Psalms 36
36
PSALM XXXVI.
The ill man can neither think, nor say, nor do aught gude: God thinks an’ does a’ gude: David may be weel content, an’ let the ill-doer dree.
Till the sang-maister; ane o’ David’s, thirlman to the Lord.
1The claivers#36:1 Heb. gaen-wrang wi’ the tongue, lowse talk. o’ the godlowse gang ben i’ my heart: thar’s nae fear o’ God afore his een.#Rom 3:18
2For he lies till himsel in his ain sight, or his mischief be kent ayont tholin.#Deut 29:19; Ps 10:3; 49:18
3The words o’ his mouthe are but nought an’ a lie; till be wyss an’ do weel, he has quat al-utterlie.
4On his bed he can think but o’ nought;#Prov 4:16; Micah 2:1 he gangs ay the gate o’ nae gude; mischief he can ne’er win by.
5 Bot thy gudeness, Lord, is i’ the lift;#Ps 57:10; 108:4 thy truth-tryst even wi’ the cluds.
6Thy rightousness like the hills fu’ heigh;#36:6 Heb. hills o’ God. thy right-rechtins are ane unco flude:#Job 11:8; Rom 11:33 Baith beast an’ body, Lord, thou hauds them heal.#Job 7:20
7What gear is i’ yer gudeness, God! Aneth the schadowe o’ yer wings,#36:7 or, sons o’ man: bot ettles a’ livin things on yirth. yird’s bairns can betak them lown.#Ruth 2:12; Ps 17:8; 91:4
8They’re drookit-daft#36:8 Heb. druken, or drookit fou, wi’ pleasur. wi’ the seep#36:8 Siclike ’s the dew. o’ thy dwallin;#Ps 65:4 ye sloken them a’, frae the burn#36:8 Siclike’s the rain. Job 20:17; Ps 16:11; Rev 22:1 o’ yer bliss.
9For wi’ thee is the wa’l-ee o’ life;#Jer 2:13 intil light o’ thine, we see light itsel.
10O rax out yer gudeness till them wha ken ye! an’ yer rightousness ay till the single in heart.
11May the cloot o’ the carl#36:11 Heb. o’ pride. ne’er gang my gate; nor the han’ o’ the ill-doer ding me by.
12Thar gaed the warkers o’ mischieff till the grun: they stacher’d,#Ps 1:5 an’ they cou’d-na stan!
Currently Selected:
Psalms 36: SCOWAD
Highlight
Share
Compare
Copy
Want to have your highlights saved across all your devices? Sign up or sign in
Published as The Psalms: frae Hebrew intil Scottis in 1871.
