मती 10

ईसु ने बारा अलगा किदा थकण सेला

(मरकुस 3:13–19; लूका 6:12–16)

1पसे ईसुई आपड़े बारा अलगा किदा थकण सेला कनी हादिनी वणय असुद बुरी आतमा माते अदिकार आलजो के, वणजी काडीनी हेती तरह ने बिमारजअ नी कमजोरी सिटी करे। 2वणअ बारा अलगा किदा थकण सेलो ने नाम य हे, पेलु नाम समोन जीयो पतरस केवाय हे, नी विने पाई अन्दरियास, नी जबदी ने सुरो याकूब, नी विने पाई यूहना, 3नी फिलिपुस, नी बरतुलमे, नी थोमा, नी कर लिवा वालो मती, नी हलपाई ने सुरो याकूब, नी तद्दे, 4नी देसपगत समोन, नी यहुदा इसकिरोती जीयो ईसुई दोके हू हवाडी बी दिदो तो।

अलगा किदा थकण सेलअ ने सेवा ने सरूआत

(मरकुस 6:7–13; लूका 9:1–6)

5ईसुई वणय बान्णे मुकलतो थकण यो हुकम आलजो के, “गेर यहुदि ने जगा मा नकी जाता वो या सामरी नगर ने कणी बी जगा मा नकी जाता वो। 6पण इज़रायेल ने वणअ मनका कनी जावान जी खुवाणअ थकण गायरा जेवा हे। 7नी वणय यू परसार करो के, ‘हरग ने राज कनी हे।’ 8बिमारय सुद करो, मरेले थकणे जीवाडो, कोढ़जी सुद करो नी बुरी आतमा ने काड़ो नी तमय फोकट मा मलजू हे ते तमो बी फोकट मा आलो। 9आपड़े बटुआ मा हुना, रूपा या ताबा ने सिक्का नकी राको। 10#1 कुरि 9:14; 1 तीमु 5:18यातरा करवा ने समय मा थेळू नकी लियो, नी जी तमय पेरजू हे वणा अलावा बिजो जब्बो, नी खाहड़अ नी लाकड़ी नकी लीवान, केमके मजूरी आपड़े कमाई माते अदिकार हे।

11“तमो जणा कणा बी गाम या नगर मा जो ते पतो करो के, विय विसवास लायक कुण मनक हे। जेरे तमो विय हू नीं निकलो तीय लगण वियस रूकाई रो। 12नी घेर मा जाता थकण को के, ‘परमेसवर तमय आसीस आले।’ 13अगर वणा घेर ने मनका विसवास ने लायक वेहीं, ते तमारे सानती बणजी रेहे, पण अगर व लायक नीं वेहीं ते तमारे सानती तमय कनी पासी आवी जाहीं। 14#परेरि 13:51अगर कणु तमारे कदर नीं करे या तमारे वात नीं हबले, ते वणा घेर या नगर हू निकलता थकण आपड़े पोग ने तुलो जाटकी दड़ो, ताकि वणअ हारू सेतावणी ठेहरे के, परमेसवर वणय सजा आले, केमके वणय विने वसन नीं हबलजू। 15#मती 11:24#लूका 10:4–12मुँ तमय हू हासु कऊँ हूँ के, न्याव ने दाड़े वणा नगर ने हालत सदोम नी अमोरा ने देस हू वदार विटवी पड़हीं।

अलगा किदा थकण सेलय ईसु ने सेतावणी

(मरकुस 13:9–13; लूका 21:12–17)

16 # लूका 10:3 “सकोर रो, मुँ तमय गायरअ वजूने हेयालजअ ने वेसमा मुकली रेजो हूँ तणी हाप वजूने सकोर रो नी कबुतर वजूने पोळा बणो। 17#मर 13:9–11; लूका 12:11,12; 21:12–15पण मनका हू सकोर रेजो, केमके व तमय केद करीनी यहुदि पंसात मा हुपी दिहीं। नी व तमय आपड़े परातना घेर मा कोड़ा वाहीं। 18तमो हाकिम नी राजाओ ने हामे ऊबा किदा जाहो, केमके तमो मारे सेला हो। ताकि तमय मोको आलजो जाहीं के, तमो यहुदि नी गेर यहुदिय मारे बारामा गवाई आलो। 19जेरे वा तमय हय ते तमो सिनता नकी करता वो के, अमअ हूं केह नी केम केवू हे। केमके तणीस वला तमय पाळी दिदू जाहीं के हूं बुलवू हे। 20हुते राको बुलवा वाला तमो नीं हो, पण तमारे परम बाप ने आतमा तमारे माय हू बुलहीं।

