Psalms 35
35
PSALM XXXV.
A sair plea wi’ the Lord again liean stouthrief rievers: the Lord maun hearken an’ uphaud David; an’ the Lord’s ay as guid as his word.
Ane o’ David’s.
1Flyte,#Ps 43:1; 119:154; Lam 3:58 Lord, wi’ them that flyte wi’ me; an’ fecht ye wi’ them, that fecht again me.
2Schild an’ boukler, tak them baith; up,#35:2 Heb. an’ up till stoop, or hain me. an’ be stoop till hain me.
3Syne out wi’ the spear, an’ kep the gate on them that wad fain win till me: say ye to my saul, O God — Heal-ha’din mylane I’se be till ye.
4Scham’t an’ throwither lat them be, that hanker sae sair for my breath;#Verse 26 Ps 40:14, 15; 70:2, 3 bak lat them gae, an’ wae lat them be, that ettle till wark my skaith.
5Like caff afore the win’ lat them be;#Job 21:18; Ps 1:4; Isaiah 29:5; Hos 13:3 an’ the Lord’s ain rinner ahin’ them:
6Mirk an’ slidd’ry the gate they gae; an’ the Lord’s erran-rinner ding them.#Ps 73:18; Jer 23:12
7For saikless for me they sheughit their girn; saikless, they howkit my life awa:
8Mischieff, or he wit, sal owre-gang him; the girn that he happit sal fang him tharin, wi’ a stoun’, sal he fa’.#Ps 7:15, 16; 57:6; 141:9; Prov 5:22
9Bot my saul sal be blythe i’ the Lord; an’ lowp for joye in his ain heal-ha’din.
10Ilk bane i’ my bouk may say, Wha ’s like yersel, O Lord; #Ps 51:8 the puir frae the#35:10 Heb. pithier nor himsel, or owre pithy for him. pithy, reddin? aye, the puir an’ forfairn, frae him that wad rive him in twa!
11Thar raise amang them threepers o’ ill; they threepit again me, I ken-na what:
12Ill for guid they niffer’d wi’ me, till#35:12 Heb. the herriment o’. herry my saul or they quat. #Ps 38:20; 109:3, 5
13Bot me! whan they pined, my cleedin was harn;#Job 30:25; Ps 69:10, 11 my breath I wastit wi’ wantin; till my bosom, my bidden cam hame.#Mat 10:13; Luke 10:6
14Like’s he war a frien’, like’s he war a brither till me; e’en sae, gaed I about: like as ane that was wae for his mither, e’en sae, I loutit an’ grat.
15Bot at my down-fa’#Ps 38:17 they war fain; an’ syne they wan a’ thegither: or#35:15 Heb. an’ I kent-na. I wat, the fusionless loons, again me, like ane did gather:#Job 30:1, 8, 12 they rave me syndry in bits; they rave, an’ they did-na whush:
16Wi’ trokers#35:16 Heb. snicherin liears. o’ lies at bousinbouts, again me their teeth they grush’t.#Ps 37:12; Lam 2:16
17O Lord, how lang can ye see siclikes?#Hab 1:13 rax my saul frae their wasterfu’ thrang; an’ mysel#35:17 Heb. a’ that’s o’ me. frae the lyoun’s tykes.#Ps 22:20#35:17 Heb. whalps.
18I maun laud yersel i’ the gran’ deray;#Ps 22:25, 31; 40:9, 10; 111:1 wi’ the bouk o’ the folk, I maun lilt till thee.
19Lat my ill-willers nane be sae crouse wi’ lies; wha hate me for nought, lat#35:19 Our Inglis taks this anither gate, Lat them nane wink wi’ the ee; as ye may fin’, Job 15:12; Prov 6:13; 10:10 them steek the ee.#Ps 69:4; 109:3; 119:161; Lam 3:52; John 15:25
20For o’nieborlie-gree they ne’er speak a word; bot lies they can flaucht thegither, again the lown folk o’ the yird.
21Their mouthe they hae raxit again me straught; an’ quo’ they, Hech! Hech! our ain ee saw ’t.#Ps 40:15; 54:7; 70:3
22Ye hae seen’t, O Lord; be-na whush, my Lord:#Ps 83:1 tarry-na far frae me.
23Wauken an’ wait, for the right that’s mine:#Ps 44:23 my God an’ my Lord, for my plea!
24I’ yer rightousness right me, O Lord, my God; lat them nane hae the gree owre me.
25Lat nane o’ them say i’ their hearts, Aha, it’s#35:25 Heb. our ain min’. e’en’s we wad hae! nor yet, We hae glaum’d him up! lat ane o’ them daur till say.#Ps 70:3
26Scham’t an’ gyte thegither gang they, my ill that like till see:#Verse 4 Ps 40:14 graithit in scham an’ scorn be they, wha set themsels heigh owre me.#Ps 109:29; 132:18
27Lat them lilt an’ be glaid, wha are fain o’ my right; an’ ay lat them say, The Lord be wight,#Ps 70:4 that lo’es lown life for his lealman.#Ps 149:4
28An’ that right o’ thine my tongue sal tell; an’ ilka day lang, sal gie laud till yersel.
Currently Selected:
Psalms 35: SCOWAD
Highlight
Share
Compare
Copy
Want to have your highlights saved across all your devices? Sign up or sign in
Published as The Psalms: frae Hebrew intil Scottis in 1871.
