मती 22
22
विवा मा जिमणा ने काणी
(लूका 14:15–24)
1एक फेरो फेर ईसु काणीय हू केवा लागो, 2“हरग ने राज वणा राजा ने हरकू हे जणाय आपड़े सुरा ने विवा मा जिमण राकजू। 3राजाय आपड़े दास मुकलजा के, वणे मनकय हादी लावो जणय विवा मा नोतरू मेलजू तु, पण व मनका नीं आजअ।
4“वणाय आपड़े दासे फेर मुकलजा नी वणाय केजू जी मनका विवा ने जिमण माते हादजअ त वणहू को के, ‘जुओ मुँ खावानु तयार करी सुको हूँ। नी पाळजअ थकण जानवर मारी सुको हूँ नी हेतुस तयार हे। विवा ने जिमण मा आवो।’
5“पण मनका वणा माते कई तयान नीं दिदो नी व आपड़े घेर जाता रेजअ कणुक ते आपड़े खेतर मा नी कणुक काम दन्दा माते। 6नी थुड़ेक मनकय राजा ने दासे हाईनी कुटजा नी मारी दड़जा। 7तणी राजाय री करीनी आपड़े सपाई मुकलजा। वणय अतया करवा वालय मारी दड़जा नी वणने नगर मा आग लगाड़ी दिदी।
8“पसे राजाय दासो हू केजू, ‘विवा ने जिमण ते तयार हे, पण जणय नोतरू मेलजू तु वा लायक नीं रेजा। 9तणी तमो गलजअ मा जो नी तमय जी कणु मले वणय विवा ने जिमण मा हादी लावो।’ 10पसे दास गलजअ मा गिया नी जी बी हाऊ नी बुरअ मनका वणय मलजअ वणय हादिनी लाजा। नी विवा ने घेर पामणअ हू पराई गियू।
11“पसे जेरे राजो पामणअ जुवा आजो, ते वणाय विय एक एवो मनक डिटो जणाय विवा ने लबरअ नीं पेरजअ त। 12राजाय वणा हू केजू, ‘हे सुरा, तु विवा ने लबरअ पेरजा वगर विवा मा केम आवी गियो?’ पण वी मनक कईस नीं बुलजो। 13#मती 8:12; 25:30; लूका 13:28तेरे पसे राजाय आपड़े सेवक हू केजू, ‘इने आत नी पोग बादिनी बान्णे अदारा मा दड़ी दियो। जिय मनका ने रोवू नी दात परूड़वू थाहीं।’
14“केमके हादजा थकण ते कईक हे, पण सुणीया थका थुड़ाक हे।”
कर परवा ने बारामा सवाल
(मरकुस 12:13–17; लूका 20:20–26)
15तेरे फरीसी मनकय जाईनी एक बिजा हू वात किदी के, ईसुई कणी तरह हू विने पोता ने केजी थकण वातअ मा फसावअ। 16तणी फरीसी मनका आपड़े सेला हेरोदिया ने सेला ने हाते ईसु कनी मुकलजा नी वणय केजू, “हे गरू, अमअ जाणअ ह के, तु हासो हे नी हासाई ने हाते परमेसवर ने वाट पाळे हे। नी कणाने परवा नीं करे हे, केमके तु मनका ने मुडू जुईनी वात नीं करे। 17तणी अमय पाळ के, तु हूं हमजे हे? केसर राजाय कर आलवू सई हे या नीं?”
18ईसुई वणने बुरी सलाकी जाणीनी केजू, “हे कपटजे, मय हय पारको हो? 19कर आलवा ने सिक्को मय पाळो।”
तेरे वा वणा कनी एक रूपा ने सिक्को लईनी आजा। 20तेरे ईसुई वणअ हू केजू, “अणा माते किने मुरती नी नाम हे?”