21 # मर 13:12; लूका 21:16 “सगा पाई बेन आपड़े पाई बेने दोके हू हवाडीनी मरावी दड़हीं, आई बाप आपड़े सुरअ हवाड़हीं नी सुरअ आपड़े आई बाप ने विरोदी थाई जाहीं नी वा वणय मरावी दड़हीं। 22#मती 24:9; मर 13:13; लूका 21:17; मती 24:13; मर 13:13मारे नाम ने वजहू मनका तमय हू वेर राकहीं, पण जी आकरी लगण टकिनी रेहीं विनेस वसाव थाहीं। 23वा जेरे तमय एक नगर मा विताड़े ते तमो बिजा मा नाहीं जावान। मुँ तमय हू हासु कऊँ हूँ के, अणा हू पेले तमो इज़रायेल देस ने हेता नगर मा फरी नीं हकहो नी मुँ मनक ने सुरो पासो आवी जाई।

24 # लूका 6:40; यूह 13:16; 15:20 “सेलो आपड़े गरू हू मुटो नीं वे नी नीते कणु दास आपड़े मालिक हू मुटो वे। 25#मती 9:34; 12:24; मर 3:22; लूका 11:15सेला गरू ने बराबर थावा मा नी दासे मालिक ने बराबर थावा मास सबर राकवी जुजे। जेरे व घेर ने मालिके बेलजाबुल कय हे ते, विने घेर वालय वदार बुरू केम नीं केहीं?

परबू हू बियो मनका हू नीं

(लूका 12:2–7)

26 # मर 4:22; लूका 8:17 “तणी तमो वणअ मनका हू बियो नकी केमके जी कई टाकजू हे, वु उगाडी दिदू जाहीं नी जी कई सानू हे वु परगट किदू जाहीं। 27मुँ जी कई अदारा मा कऊँ हूँ वणाय तमो उजाळा मा को। नी जी कई तमय कान हू हबलजू हे, वु घेर ने सत माते हू परसार करो। 28वणअ हू नकी बियो जी तमारे सरीरे नास करी हके हे, पण तमारे आतमाए नास नीं करी हके हे। बस परमेसवर हुस बियो जी सरीर नी आतमा बे नरक मा नास करी हके हे। 29हूं एक पईसा मा बे सकली नीं वेसाती? ते बी तमारे परम बाप ने मरजी वगर वणअ मा हू एक बी जमी माते नीं पड़ी हके हे। 30अणीस तरह हू तमारे मुड़का ने वाल बी गणजा थकण हे। 31तणी बियो नकी, केमके तमो कईक सकली हू बी वदारे किमती हो।

ईसु माते मनका ने विसवास

(लूका 12:8,9)

32“जी कणु मय मनका ने हामे मानी लीहीं, मुँ बी वणाय मारे हरग बाप ने हामे मानी लई। 33#2 तिमु 2:12पण जी कणु मय हेता मनका ने हामे ना केहीं, ते मुँ बी वणाय मारे हरग बाप ने हामे ना केई।

ईसु ने आवणा ने मकसद

(लूका 12:51–53; 14:26,27)

34“यू नकी हमजो के, मुँ तरती माते मेल मिलाप करावणा आजो हूँ, मुँ मेल मिलाप करावणा नीं, पण मनक मा फुट दड़वा आजो हूँ। 35मुँ यू करवा आजो हूँ के, सुराय विने बाप हू, नी सुरजी विने आई हू, नी वऊँई विने हाहु हू अलग करवा आजो हूँ। 36मनका ने वेरी विने घेर नेस मनक थाहीं।

37“जी आपड़े आई बापे मय हू वदार लाड़ करे नी जी सुरा सुरजी मय हू वदार लाड़ करे हे वी मारे लायक नीं हे। 38#मती 16:24; मर 8:34; लूका 9:23जी कणु दुक ने हाते पोता ने करूस उटाड़ीनी मारे वाहे नीं हिड़े वी मारे सेलो बणवा ने लायक नीं हे। 39#मती 16:25; मर 8:35; लूका 9:24; 17:33; यूह 12:25जी कणु आपड़े जीव वसाड़वा साहे हे, वी आपड़े जीव खुई दिहीं। नी जी मारे वजहू जीव खुई दिहीं वी आपड़े जीव वसाड़हीं।

जेवी पलाई करहो एवी पाहो

(मरकुस 9:41)

40 # लूका 10:16; यूह 13:20; मर 9:37; लूका 9:48 “जी तमारे कदर करे हे, वी मारे कदर करे हे। नी जी मारे कदर करे हे, वी मारे मुकलवा वाला ने बी कदर करे हे। 41नी जी कणु आगमवाणी करवा वाला ने कदर करे हे, केमके वी परमेसवर ने हाड़े हू बुलवा वालो हे, नी वणाय वुस परतिफल मलहीं, जी परमेसवर ने हाड़े हू बुलवा वालाय मले हे। नी जी कणु बड़ीया दरमी जाणीनी कदर करे हे, केमके वी एक बड़ीया दरमी हे, वणाय हासु वुस परतिफल मलहीं जीयू कणाक बड़ीया दरमजी मलवू जुजे। 42जी कणु अणअ नाना मा हू एक जणाय मारे सेलो जाणीनी एक लुटी टाडु पाणी पाए, मुँ तमय हू हासु कऊँ हूँ के, वी कणी रीति हू इनु परतिफल नीं खुहीं।”

Currently Selected:

मती 10: WBR

Highlight

Compare

Copy