1 Sam 2
2
Pa lo Ane
1Kamla Ane elta kï Luwah an:
Kamm ða ronel
kam Bïraþet,
m'ngah tøg kam Bïraþet.
M'tee tam m'gan buro
dø madngétamgt,
kïta m'ða ronel dø kajt loi.
2Ngekunjðang mad
kï tit Bïraþe goto,
Luwah mad goto,
na kï kïðaibe tã.
Mbal mad kï tit
kï Luwah loj goto.
3Ot kelïn ta gog
kïgo døngangt kïngãi.
Kï nyataj tee tait gog al.
Kïtø Bïraþe i Luwah
kï ngegernya tube,
î la a mbøj kïlaða deg
tube oo ye.
4Gã kïrãg
lo ngétøgg tetïn,
na de kïtang ta,
tøg i nyadøþod.
5Deg'n ndanïn maði ye,
adïn rod lo nimat
kïta nyasa,
na deg'n þo ðad maði ye,
ndamïn, ke kùj dekïdë
ka ooj ngan'g tanãimïta,
na dekïdë kï ngana
in ngãi ye,
tel ngïrra jakt.
6Bïraþe tøl de,
na ad de kumkajir,
ad de ðisï
kam lot kï Koo,
na ada þai gog.
7Bïraþe tel de
ngendot kï ngemajt,
la dø de kïber,
na un dø de kïdõ.
8Un ngendo
kam buningt kïdõ,
þai kï de kïdangt
dø þirþit't kø
kïta kad'd ndïn
nat kï rnbaiþeg,
ad'd londï kï køsïgon
nyakõndubat tø.
Kïtø pilieg ngékøsïg
oo døning'n lo Bïraþe,
Bïraþe î la ndah
døning dødt ye.
9A ngom nja deg
lon kïjaþat
na ngéðamajalg
a nujïn kø kam til diw,
de a tetðøø
kïtakul tøg lon al.
10Madngéta Bïraþe a în kï dud rumrum. A la ndangndiig kïdødt ko dõ dørãt. Bïraþe a gangta dø ngendï døboi døninggt, a ad tøg ngar lon, a un tøg lo kïwur lon kïdõ.
11Kamla Elkana tel aw þe lon Ramat, na ngon nãi gog kam kïlaþert lo Bïraþe nõ Helit kï ngejamosï kadkari.
Takel Luwah dø tujt kï a so dø ngékïþet lo Heli
12Ngan Heli in deg kïpãbe, turïn go Bïraþe al, 13'Nten la i nyabelþe lo ngéjamosïkadkari kïro degt. Lon de mad a la kadkari kïjakø ad Luwah a ne, þer lo ngejanyamosï kadkari a ðe kaglot kï a ndirrin ne dã, a un nyakøsïdã kïngal kï taa tø mïta jint 14a øsï kam bai ndirr nyat, ke kam jo nda man horro, ke kam jo ndirr nyat, ke kam joo ndirr tãt, na dã tube'n nyakøsïdã a øsï teen a ne, ngejanyamosï kadkari a un kïtan. Ðan titbe'n Israelag tube'n ðen þebo Silot,
15Awïn kete, lon lan ne horr mbool dãt al þaitø, þer lo ngejanyamosï kadkari a ðe el de'n a la kadkari ad Luwah an: Ad dã ngejamosï kadkari kïta tïnga. A taa dã kï ndirr jiit al, na dã kïkumgoojiro, 16Na îla de ela an: Kï lan horr mbool dãt kete, kamla a i un tit'n kami ndig, a ne, þer a tur an: A adïm tajigla. Be al a ne, m'a m'taa kï lo ngetøgt. 17Titbe majal lo basag'n non i kïbo ngãi takum Bïraþet kïta deg kïdin kadkarig kïla kad Bïraþe.
18Na Samuel ða kïlaþer nõ Bïraþet, i ngon kï ngela kub epod lë ront.
Samuel la kub lon kïkij ront.
