loi ndï oo dø. 11Kamla Bïraþe el Samuel an: Oo, m'a m'ða nya mad dan Israelagt. Dekïðen kï oo kah nya'n non a ne, ndila a tee saw. 12Ndøt'n non nyag tube'n m'el dø ngékïþet lo Heli ye, m'a m'tøl taa dø Helit, lo yaþoodat mbã døngoiat. 13M'ela m'an, m'a m'gangta dø ngékïþet loa mbãkïnõt kïta ðagootal kï ger þet, kïta ngana ørrïn ndøl kïdødt, na ndangd al. 14Kïtø 'nten la, m'ndan yo dø tat lo ngékïþe lo Heli kad ðagootal lo ngékïþe loa a i kï kut dø kïtakul kadkari kïjakø, ke kïtakul kadkari mad al mbãkïnõt.
15Samuel to lotont mbã loti kamla tee tabitg lo kuj lo Bïraþe, na Samuel þool kel Heli ta dø nyat'n oo kam ndilt. 16Na Heli kun Samuel an: Ngonïn Samuel. Samuel tura an: Mî ne. 17Heli ndïjea an: Bïraþe eli an ði a? M'ndï m'køi, ot yam dø nya mad. Ndayo tø an: Îla i yam dø nya kïða ku nyagt'n Luwah eli nõ a ne, Luwah a nda øji kï ndakøj kïbo. 18Kamla Samuel ela nyag tube, na ya dø nya mad kïða al. Heli el an: I Bïraþe, kï ða nya'n i kïþe oo maj kad ða.
19Samuel tøg gang. Bïraþe i nat sia, na Bïraþe nya ta kïða ku tagt lo Samuel ad tøi kø kari al. 20Israelag tube ko Dant mbã kï Birr Seba gerïn kad Samuel i ngekelta kï ta Bïraþet. 21Bïraþe ndï tee høi kam þebo Silot kïta i nõbe la ndï øj ront kï tïga kïtakul ta kï tant ad Samuel teen kï gerïn ye.
BIBLE MBAÏ © 1980 Alliance Biblique du Tchad.