1 Sam 4
4
1Ta lo Samuel aw kïro Israelagt tube.
Pilistiag taan sund kunkø lo Luwah lo ðøøt
Ndø madt Israelag tee awïn kïta ðøø kï Pilistiag, høn londï kad lot kï Eben Ejer, na Pilistiag høn londï gid þe Apekt. 2Pilistiag ðan kï þuta þuta kïta ðøø kï Israelag. Lon ðøøn na ye, Pilistiag tetïn ðøø Israelag, na tølïn deg asï dubsøø lo ðøøt'n non. 3Lon deg telïn kï lo hølondït ye, kïbog lo Israelag elïn anan: Kïtøði Bïraþe ad Pilistiag teetjïn ne ðøø þone a? Ad kï ðen kï sund kunkø lo Bïraþe ko þebo Silot rojt, na lon a ðe danjt a ne, a aj'j ji madngétajgt. 4Kïtø 'nten deg lan þebo Silot ad ðen kï sund kunkø lo Bïraþe Ngekoosïg kï Ngéndï mbïna serubgt. Ngan Heli kïjoo, Hopni kï Pines, în nat kï sund kunkø lo Luwah. 5Lon sund kunkø lo Bïraþe ðe and kam lo hølondït ye, Israelag tube kon ngãi kï ndid kïbo ad døning ko þirþir.
6Lon Pilistiag oon kah ko kïbo'n non ye, elïn anan: Ko kïbobe kïkam lo hølondït lo Hebreg ye, girra i ði a? Lon oon kad sund lo Bïraþe ðe tee kam lo hølondït ye, 7Pilistiag þoolïn kïta elïn anan: Luwahg ðen kam lo hølondït. Elïn tø anan: Beto loj, kïta nya kï titbe ða nya maði nja kïða al. 8Beto loj. Nõ a aj'j ji luwahgt kï ngétøg'n non? Îgïn non la în luwahg în ndan Ejiptiag kï yokoosï kïðen kam dïlalot. 9Pilistiag, i høn rosï ngang, i ðan dekïdïngã, na þeta i telïn þerg lo Hebreg tit'n în ne þerg losï kete. I ðan dingãm, i ðøøn. 10Pilistiag ðøøn, na tetïn ðøø Israelag. Dekïðen ãi aw þe lon. Tølïn deg ngãi kï tøi, na Israelag dub dømïta son ta ðøøt. 11Taan sund lo Luwah, na tølïn ngan Heli kïjoo, Hopni kï Pines,
Ngejanyamosï Heli kï mumïn kïdë oin
12Benjamia mad ãi ta ðøøt, ðe tee þebo Silot ndøt'n non. Kubg loa in kï til, na buning i døat. 13Lon tee ye, Heli ndï dø sest lon bøg ðobt, ndï ngoo keðeng, na kama daa ta pa kïta sund lo Luwah. Lon de'n non and kam þebot, na ørr hoita'n non ye, deg tube kon mbiting. 14Lon Heli oo kah ko'n non ye, el an: Kah kïse'n non, girra i ði a? De'n non aw kïdõt ørr hoia Heli. 15Þal Heli i døjikïða gidaijijoo, kuma diw dî ad asï koo lo al. 16De'n non el Heli an: Mî la m'þai ta ðøøt m'ðe, m'ãi ta ðøøt þone. Heli ndïjea an: Ði ða nya, ngonïm? 17Ngeðe kï hoita'n non tur an: Israelag ãin nõ Pilistiagt, tølïn deg ngãibe, ngani kïjoo Hopni kï Pines oin ho, na taan sund lo Luwah tø. 18Lon elta da'n dø sund lo Luwah ye, Heli so dø sest lon kï gargon kad tabit't. Kïnga køa teet, ad oi kïta tel þïga bugum ho roa øi dirir tø. Heli i ngegangta ku Israelagt þal døsøø.
19Muma, në Pines, i kokem, nãi nderrbe kad ooj ngon. Lon oo hoi Pilistiag taan sund lo Luwah na mumïn kï ngawïn oin tø ye, øsï gojïn ber, ooj ngon kïta tõ kooj hura yedeng. 20Lon to ta koit ye, dekïdëg kï ndïn kadat elïna anan: Ot þool kïta i ooj ngon kïdïngã. Na turta al, tur go al tø. 21Kamla el an: Tit'n køsïgon lo Luwah goto døning Israelt ye, ngon'n m'ooja tøa i Ikabod, girra i titbe: Køsïgon goto, kïta taa'n taan sund lo Luwah ta ðøøt, koi'n mumïn kï ngawïn oin tø. 22El an: Køsïgon tøi kø ro Israelagt kïta sund lo Luwah i kï ta kø lo ðøøt.
BIBLE MBAÏ © 1980 Alliance Biblique du Tchad.