Psalms 24
24
PSALM XXIV.
The Lord himlane is Laird o’ us a’; whan He comes hame, the heighest an’ the widest yetts maun open.
Ane heigh-lilt o’ David’s. #A. C. 1017.
1The yirth#Exod 9:29; 19:5; Deut 10:14; Job 41:11; Ps 50:12; 1 Cor 10:26, 28 is the Lord’s, an’ her out-come a’; the warld, an’ whasae bide tharon:
2For himlane grundit it amang the fludes;#Job 38:6; Ps 104:5; 136:6; 2 Peter 3:5 fu’ sikker he set it amang the watirs.
3Wha sal win up till the height o’ the Lord? #Ps 15:1 an’ wha intil his halie stedd sal hae fast abydan?
4Whase han’s unwyttan are, whase heart unfleckit is;#Isaiah 33:15, 16 wha ne’er hecht his saul until ydilheid, nor sworn hath bakspanganlie.
5Blythe-bidden ay sal he hae, frae the loof#24:5 Heb. frae aff. o’ the Lord; an’ right-rechtin frae the God o’ his heal-ha’din.
6Siclike are they a’, wha leuk for himsel; wha spier for thy face, O Jakob:#Ps 27:8 Selah.
7Heigh wi’ yer heads, O ye yetts;#Isaiah 26:2 ye warld-wide thro’-letts, heize! that the King o’ Gudeliheid may win ben.#Ps 97:6; Hag 2:7; 1 Cor 2:8
8 Bot wha o’ Gudeliheid is King? The Lord himlane, stark an’ mighty; the Lord intil tuilzie strang!
9Heigh wi’ yer heads, O ye yetts; ye warld-wide thro’-letts, heize! that the King o’ Gudeliheid may win ben.
10 Bot wha o’ Gudeliheid is this same King? The Lord o’ mony-might is he; himlane is that King right namelie! Selah.
Currently Selected:
Psalms 24: SCOWAD
Highlight
Share
Compare
Copy
Want to have your highlights saved across all your devices? Sign up or sign in
Published as The Psalms: frae Hebrew intil Scottis in 1871.
