At Ṛuma 11
11
Illu ur inekkeṛ ara agdud-is
1Ad iniɣ : Ɛni Illu inkeṛ agdud-is ? Xaṭi ! Imi nekk s yiman-iw n wat Isṛail, si dderya n Ibrahim, seg wedrum n Benyamin. 2Illu ur inkiṛ ara agdud-is i yextaṛ si zik. Ur teẓrim ara d acu i d-qqarent Tira Iqedsen, asmi i icetka nnbi Iliya i Yillu ɣef wat Isṛail ? Yenna : 3Ay Ameɣlal ! Nɣan lanbiya i d-tceggɛeḍ, hudden idebdar anda i ak-d-ttqeddimen lɣaci iseflawen, anagar nekk i d-iqqimen yerna ttnadin ad iyi-nɣen#11.3 Walit 1 Igelliden 19.10. ! 4Lameɛna atah wamek i as-d-yerra Yillu : Xtaṛ-aɣ-d i yiman-iw sebɛa alaf n yirgazen ur nseǧǧed ara zdat lmeṣnuɛ Baɛl#11.4 Walit 1 Igelliden 19.18.. 5Akka daɣen, di lweqt-agi i deg nella tura, llan kra seg wat Isṛail i yeṭṭfen deg-s, d wid i yextaṛ Yillu, s ṛṛeḥma-ines. 6Mačči ɣef ddemma n lefɛayel-nsen i ten-ixtaṛ meɛna s ṛṛeḥma-ines. Neɣ ma ulac ma yella s lefɛayel i yettextiṛi Yillu, ṛṛeḥma-ines ur tettusemma ara d ṛṛeḥma.
7Amek ihi ? Ayen i nudan wat Isṛail ur t-wwiḍen ara, anagar wid i yextaṛ Yillu i t-iwwḍen ; ma d wiyaḍ qquren wulawen-nsen. 8Akken i d-qqarent Tira Iqedsen :
Iqfel Yillu lɛeqliya-nsen,
allen-nsen ur ttwalint ara,
imeẓẓuɣen-nsen ur sellen ara,
ar ass-agi # 11.8 Walit
Asmekti
29.3 ; Icaɛya 29.10 ; 44.18 ; Yuḥenna 12.40..
9Ula d Dawed yenna : Imensi n tmeɣṛiwin-nsen ad sen-yuɣal d tasraft anda ara ɣlin,
d acebbak ara d-isseɣlin fell-asen lɛiqab uklalen.
10 Ad d-iɣli ṭṭlam ɣef wallen-nsen i wakken ur ttwalin ara,
lqedd-nsen ad iknu i dayem # 11.10 Walit
Ihellilen 69.23-24. !
Leslak n wid ur nelli ara n wat Isṛail
(Mt 21.40-43; Ifs 2.11-13)
11Acu ara d-iniɣ ihi ? Ɛni at Isṛail ɣlin i wakken ur ttuɣalen ara ad d-kkren ? Xaṭi ! Lameɛna s tuccḍa-nsen i wwḍen leǧnas nniḍen ɣer leslak. D annect-agi i d-issekkren tismin i wat Isṛail. 12Ma yella tuccḍa-nsen tesserbeḥ at ddunit, tessaweḍ-iten ɣer leslak, ma yella lexṣara-nsen tewwi-d rrbeḥ i yigduden nniḍen, ihi acḥal meqqret lbaraka ara d-iffɣen seg-sen mi ara d-uɣalen ɣer webrid n Yillu, i wakken ad ttusellken. 13Ad wen-iniɣ i kunwi, a leǧnas : Nekk yellan d amceggeɛ i leǧnas, fkiɣ ccan i leqdic-iw, 14i wakken ma yella wamek, ad d-ssekkreɣ tismin i watmaten-iw n wat Isṛail, ahat ad ttusellken kra deg-sen. 15Axaṭer ma yella aɛzal n wat Isṛail isemṣalaḥ leǧnas nniḍen akked Yillu, acu ara yeḍrun ihi mi ara d-uɣalen nutni ɣer webrid n Yillu ? Ad yili am akken d ḥeggu i d-ḥyan si gar lmeyytin !
16Ma yella awren i tettqeddimem i Yillu yeṣfa, ula d arekti yeṣfa ; ma yella iẓuran n ttejṛa ṣeḥḥan, ifurkawen daɣen ad ilin ṣeḥḥan. 17Akka i teḍra d wat Isṛail : Kra n tseḍwa ttwagezment si tzemmurt, kečč a win ur nelli ara n wat Isṛail, yellan d aḥeccad, tettwaleqqmeḍ deg umkan-nsent ; ma tettekkiḍ deg iẓuran n tzemmurt d zzit-is, 18ur ilaq ara ad tḥeqṛeḍ tiseḍwa-nni yettwagezmen. Ḥader iman-ik ɣef zzux, axaṭer mačči d kečč i yeṭṭfen aẓar meɛna d aẓar i ak-iṭṭfen. 19Ad d-tiniḍ ihi : Ttwagezment kra n tseḍwa i wakken ad ttuleqqmeɣ nekkini. 20Ayagi d tidett ; nutni ttwagezmen axaṭer ur uminen ara, ma d kečč teṭṭfeḍ amkan-nsen imi tumneḍ. Ur seɛɛu ara zzux, meɛna sɛu tuggdi ! 21Axaṭer akken ur iqal ara Yillu tiseḍwa n laṣel, ur ak-ittqil ara ula d kečč. 22Meyyez ihi acḥal ḥnin Yillu, d wacḥal daɣen iwɛeṛ : Lewɛaṛa ɣer wid iɣlin, ma d leḥnana ɣer ɣuṛ-k ma teṭṭfeḍ di leḥnana-agi, neɣ ma ulac ula d kečč ad tettwigezmeḍ. 23Ula d at Isṛail ma ur kemmlen ara di leǧhel-nsen, zemren ad ttuleqqmen, axaṭer Illu d anezmar i wakken ad sen-iɛiwed aleqqem. 24Ma yella kečč i d-ittwagezmen seg uḥeccad, tettuleqqmeḍ ɣef tzemmurt n lɛali ɣas akken d aḥeccad i telliḍ, acḥal ihi i sen-ishel i nutni yellan d tiseḍwa n tzemmurt i wakken ad uɣalen ad ttuleqqmen ɣef tzemmurt-nsen.
25Ur bɣiɣ ara ay atmaten ad tettwiffer fell-awen lbaḍna-agi, i wakken ur tḥettbem ara iman-nwen d wid issnen. Kra seg wat Isṛail, sseɣṛen ulawen-nsen ɣef wawal n Yillu yerna akka ara kemmlen di taɣaṛt-nsen alamma yewweḍ leslak i leǧnas meṛṛa. 26Imiren ad ttusellken wat Isṛail irkul asmi ara d-iḍru wayen i d-nnant Tira Iqedsen :
Ad d-iffeɣ umsellek si Ṣiyun,
ad sen-ikkes i warraw n Yaɛqub lekfeṛ-nsen ;
27 d tagi i d tamsisit ara xedmeɣ yid-sen
mi ara sen-kkseɣ ddnubat-nsen # 11.27 Walit
Icaɛya
59.20-21 ; Irmiya 31.33-34..
28Ɣef wayen iɛnan Lexbeṛ n Lxir, at Isṛail uɣalen d iɛdawen n Ṛebbi, ma d kunwi tesfaydim-d deg wayagi. Meɛna ma nmuqel ɣer lxetyaṛ n Yillu, iḥemmel-iten ɣef ddemma n lejdud-nsen. 29Axaṭer Illu ur ineddem ara ɣef wid ixtaṛ neɣ deg wayen i d-ittak. 30Zik-nni tellam tɛuṣam Illu, lameɛna tettunefk-awen-d ṛṛeḥma-ines i kunwi imi i t-ɛuṣan wat Isṛail, 31akken daɣen ara sen-d-tettunefk ula i nutni i t-iɛuṣan tura, ṛṛeḥma i wen-d-ittunefken i kunwi. 32Axaṭer Illu yeǧǧa imdanen meṛṛa ad t-ɛaṣin i wakken ad sen-d-ifk daɣen meṛṛa ṛṛeḥma-ines.
33Acḥal lqayet tneflit, lekyasa d tmusni n Yillu ! Acḥal weɛṛit izarafen-is i wemḥaṣ, d iberdan-is i lefhama.
34Akken yura di Tira Iqedsen :
Anwa i yessnen ixemmimen n Umeɣlal
neɣ anwa i yellan d amciweṛ-is # 11.34 Walit
Icaɛya 40.13. ?
35Anwa i as-ifkan kra d amezwaru i wakken ad iṛǧu ad as-t-id-yerr ? 36Kullec ikka-d sɣuṛ-s, kullec yella-d yis, kullec d ayla-s. I netta tamanegt si lǧil ɣer lǧil, amin !
Bible en kabyle © Alliance biblique universelle, 2024.
Le travail de traduction, réalisé principalement en Algérie entre 1992 et 2024, a été effectué par l’Association Chrétienne d’Expression Berbère (ACEB) avec le soutien de l’Alliance biblique universelle.