John 12
12
1ပြီးခါ ပသခါပွဲမစခင် ခြောက်ရက်အလိုမှာ ကိုယ်တော်ယေရှုဟ ဆေရာဟနေ အဆက်ပ္လန်ရှင်စေတော်မူတဲ့ လာဇရုရှိရာ ဗေသနိရွာကော် ကြွတော်မူဟယ်။ 2ဆူ့တော့ဟ ကိုယ်တော်ယေရှုအတွက် ညစာကော် ပြင်ဆင်ပေးကြမောက် မာသဟလဲ ဧည့်ဝတ်ပြုနေလေဟယ်။ ကိုယ်တော်ယေရှုနအတူ စားပွဲမှာ ထိုင်နေကြဆမားတေထဲမှာ လာဇရုတစ်ယောက်လဲ အပါအဝင်ဖြစ်ဟယ်။ 3ဟဲင်းခါ မာရိဟ အကြီးကျယ်ရှားတဲ့ နာဒုနလုပ်ဟားတဲ့ ရေမွှေးတစ်ပုလင်းကော် ယူမောက် ကိုယ်တော်ယေရှုရဲ့ခေတော်ကော် သွန်းလောင်းမောက် ခေါင်းမွေးန ဆုပ်လေဟယ်။ ဟဲင်းရေမွှေးနံ့ဟလဲ တစ်အိမ်လုံးကော် ပ္လန့်နှံ့ဟားလေဟယ်။ 4ဟဲင်းပေမဲ့ တပဲ့တော်တေထဲမှ တစ်ယောက်ဖြစ်တဲ့ ကိုယ်တော်ကော် သစ္စာဖောက်မဲ့လူ ယုဒရှကာရုတ်ဟ 5"စာလောက် အဲရေမွှေးကော် ငွေဒင်္ဂါးပြား ဆုံးရာနရောင်းမောက် မရှိဆင်းရဲဆားတေကော် မပေးလှူခဲ့ဟား" လောက် ဆိုလေဟယ်။ 6ဟဲင်းသလဲဆိုခြင်းမှာ ဆူဟ ဆင်းရဲဆားတေကော် ဟုတ်တည်းတည်း ကူညီချင်လောက် မဟုတ်ဘူး။ ဆူဟ သူခိုးဖြစ်မောက် ပိုက်ဆံအိတ်ကော် တာဝန်ယူထိန်းသိမ်းရင်း အလှူငွေတေကော် ခိုးယူလေ့ရှိညောင်းဖြစ်ဟယ်။ 7ဟဲင်းကြောင့် ကိုယ်တော်ယေရှုဟ "ဆူမကော် မတားပါနဲ့၊ ငါ့ကော် စဂြိုလ်မဲ့နေ့အတွက် ဆူမကြိုတင်ပြင်ဆင်နေဟာ ဖြစ်ဟယ်။ 8စာလောက်ဟားဆိုခါ ဆင်းရဲဆားတေဟ သင်တော့န အမြဲတမ်းရှိနေမဲင်ဖြစ်မောက် ငါဟ သင်တော့နအတူရှိနိုင်မဲင်မဟုတ်ဘူး" လောက် မိန့်တော်မူလေဟယ်။ 9ကိုယ်တော်ယေရှုဟ ဗေသနိရွာမှာ ရှိတော်မူကြောင်းကော် ဂျူးလူမျိုးတေဆိညောင်း ကိုယ်တော်သာမက ကိုယ်တော်ဟ ဆေရာဟနေ အဆက်ပ္လန်ရှင်စေခဲ့တဲ့ လာဇရုကော်လဲ ကြည့်ရှုဖော့ ဟဲင်းမြို့ကော် ဆွားကြလေဟယ်။ 10ဟဲင်းကြောင့် ပုရောဟိတ်အကြီးအကဲတေဟ လာဇရုကော်လဲ ဆတ်ဖော့ တိုင်ပင်ကြံစည်ကြလေဟယ်။ 11စာလောက်ဟားဆိုခါ အကြီးကျယ်များတဲ့ဂျူးလူမျိုးတေဟ ဆူ့တော့ကော် စွန့်ခွာမောက် လာဇရုအတွက် ပြုခဲ့တဲ့အမှုတေကြောင့် ကိုယ်တော်ယေရှုကော် ယုံကြည်လာဟာကြောင့်ဖြစ်ဟယ်။ 12နောက်တစ်နေ့မှာ ပွဲတော်ကော်လာကြတဲ့ အကြီးကျယ်များတဲ့ လူထုပရိတ်ဆတ်တေဟ ဂျေရုဆလင်မြို့ကော် ကိုယ်တော်ယေရှု