19Kõa a ur ngon kub kïngal kïtaa þal kïðen, na a ðen ada lon a awïn nat kï ngawïn kïta la kadkari kïjakø kad Luwah þal kï þal. 20Heli a njang dø Elkana kï nëa, a el an: Kï Bïraþe adi ngan'g kï dekïdë'n ðan gan goot kadkari kï i ad Bïraþe. Kamla a tel awïn þe lod gog, 21Bïraþe ðe ða kï Ane ad ndan ngon. Ane ooj ngan kïdïngã mïta kï ngan kïdë joo.
Na ngona taa ne, tøg nõ Bïraþet. 22Heli tel bïga bugum, na oo dø nyag tube'n nganag ðan kï Israelag tube, kï tit'n ton ne kï dekïdëg kï ngéðakïlaþer ta tabit kand kam kuj kub ndødnat kï Luwah. 23Eld an: Kïtøði i ðan ne nyag kï titbe a? Kïtø m'oo hoi nyaðasï kïmajal ta degt tube. 24Ãã, nganïm, hoi nya'n m'oo ye, maja goto. I ndï adïn deg lo Bïraþe tøin dø ta. 25Îla de ða majal ndoorïn de mad a ne, Luwah la a gangta døat ye, na îla de ða majal ndoorïn Bïraþe a ne, nõ a kø kïtaa a? Na oon dø ta lo bøwd al kïta Bïraþe ndig tøld.
26Na Samuel taa ne, tøg kï kadron, na ngah maj nõ Bïraþet kï deg.
Takïgang lo Luwah so dø ngékïþe lo Heli
27De mad lo Luwah ðe ro Helit, ela an: Titbe kel Bïraþe: M'tee kï døm kïro ngékïþet lo bøwi lon in ne kam døning Ejipt't, kam þet lo Paraõ ye ale? 28M'køta ku girrdegt lo Israel tube kad i ngejanyamosï kadkari lom kïta la kadkari adïm dø dïngïr kadkarit kïta la horr mbikámt, kïta la kub epod ront nomt. M'ad ngékïþe lo bøwi kadkarig kïlahorrt lo Israelag tube. 29Kïtøði i ndï þan ne dø kadkari lom kïjakø mbujmbuj girr njasït kï kïdø kadkarit lom kï m'ndasï mbera kad ðen ne kam Londïmt a? I ndï øsïgon ngani tøim, i ulïn rosï mbulmbul kï gaj kïmajtøi lo kadkari kïðen lo deg lom Israel. 30Kïtø 'nten la Bïraþe Luwah lo Israel elïn an: M'el kïtïga kad ngékïþe lo bøwi a ndian nomt mbãkïnõt. Na tajigla Bïraþe el an: Kï titbe goto romt kïta m'a m'øsïgon ngékøsïgonïm, na ngékadïm a ne, m'a m'kid'd ho. 31Oo, ndøg ndï ðen nõ in m'a m'ad tøg kï tøg ngékïþe lo bøwi tu goto kïtakad de kï tøg bïga bugum a goto dansït. 32A i ndï kï kamkil, na kïta majkurr kï Bïraþe a ad ur Israelag; na de kï tøg bïga bugum a goto dan ngékïþet loi mbãkïnõt. 33Na de kï þe loi kï m'a m'ada goto kø kad dïngïr kadkarit lom al ye, de'n non a ad kumi tuj kïta mannõ, a adi kamkil, na ngékïþe loi tube a oin kø kam tøg basadt.
34Nya 'nten a tee dø nganit kïdïngã kïjoo'n non, Hopni kï Pines, a i nyakøj kïtai. A oin kø tujoo kam ndøt kïkïða. 35M'a m'þai kï ngejanyamosï kadkari mad kïro kï a ða kïgo nyagt tube'n kamm kï rom ndig. M'a m'ða kad koah a bïla, na a ndia nõ kïwurt lom mbãkïnõt. 36Na dekïðen kï a nãi ku ngékïþet loi a ne, a ðe so kïnõat kad n'ngah nar sî kï gaj nyasa, na a el an: M'ndï m'køi kad i ndam kam kïlaþer jamosïkadkarit mad kïtakad m'ngah'n nyasa sî kï m'sa.
BIBLE MBAÏ © 1980 Alliance Biblique du Tchad.