Psalms 26
26
PSALM XXVI.
Honest folk can thole till be weel spier’d, an’ clean han’s are braw at God’s ain yetts: David ettles baith; like a wean at the fit, he hauds weel by the Lord, an’ will niebor nane wi’ the godlowse.
Ane o’ David’s.
1Right-recht me,#Ps 7:8 Lord, for I gang mylane;#26:1 Heb. i’ my ain singleness, or aefauldness, like a wean takin the fit. bot I lippen the Lord, an’ suld stacher nane.
2Soun’#Ps 7:9; 17:3; 66:10; 139:23; Zech 13:9 me, O Lord, an’ try me weel; my lisk an’ my heart, leuk thro’:
3For yer gudeness is right i’ my een; an’ I gang ay the gate ye trew.#26:3 Heb. gate o’ yer truth.
4Wi’#Ps 1:1; Jer 15:17 liean loons I taigle nane; nor the gate o’ the gley’d can gang:
5The kirk#26:5 Heb. gath’ran. o’ ill-doers I like fu’ ill; for I lout-na wi’ warkers o’ wrang.#Ps 1:1
6My loofs#Exod 30:19, 20; Ps 73:13 I maun sine in saiklessness, Lord; syne roun by yer altar ca’:
7Till tell wi’ the sugh o’ a psalm, an’ lat wit o’ yer wonner-warks a’.
8The biel’#Ps 27:4 o’ yer biggin, O Lord, as I lo’e! an’ the neuk whar yer gudeliheid taigles!
9Yoke-na my saul wi’ doers o’ wrang;#1 Sam 25:29; Ps 28:3 nor my life wi’ loons o’ bluid:
10Wha gowp mischieff wi’ their han’s, an’ their right han’ is pang’d wi’ nae guid.#26:10 Heb. ill-gear, ill-come gear.
11Bot in saiklessness ay lat me fuhre mylane;#Ver. 1 redd me hame, an’ be gude till me, God
12My fit#Ps 40:2 stans stieve on the straught: i’ the kirks, I’se blythebid the Lord.
Currently Selected:
Psalms 26: SCOWAD
Highlight
Share
Compare
Copy
Want to have your highlights saved across all your devices? Sign up or sign in
Published as The Psalms: frae Hebrew intil Scottis in 1871.