ကြွလာတော်မူမဲင်ကော် ကြားဆိကြညောင်း 13ထန်းလက်ခက်တေကော် ကိုင်မောက် ကိုယ်တော်ကော် ကြိုဆိုဖော့ ထွက်ဟားကြမောက် "ဘုရားရှင်ရဲ့ ဂုဏ်ကျေးဇူးကော် ချီးမွမ်းပါဟယ်။ ဘုရားရှင်ရဲ့တန်ခိုးတော်န ကြွလာတဲ့ အစ္စရေးတေရဲ့ ဘုရင်ဟ ဘုန်းကြီးပါစေ" လောက် ကြွေးကြော်ကြလေဟယ်။ 14ကိုယ်တော်ယေရှုဟ မြည်းငယ်a တစ်ကောင်ကော် တွေ့မောက် စီးတော်မူဟယ်။ အဲဟာဟ ကျမ်းစာမှာ 15"ဇိအုန် မြို့ဆူမြို့ဆားတော့၊ မကြောက်ကြနဲ့။ သင်တော့ရဲ့ အရှင်မင်းကြီးဟ မြည်းငယ်ကော်စီးမောက် ကြွတော်မူလာကော် ကြည့်ကြပါ" လောက် ရေးဆားထားတဲ့တိုင်းဖြစ်ဟယ်။ 16ဟဲင်းအရာတေကော် တပဲ့တော်တေဟ အစက နားမလေကြလယ်ဝ ကိုယ်တော်ယေရှု ဘုန်းကျက်သရေန ထင်ရှားခြင်းရှိတဲ့ အချိန်မှာမှ ဟဲင်းအရာတေဟ ကိုယ်တော်ကော် ရည်ညွှန်းမောက် ရေးဆားခဲ့ဟာကော်ရော၊ လူတေဟလဲ ကိုယ်တော်အပေါ် ဟဲင်းနည်းအတိုင်း ပြုမူခဲ့ကြဟာကော်ရော အောက်မေ့အမှတ်ရကြလေဟယ်။ 17အခုမှာ လာဇရုကော် စုတ်စံဂူထဲဟနေ ကိုယ်တော်ဟ ခေါ်ထုတ်မောက် အဆက်ပ္လန်ရှင်စေတုန်းဟ ကိုယ်တော်နအတူ ရှိခဲ့ကြတဲ့ လူထုပရိတ်ဆတ်တေဟ ဟဲင်းအကြောင်းကော် ဆက်ဆေခံထွက်ဆိုကြလေဟယ်။ 18လူထုပရိဆတ်အပေါင်းတော့ဟ ကိုယ်တော်ကော် ခရီးဦးကြိုရခြင်းမှာ ဟဲင်းသလဲ အံ့ဖွယ်နိမိတ်လက္ခဏာတေကော် ကိုယ်တော်ပြုတော်မူကြောင်း ကြားဆိခဲ့ကြညောင်းဖြစ်ဟယ်။ 19ဟဲင်းကြောင့် ဖာရိရှဲတေဟ "သင်တော့မြင်ဟယ်မလား။ သင်တော့ဟ ဖယ်အရာကော်မှ မလုပ်နိုင်ဘူး။ ကမ္ဘာပေါ်မှာရှိတဲ့လူတိုင်းဟ ဆူ့နောက်ကော် လိုက်ပါကုန်ဟာကော်ပဲ ကြည့်ကြပါ" လောက် အချင်းချင်း ပြောဆိုနေကြလေဟယ်။ 20ပသခါပွဲတော်မှာ ဝတ်ပြုကိုးကွယ်ဖော့ လာကြတဲ့လူတေထဲမှာ ဂရိလူမျိုးတချို့ပါဟယ်။ 21ဆူ့တော့ဟ ဂါလိလဲနယ်၊ ဗက်ဇဲဒမြို့ဆားဖြစ်တဲ့ ဖိလိပ္ပုနားလာမောက် "ဆရာ၊ ကျွန်ုပ်တော့ဟ ကိုယ်တော်ယေရှုကော် တွေ့မြင်လိုပါဟယ်" လောက် တောင်းဆိုကြဟယ်။ 22ဖိလိပ္ပုဟ အန္ဒြေနားကော် ဆွားပြောပြီးခါ ဆူ့တော့နှေယောက်ဟ ကိုယ်တော်ယေရှုနားဆွားမောက် လျှောက်တင်ကြလေဟယ်။ 23ဟဲင်းခါ ကိုယ်တော်ယေရှုဟ "လူ့ဆားတော်ရဲ့ဘုန်းအသရေ ထင်ရှားစေမဲ့အချိန်ဟ ရောက်လာပြီဖြစ်ဟယ်။ 24သင်တော့ကော် ငါအမှန်တိုင်းပြောရခါ စပါးစေ့ဟ မ္လေပေါ်မှာ က္လမောက် အပင်မပေါက်ပဲခါ တစ်စေ့တည်းပဲရှိနေမဲင်။ တကယ်လောက် အပင်ပေါက်လောက်ရှိခါ အကြီးကျယ်များတဲ့ အဆီးအနှံတေကော် ဖြစ်ထွန်းစေတတ်ဟယ်။ 25ကိုယ့်ရဲ့အဆက်ကော် ချစ်ခင်တွယ်တာတဲ့လူတေဟ ဟဲင်းအဆက်တာကော် ဆုံးရှုံးရမှာဖြစ်မောက် ခုကမ္ဘာလောကမှာ ကိုယ့်ရဲ့အဆက်ကော် ချစ်ခင်တွယ်တာခြင်းမရှိတဲ့လူတေဟ ဟဲင်းအဆက်တာကော် ထာဝရ ရရှိကြမှာပဲဖြစ်ဟယ်။ 26ါ့ရဲ့အမှုတော်ကော် ထမ်းရွက်လိုတဲ့ မဆူ့မဆို ငါ့နောက်ကော် လိုက်ရမဲင်။ ဟဲင်းခါ ဆူဟ ငါရှိတဲ့အရပ်မှာ ငါနအတူ အမှုတော်ထမ်းရွက်ရမှာပဲ ဖြစ်ဟယ်။ ငါ့ခမည်းတော်ဟလဲ ငါ့အမှုတော်ကော် ထမ်းရွက်တဲ့လူတေကော် ချီးမွမ်းလိမ့်မဲင်။ 27ခုငါဟ စိတ်ပူနေဟယ်။ ငါဖယ်သလဲ လျှောက်ရမဟား။ 'အဖ၊ ခုအချိန်ဟနေ ကျွန်ုပ်ကော် ကယ်တင်တော်မူပါ' လောက် လျှောက်ရမလား။ ဟဲင်းပေမဲ့ ငါလာရဟာဟ ခုအချိန်အတွက်ပဲ ဖြစ်ဟယ်။ 28အို အဖ၊ ဖခမည်းတော်ရဲ့နာမတော်ကော် ဘုန်းတော်ထင်ရှားစေတော်မူပါ" လောက်ဆုတောင်း လေဟယ်။ ဟဲင်းခါ "ငါဟ ငါ့ကိုယ်တိုင်ဘုန်းတော်ထင်ရှားစေခဲ့ပြီဖြစ်ဟယ်။ နောက်တခါလဲ ငါဟ ငါ့ကိုယ်တိုင် ဘုန်းတော်ထင်ရှားစေအုံးမှာဖြစ်ဟယ်" လောက် ကောင်းကင်ဟနေ အဆံတော်ထွက်ပေါ်လာလေဟယ်။ 29ဟဲင်းအနီးအနားမှာ ရပ်နေမောက် ဟဲင်းအဆံကော် ကြားကြတဲ့ လူထုပရိဆတ်တချို့ဟ "မိုးခ္လုန်းဟာပါ" လောက် ဆိုကြမောက် တခြားလူတေခါ "နတ်ဒေဝါတစ်ပါးဟ ဆူန စကားပြောနေဟယ်" လောက် ဆိုကြလေဟယ်။ 30ကိုယ်တော်ယေရှုဟ ဆူ့တော့ကော် "ဟဲင်းအဆံဟ ငါ့ရဲ့အကျိုးအတွက်မဟုတ်ပဲ သင်တော့ရဲ့အကျိုးအတွက်ပဲ ဖြစ်ဟယ်။ 31ခုကာလမှာ အဲလောကဟ တရားစီရင်ဟာကော် ခံရပြီဖြစ်မောက် အဲလောကကော် အုပ်စိုးနေတဲ့စာတန်မာရ်နတ်ဟ ခုကာလမှာ နှင်ထုတ်ခံရမှာပဲ ဖြစ်ဟယ်။ 32အဲနောက်မှာ ငါဟလဲ ကမ္ဘာမ္လေဟနေ လက်ဝါးကပ်တိုင်ပေါ်ကော် တင်မြှောက်ခြင်းခံရတဲ့အခါ လူအပေါင်းတော့ကော် ငါ့နားကော် လာချင်လာအောင်ပြုလုပ်မှာပဲ ဖြစ်ဟယ်။ 33ဟဲင်းသလဲ မိန့်တော်မူခြင်းမှာ ကိုယ်တော်ဟ ဆူဖယ်သလဲဆေခြင်းန အဆေခံမဲင်ကော် ညွှန်ပြပြောဆိုနေခြင်းဖြစ်ဟယ်။ 34လူထုပရိတ်ဆတ်တော့ဟ ကိုယ်တော်ကော် "မေရှိယဟ ဟဲင်းအရပ်မှာ အမြဲတမ်းတည်ရှိနေမဲင်လောက် ကျမ်းစာထဲမှာ ဖော်ပြထားဟာကော် ငါတော့ကြားဆိခဲ့ရပြီး ဖြစ်ဟယ်။ ဟဲင်းလဲဆိုခါ 'လူ့ဆားတော်ဟ ကမ္ဘာမ္လေကြီးဟနေ လက်ဝါးကပ်တိုင်ပေါ်ကော် တင်မြှောက်ဟာကော် ခံရမဲင်' လောက် သင်စာလောက် ပြောနိုင်ဟား။ ဟဲင်း 'လူ့ဆားတော်' ဟ မဆူ့ဟား" လောက်မေးမြန်း ပြောဆိုကြလေဟယ်။ 35ကိုယ်တော်ဟလဲ ဆူ့တော့ကော် "အလင်းဟ သင်တော့န အချိန်တနားလေး ရှိနေအုံးမဲင်ဖြစ်ဟယ်။ အလင်းရှိတဲ့အချိန်မှာ ဆွားလာကြပါ။ ဟဲင်းမှ အမှောင်ထုဟ သင်တော့ကော် အုပ်မိုးခြင်းမရှိမှာဖြစ်ဟယ်။ အမှောင်ထုထဲမှာ ဆွားလာဆမားတေဟ ကိုယ့်ဟာကိုယ် ဖယ်အရပ်ကော် ဆွားလာနေဟယ်ဆိုဟာကော် ဆိမှာမဟုတ်ဘူး။ 36အလင်းရှိနေတဲ့အချိန်မှာ အလင်းရဲ့ဆားဆမီးတေ ဖြစ်ကြစေဖော့ အလင်းကော် ယုံကြည်ကြပါ" လောက် မိန့်တော်မူဟယ်။ ကိုယ်တော်ယေရှုဟ ဟဲင်းအရာတေကော် ဟောပြောတော်မူပြီးခါ ဆူ့တော့နားဟနေ ထွက်ဟားမောက် တိမ်းရှောင်တော်မူဟယ်။ 37ကိုယ်တော်ယေရှုဟ အဲလောက်များတဲ့ အံ့ဖွယ်နိမိတ်လက္ခဏာတေ ဆူ့တော့ရှေ့မှာ ပြုတော်မူခဲ့လယ်ဝ ဆူ့တော့ဟ ကိုယ်တော်ကော် ယုံကြည်ခြင်းမရှိခဲ့ကြပေ။ 38အဲဟာဟ "အိုအဖဘုရားရှင်၊ ကျွန်ုပ်တော့ရဲ့ သတင်းစကားကော် မဆူ့တေဟ ယုံကြည်ကြမောက် အဖဘုရားရှင်ရဲ့ ယုံကြည်ခြင်းတန်ခိုးတော်ကော် မဆူ့နားမှာ ပြသတော်မူရမဟား" လောက် အရိယာဆူတော်စင် ဟေရှာယ ဟောပြောခဲ့တဲ့ စကားဟ ပ္လေ့စုံခြင်းကော် ရောက်ရှိမဲ့အကြောင်းပဲဖြစ်ဟယ်။ 39လူတေ မယုံကြည်နိုင်ရတဲ့အကြောင်းမှာ ဟေရှာယဟ 40"ဆူ့တော့ဟ မျက်စိနမြင်မောက် စိတ်နှလုံးန နားလေနိုင်မှပဲ ပြောင်းလဲကြညောင်း ငါဟ ဆူ့တော့ကော် ကျန်းမာစေရမဲ့အဖြစ်မျိုးမရှိစေဖော့ ဘုရားရှင်ဟ ဆူ့တော့ရဲ့မျက်စိကော် ကွယ်စေတော်မူမောက် ဆူ့တော့ရဲ့ စိတ်နှလုံးကော် မာကျောစေတော်မူဟယ်" လောက် ထပ်မံမောက် ဟောပြောခဲ့ညောင်းဖြစ်ဟယ်။ 41ဟေရှာယဟ ကိုယ်တော်ယေရှုရဲ့ ဘုန်းကျက်သရေကော် မြင်ခဲ့ရညောင်း ဟဲင်းသလဲ ပြောဆိုမောက် ကိုယ်တော်ရဲ့အကြောင်းကော် ဟောပြောခဲ့ခြင်းဖြစ်ဟယ်။ 42ဖယ်လဲညင်းညင်း ဂျူးလူမျိုး အကြီးအကဲတေနားမှာလဲ ကိုယ်တော့်ကော် ယုံကြည်ဆမား အများဟုန်းရှိလေဟယ်။ ဟဲင်းပေမဲ့ ဆူ့တော့ဟ ဓမ္မာရုံဟနေ ထုတ်ပယ်ခြင်းခံရမဲင်ကော် ကြောက်ညောင်း ဖာရိရှဲတေနားမှာ ဆူ့တော့ယုံကြည်တဲ့ အကြောင်းကော် ဝန်ခံခြင်းမရှိခဲ့ကြပေ။ 43ဆူ့တော့ဟ ဘုရားရှင်ရဲ့ ချီးမြှောက်ဟာထက် လူတေရဲ့ ချီးမြှောက်ခြင်းကော် ပိုမောက် နှစ်သက်ကြဟယ်။ 44နောက်တခါ ကိုယ်တော်ဟ "ငါ့ကော် ယုံကြည်ဆမားဟ ငါ့ကော် ယုံကြည်ဟာထက်မက ငါ့ကော် စေလွှတ်တဲ့လူကော်လဲ ယုံကြည်ဟာဖြစ်ဟယ်။ 45ါ့ကော် မြင်တဲ့လူတေဟလဲ ငါ့ကော် စေလွှတ်တဲ့လူကော် မြင်လိမ့်မဲင်ဖြစ်ဟယ်။ 46ါ့ကော် ယုံကြည်ဆမားတိုင်းဟ အမှောင်ထုထဲမှာ မနေရစေဖော့ ငါဟ အဲကမ္ဘာလောကကော် အလင်းအဖြစ်ကြွလာဟာဖြစ်ဟယ်။ 47တစ်ယောက်ယောက်ဟ ငါ့စကားတေကော် ကြားမောက် မယုံကြည်ပဲနေခါ ငါဟ ဆူ့ကော် ပြစ်ဒဏ်စီရင်မှာ မဟုတ်ဘူး။ စာလောက်ဟားဆိုခါ ငါဟ ခုကမ္ဘာလောကကော် ပြစ်ဒဏ်စီရင်ဖော့ လာဟာမဟုတ်ဘူး။ ကယ်တင်ဖော့ပဲ လာဟာဖြစ်ဟယ်။ 48ဟဲင်းပေမဲ့ ငါ့ကော် ငြင်းပယ်မောက် ငါ့စကားကော် လက်မခံတဲ့လူကော်ခါ ပြစ်ဒဏ်စီရင်မဲ့လူရှိဟယ်။ ငါဟောပြောတဲ့စကားတေဟ နောက်ဆုံးသောနေ့ရက်မှာ ဟဲင်းလူကော် ပြစ်ဒဏ်စီရင်လိမ့်မဲင်။ 49အဲဟာကော် ငါဟ ငါ့ဆန္ဒဆဖောအတိုင်း ပြောဆိုနေဟာမဟုတ်ပဲ ငါ့ကော် စေလွှတ်တဲ့ခမည်းတော်ဟ ငါ့ကော် ဖယ်ဟာကော်ဟောပြောရမဲင်၊ ဖယ်ဟာကော် ပြောဆိုရမဲင်ဆိုဟာကော် အမိန့်တော်ပေးဟားညောင်း ငါပြောရဟာဖြစ်ဟယ်။ 50ဖခမည်းတော်ရဲ့အမိန့်တော်ဟ နိစ္စထာဝရအဆက်ဖြစ်ကြောင်းငါဆိဟယ်။ ဟဲင်းကြောင့် ဖခမည်းတော် ငါ့ကော် မိန့်တော်မူဆမျှအရာမှန်ဆမျှကော် ငါ ဟောပြောဟာဖြစ်ဟယ်" လောက် ကြွေးကြော်လေဟယ်။
Currently Selected:
John 12: INT
Highlight
Share
Compare
Copy
Want to have your highlights saved across all your devices? Sign up or sign in
This translation of the Intha NT is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
