Romans 13
13
Fainga fekau kia fakarongo ranga
1Faoa kaatoa e fetau fangatasi rei ke tautari kia fakarongo ranga, faina siei se kau fono taki e tuu i tua i te fifia o Tupua, kae a tuuranga taki oa vasia nei e faka tuu ria mai Tupua. 2Tera arei pe koai e nai fakapoua koa fakarongo ranga, e nai fakapoua pe nia ma Tupua ku faka tuu, ma pe koai e fai faka peeraa, koia e fai maso koia ke faka tautara sia. 3Maina koratou e fai fai tonu si see maattaku ki faoa fono fono, kae koratou fuarei e fai fai koa nea e pariki. Ea, ko kee e fifia ke aatea mai te mataku o te tangata ia fakarongo ranga? Tera fai pe nia e tonu, koia ka faka puu atu kia kee. 4Maina koia te seka a Tupua, koia ka fai fai laoi atu kia kee. Kae pe ko kee e fai fai koa nea e pariki, fai o mataku kiei, faina na makeke ke fakkiro e tonu maori rei. Koia te seka a Tupua e nai fai fekauakina ko te faka pariki a Tupua kia ratou e fai fai sara pariki. 5Natafito ia atamai nei, ko kee ke tautari kia fakarongo ranga, siei fuarei faina i te faka kiro ranga a Tupua, kae fokia ki faasi oa atamai.
6 #
Mat 22.21; Mak 12.17; Luk 20.25. Teinei fokia te tafito kotou e tauvi koa takisi ki nga fakarongo ranga faina koratou e seka ma Tupua, i vasia ratou e fai ko aratou fainga fekau. 7Soria kaatoa rei pe nia ma otou ke tauvi kiei: Kae kotou ke tauvi koa takisi, tauvia koa takisi; kae kia tukunga, tauvia kia tukunga, kae faka epa ma faka napa kia ratou kaatoa.
Fainga fekau ki take tangata
8Kau see fai fekau pe kiai, te fainga fekau fuarei otou ke fai ke fakapere ki roto. Pe koai e fakapere ki na foi faoa, ku tautari kia Fono. 9Koa fono, “Kau see poi vare, kau see taa tangata, kau see kaiaa, kau see fai roto,” koa nea kaatoa rei nei e taanakina ki te fono sokotasi, “Fakapere ki tou foi faoa pe ko kee e fakapere kia kee maso kee rei.” 10Pe koai e fakapere ki na foi faoa ka si see fai pariki kiei. Ke fakapere, tera, ke tautari kia Fono kaatoa.
11Kotou e fetau fangatasi ke fai teinei, faina ku kotou iroa ina teinei te vasia ke fepokai ake iei mai otou mee anga. Faina tatou faka sao ranga ku piri piri mai i vasia nei ma tatou vasia ne mataki fakatonu iei. 12Te poo ku piri ke faka oti, te ao ku piri mai. Tera tuku ke tatou tukua kese koa fainga fekau o te pouri, ma ke sau ki runga tatou aranga tau ki te maarama. 13Faka tonu maso kotatou pe te kano fenua e fare i te maarama o te ao, siei see vare, ma ke fai ko te inu o varea sapa, ma ke fai te oro vare, ma ke fai tukunga kere kere, siei ia featu anga ma ke faka makau. 14Kae sau tonu ia ki runga koa aranga tau o te Ariki Jesus Christ, ma fakaoti otou atamai sara faka taangata ke fifia maatea kiei.
Currently Selected:
Romans 13: TKP
Highlight
Copy
Compare
Share
Want to have your highlights saved across all your devices? Sign up or sign in
© 2025 Wycliffe Bible Translators, Inc.