Psalms 25
25
PSALM XXV.
Ane heart’s-bode o’ David’s till the Lord, in unco sair stretts: how nieborlie the Lord gangs ay wi’ a’ biddable, lown-livin folk.
Ane o’ David’s.
1Till yersel, O Lord, rax I my saul:#Ps 86:4; 143:8; Lam 3:41
2O God, my ain, I lippen yerlane;#Ps 22:5; 31:1; Isaiah 28:16; 49:23; Rom 10:11 lat me ne’er hing my head, nor my ill-willers geck owre me.#Ps 13:4
3Nor nane wha lang for yersel leuk down; lat them leuk down, wha gang on wi’ a lie.
4Yer gates, O Lord, gar me trew them weel;#Exod 33:13; Ps 5:8; 27:11; 86:11; 119; 143:8, 10 yer ain gates weise me till wa’:
5Lat me fuhre i’ yer truth, an’ weise ye me; for yerlane, O Lord, are my heal-ha’din a’: ilk lee-lang day, I leuk up#25:5 Heb. bide for. till thee.
6Hae min’ o’ yer rewth, O Lord, hae min’ o’ yer ain pitie;#Ps 103:17; 106:1; 107:1; Jer 33:11 how they hae been ay sen-syne.
7The misgates an’ owregaens o’ my youth, lat be;#Job 13:26; 20:11; Jer 3:25 bot hae min’ o’ mysel for yer pitie’s sake; for yer gudeness’ sake, O Lord, min’ me.
8Gude an’ aefauld ’s the Lord himsel; sae wrang-gangers a’ he can thole till set straught.
9He weises the biddable ay wi’ right; an’ lown-livin folk he gars ken his gate.
10A’ gates o’ the Lord are gudeness an’ truth, till wha keep his tryste an’ his biddens bide.
11For yer name’s sake,#Ps 31:3 Lord, o’erleuk my sin, for it ’s heigh an’ wonner-wide.#25:11 Heb. mony-fauld, grit. Rom 5:20
12Whatna wight is he that fears the Lord; he sal guide him the gate he likes till fen’:
13His saul sal taigle the night in guid, an’ his out-come#Ps 37:11, 22, 29 syne sal haud the lan’.#25:13 David has min’ o’ Jakob weel: leuk Gen 28:10, 15.
14The Lord’s ain thought ’s wi’ wha fear him;#Prov 3:32; John 7:17; 15:15 an’ that tryste o’ his he sal gar them ken.
15My een, they ’re ay on the Lord; for himlane redds my feet frae the net.
16Leuk atowre till me, Lord, an’ rew on me; for lanely an’ feckless am I:
17The stretts o’ my heart are doubl’d an’ mair; redd me out whar I canna win by.#25:17 Heb. frae my strett places.
18Leuk weel till my dule an’ my dree; an’ a’ my wrang-gangins leuk owre:
19Leuk weel till my faes, for fu’ mony they be; an’ they like me as ill as they daur.
20O waird ye my saul, an’ wear me by; lat me ne’er hing my head, for I lippen till thee.
21Lat the right an’ the straught haud me heal an’ fere; for I leuk till yersel late an’ ere.#25:21 Heb. wait ay on yersel.
22Redd Israel hame again, God, frae a’ his cumber sair.
Currently Selected:
Psalms 25: SCOWAD
Highlight
Share
Compare
Copy
Want to have your highlights saved across all your devices? Sign up or sign in
Published as The Psalms: frae Hebrew intil Scottis in 1871.
