मती 6
6
जरूरत वालअ ने दान आलवा ने हिक
1 #
मती 23:5
“सकोर रो, तमो मनका देकाड़वा ने हारू आपड़े दरम ने काम नकी करो, नीते तमो आपड़े हरग बाप हू कई बी फल नीं पाहो।
2“तणी जेरे तु कणा जरूरत वालअ ने दान करे ते आपड़े पोता ने बड़ाई नकी कर, जेम कपटी मनका परातना घेरो नी गलजअ मा बिजअ मनका हू बड़ाई पावा ने हारू करे हे। मुँ तमय हू हासु कऊँ हूँ के, वा इनु फल पेले हूस पाई सुका हे। 3पण जेरे तु दान करे हे ते जी तारे जमणो आत करे हे, विने पतो तारे डावा आते बी नीं लागवो जुजे, 4ताकि तारे दान वगर डिटु रे। नी तमारे परम बाप जी तमो सानू करो हो वणाय जुए हे, वी तमय इने फल आलहीं।
परातना ने बारामा हिक
(लूका 11:2–4)
5 #
लूका 18:10–14
“जेरे तु परातना करे ते, कपटी वजूने नकी कर। केमके वा मनकय देकाड़वा ने हारू परातना घेर मा नी वाट ने मोड़ मा ऊबू रेईनी परातना करवी वणय कईक बड़ीया लागे हे। मुँ तमय हू हासु कऊँ हूँ के, वा आपड़े हारू फल पाई सुका हे। 6पण जेरे तु परातना करे ते आपड़े कुटडी मा जा नी कमाड़ बन्द करीनी सानो आपड़े बाप हू परातना कर। तेरे पसे तारे बाप जी सानू मा किदू गियू कामे जुहीं, ते तय इनु फल आलहीं।
7“जेरे तु परातना करे ते परमेसवर ने नीं जाणवा वाला ने वजूने बक बक नकी कर। केमके वा हमजी हे के, अमारे कईक बुलवा हू अमारे हबलजी जाहीं। 8तणी वणअ हरका नकी बणो, केमके तमारे परम बाप तमारे मागवा हू पेले जाणे हे के, तमारे जरूरत हूं हे। 9तणी तमो अणी तरह हू परातना करो,
“ ‘हे अमारे बाप, तु जी हरग मा हे।
तारे नाम पवितर मानजू जाए।
10तारे राज आवे,
तारे मरजी जीवी हरग मा पुरी थाए हे, इमुस तरती माते बी पुरी थाए।
11पुरा दाड़ा ने रूटा आज अमय आल।
12नी जेम अमय अमारे अपराद करवा वाले माप किदा हे,
वणीस तरह हू अमय बी माप कर।
13नी अमय एवी तागत आल के, अमय परकवा जावा हू सीटी राक,
नी बुराई हू वसाड़, केमके राज, तागत नी मईमा हर वला तारेस हे।’ आमेन।
14 #
मर 11:25,26 “अगर तमो मनका ने पाप माप करहो, ते तमारे हरग बाप बी तमारे पाप माप करहीं। 15पण अगर तमो मनका ने पाप माप नीं करहो ते, तमारे हरग ने बाप बी तमारे पाप माप नीं करहीं।
एकाणा ने बारामा हिक
16“जेरे तमो एकाणू करो, ते मुडू लटकावीनी कपटीयो ने हरका नकी देको। केमके वा आपड़े मुडू बणावी राकी हे, ताकि मनका वणय एकाणा वाला जाणी हे। मुँ तमय हू हासु कऊँ हूँ के, वणय वणनू फल पेलेहुस मली सुकू हे। 17पण जेरे तु एकाणू करे ते आपड़े मुडू तुई दे नी मुड़ माते तेल लगाड़ीनी पोता ने अभिसेक कर। 18ताकि मनका नीं जाणे पण तारे बाप जी वगर डिटो हे, तय एकाणा वालो जाणे। पण तारे परम बाप जणाय तु जुई नीं हके हे, जुए के, तु एकाणू करी रेजो हे। तेरे तारे परम बाप जी हापीनी किदू गियू कामे जुए हे, तय इनु फल आलहीं।