21वणय वणा हू केजू, “राजा केसर ने।”
तेरे ईसुई वणहू केजू, “जी केसर राजा ने हे वु केसर राजाय नी जी परमेसवर ने हे वु परमेसवर ने आलो।”
22यू हबलीनी वा कईक सकित थाजा नी ईसुई सुड़ीनी जाता रेजा।
पासू जीवतु थावा ने बारामा सवाल
(मरकुस 12:18–27; लूका 20:27–40)
23 #
परेरि 23:8
वणेस दाड़े थुड़ाक सदुकी जिया मरेला थकण मा हू पासू जीवी उटवू नीं मानता ता। वा ईसु कनी आजा नी पुसयू, 24“हे गरू, मुसा ने नियम वजूने केजू हे के, अगर कणुक वगर सुरा सुरी ने मरी जाए, ते विने पाई वणी विदवा बयीरी हू विवा करीनी आपड़े पाई ने हारू सुरअ पेदा करे। 25एवअ अमारे निय हात पाई ता, पेलके पाजे विवा किदो नी मरी गियो। केमके विने कई सुरअ नीं थाजअ, तणी विने पाजो वणी विदवा बयीरी हू विवा किदो। 26अणीस तरह हू बिजा नी तीजा पाजो बी इमुस किदू नी हात पाजो हाते बी इमुस थाजू। 27नी हेता वाहे वे बयीरी बी मरी गई। 28केमके वे हेता ने बयीरी थाई सुकी ती, एवअ तु अमय पाळ के, अणअ ने पासू जीवी उटवा वाहे वे वणअ हात पाजो मा हू किने बयीरी थाहीं?”
29ईसुई वणय उतर आलजू के, “तमो पवितर सासतर नी परमेसवर ने तागत नीं जाणो हो। अणी वजहू तमो पुल मा पड़जा थकण हो। 30केमके पासू जीवी उटवा ने बाद विवा नीं थाहीं, पण व हरग मा परमेसवर ने हरगदुत जीवअ वेहीं। 31पण मरेला थकण मा हू पासू जीवी उटवा ने बारामा हूं तमय यू वसन नीं पणजू जी परमेसवर ने तमय हू केजू के, 32‘मुँ अबराहम ने परमेसवर, इसाक ने परमेसवर नी याकूब ने परमेसवर हूँ?’ वी ते मरिलो ने नीं, पण जीवता ने परमेसवर हे।”
33जेरे मनकय यू हबलजू ते, व विने उपदेस हू कईक सकित थाई गिय।
हेतहू मुटो हुकम
(मरकुस 12:28–34; लूका 10:25–28)
34जेरे फरीसी मनकय यू हबलजू के, ईसुई आपड़े उतर हू सदुकीयो ने मुडू बन्द करी दिदू हे, ते वा हेता वगळा थाजा। 35वणमा हू एक सासतर हिकाड़वा वाला ईसुई फसावणा ने हारू वणा हू पुसयू, 36“हे गरू, मुसा ने नियम मा हेतहू मुटो हुकम कियो हे?”
37ईसुई जबाव आलजो, “तु परमेसवर आपड़े परबू हू आपड़े हेता मन, नी पुरा जीव नी आपड़े पुरी अकल ने हाते परेम राक। 38यो हेतहू पेलो नी हेतहू मुटो हुकम हे। 39नी वणास वजूने बिजो बी हे, ‘तु आपड़े पड़ोसी हू एवोस परेम कर जेवो तु आपड़े पोता हू करे हे।’ 40#लूका 10:25–28या बे हुकमुस हेता मुसा ने नियम नी परमेसवर ने हाड़े हू बुलवा वालअ ने आसरो हे।”
मसी ने बारामा सवाल
(मरकुस 12:35–37; लूका 20:41–44)
41जेरे फरीसी वगळा ता ते ईसुई वणहू पुसयू, 42“मसी ने बारामा तमो हूं हुसो हो के, वी किने सुरो हे?”
वणय वणाहू केजू, “दाऊद ने।”
43ईसुई वणहू पुसयू, “ते दाऊद परमेसवर ने पवितर आतमा हू पराईनी वणाय ‘परबू’ हय के हे? नी यू बी लकजू थकण हे के,
44“‘परबूई मारे परबू हू केजू,
मारे जमणी हाड़े बेह,
जेरे लगण मुँ तारे वेरजी तारे पोगअ बुदे नीं करी दियू।’
45पसे जेरे दाऊदे वणाय ‘परबू’ केजू, ते वी विने सुरो केम थाई हके हे?”
46उतर मा वणाहू कणु बी कई केई नीं हकजू। नी वणा दन हू फेर कणाय ईसु हू सवाल पुसवा ने हिमत नीं किदी।
Currently Selected:
मती 22: WBR
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI
CC BY-NC-ND 4.0
