Romans 12
12
Te ora ia fainga fekau ki Tupua
1Kae tera, taina ma ee, faina i te manava arofa sapa o Tupua kia tatou nei, tera kuou e tautaufau atu kia kotou: Sori maso kotou pea kavaaki e ora, e tapu ma e fifia kina riaina e Tupua. Teinei otou faka turoro anga maori kiei. 2Kau see tuku kotou maso kotou ki te fifia oa taangata nei, kae tuku ia kotou ki Tupua ke nai siakina otou atamai. Tera ka kotou iroa koa tukunga o Tupua, koa tukunga e laoi, ma e nai fifia kina e ttonu rei.
3Faina i te roto laoi o Tupua ne sori mai kia kuou, tera kuou ke kau munakina kia kotou kaatoa rei: Kau see maanatu maso kotou e maurunga ma kotou e fetau fangatasi ke fai. Kae tonu ia, kotou maanatu o tuku raro maso kotou tautari ki te fakataunga o te fakatonu ku soria atu e Tupua kia kotou. 4#1 Cor 12.12.Kotatou e rava koa manga oa tatou fongo tino i te tino sokotasi, kae e kese kese ko aratou fainga fekau. 5Ia riu ara sokotasi, maafa rei onia kotatou e tokarava, kotatou ko te tino e sokotasi ia faka piki anga ma Christ, ma kotatou e taanaki ki roto ia manga kese kese o te tino sokotasi. 6#1 Cor 12.4–11.Tera ko atatou sori e kese kese, e tautari ki te roto laoi o Tupua ne nai soria mai kia tatou. Kae pe kotatou ke araara faki koa taranga a Tupua, kotatou ke fai tautari kia tatou fakatonu e fai. 7Kae pe koai ke fai fekau, koia ke fai fekauaki rei; kae pe koai e fakaako, koia ke fakaako rei, 8kae pe koai e faka poto poto ki rake faoa, tera koia ke fai rei. Pe koai e vaevae ko ana kopenga ki rake taangata, koia ke fai rei ma te arofa maatea. Pe koai e fono fono, koia ke fai fekau maatea rei. Pe koai e arofa ki rake faoa, ke fai ma te mata mau rei.
9Te fakapere ke fai fakkaatoa rei. Fai koa ngangea laoi, kae seua kesea koa ngangea pariki. 10Fakapere ki roto pe nga tau faanau ia Christ, o faka epa kia kotou maso kotou ki roto. 11Faka mafi o fai fekau maatea, ka see faka kekea. Fai fekauaki ki te Ariki ma otou fatu manava katoa. 12Mata mau ia paanaki soro, faka toka maarie i otou visi visi anga, mae o rotu i nga vasia katoa. 13Fe sori aki otou kopenga ma te kano fenua o Tupua e faka arofa, ma faka afea ko te kano fenua e oomai ki otou paito.
14 #
Mat 5.44; Luk 6.28. Kaisi ki Tupua ke nai fakatapu ria koratou e ratou fai pariki tia kotou. E tonu, kaisi kiei ke nai fakatapu ria, kae siei ke tautuku. 15Vaki vaki kia ratou e vaki vaki, tatangi kia ratou e tatangi. 16Fai ko fai maanatu sokotasi kia nea katoa, kae tau raro o fai koa fainga fekau. Ka see maanatu maso ko kee pe te purotu.
17Kae pe koai ne fai sara atu kia ko kee, ka see siaki kiei ki te pariki fokia. Faka matakite o fai pe nia e tonu ia mata kaatoa rei. 18Fai koa nea kaatoa ke laoi i totou faasi, kotou ke fare ma nga taangata kaatoa i te roto mafora. 19Soavaka ma ee, kau see tauvi kae tukuna ki te teke o Tupua ke fai iei. Maina te Pepa Tapu e muna:
“Kuou ka kau tauvia ma kau siakina ki aratou sara,
muna rei Tupua.”
20Kae tonu ia, pe te Pepa Tapu e muna:
“Kae a taangata tau firi firi kotou
e fia kai, faangai ea kee,
e fia inu, faa inu ea kee,
maina ka fai ea kee faka peinei, ka purou mai koratou faka maa peka rei.”
21Kau see tuku ko te pariki ke nai taomia ko kee, kae tuku ki te laoi ke nai taomia ko te pariki.
Currently Selected:
Romans 12: TKP
Highlight
Copy
Compare
Share
Want to have your highlights saved across all your devices? Sign up or sign in
© 2025 Wycliffe Bible Translators, Inc.