हरग ने धन
(लूका 12:33,34)
19 #
याकू 5:2,3 “आपड़े हारू तरती माते धन वगलू नकी करो, जिय किड़ा नी किट वगाड़े हे नी सोर डाको दड़ीनी सुरी करी हके हे। 20पण आपड़े हारू हरग मा हासु धन वगलू करो, जिय नीते किड़ा, नीते किट वगाड़े नी नीते सोर डाको दड़ीनी सुरी करी हके हे। 21हुते राको, जिय तमारे धन हे विय तमारे मन बी लागेलू रेहीं।
सरीर ने दिवो आक
(लूका 11:34–36)
22“सरीर ने दिवो आक हे। अगर तारे आक हाऊ हे ते तारे पुरू सरीर उजाळा मा रेहीं। 23पण अगर तारे आक खराप थाई जाए ते, तारे पुरू सरीर अदारा मा थाई जाहीं। तणी जी उजाळू तय मा हे अगर यू अदारा मा थाई जाए ते वु अदारू कतरू गेहरू थाई जाए हे।
परमेसवर नी धन
(लूका 16:13; 12:22–31)
24“कणु बी एक हाते बे मालिक ने सेवा नीं करी हके, केमके वी एक हू वेर नी बिजाहू परेम करहीं, या वी एक हू मलीनी रेहे नी बिजाय बेकार जाणहीं। तमो धन नी परमेसवर ने सेवा एक हाते नीं करी हको हो।
25“मुँ तमय हू कऊँ हूँ, आपड़े जीव ने हारू ये सिनता नकी करो के, अमअ हूं खाहअ, नी हूं पीहअ, नी नीते आपड़े सरीर ने हारू हूं पेरहअ। हूं जीवन खावा हू नी सरीर लबरअ हू बड़ीनी नीं हे? 26जुओ, आकास मा उड़वा वालअ जनावर नीते पेरे हे, नी नीते कापे हे, नी नीते व कुटी मा दाणा परे हे, पण तमारे हरग ने बाप वणने पेट परे हे। हूं तमो वणहू वदारे खास नीं हो? 27तमय मा हू एवू कुण हे, जी सिनता करीनी आपड़े पुरा जीवन मा एक वला बी बढ़ावी हके हे?
28“तमो लबरअ ने हारू हय सिनता करो हो? वगड़ा ने फुलअ माते तयान लगाड़ो के, व केम मुटअ थय हे, व नीते मेणत करी हे नी नीते आपड़े हारू लबरअ बणावी हे। 29मुँ तमय हू कऊँ के, राजा सुलेमान बी आपड़े हेता राज ने वेभव मा वणअ फुला ने रूपाळअ ने हरकअ लबरअ नीं पेरी हकजो। 30तणी जेरे परमेसवर मेदान ने सारेटू जी आज हे, नी काले बाली दिदू जाहीं, एवअ हबावे हे, ते हे थुड़ो विसवास करवा वाले मनको वी तमय हाऊ लबरअ केम नीं पेरावहीं?
31“तणी सिनता करीनी यू नकी केवान के, ‘अमअ हूं खाहअ, हूं पीहअ नी हूं पेरहअ।’ 32केमके परमेसवर ने नीं जाणवा वाला अणी हेती सीज ने खोज मा रय हे, पण तमारे हरग ने बाप जाणे हे के, तमय अणी हेती सीजो ने जरूरत हे। 33तणी तमो पेले परमेसवर ने राज नी दरम ने खोज मा रो ते ई हेती सीजी तमय मली जाहीं। 34तणी काल ने सिनता नकी करो, केमके काल ने दाड़ो आपड़े सिनता पोते करी लीहीं। आज ने हारू आज ने दक कईक हे।
Currently Selected:
मती 6: WBR
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI
CC BY-NC-ND 4.0
