१ थेसलोनिकिर पुथी ही चिन्हा परछा
पुथी ही चिन्हा परछा
थेसलोनिका माकेडोनिया प्रदेस ही राजधानी रहचा। पावलस फिलिप्पी सहर ती केरस की ई थेसलोनिका सहर नू दवसमाचारन तिंगियस, अउर कलिसिया ओरे नन्जका रहचस (“मुध चेलर ही नलख गुट्ठी” ब'अना पुथी ता १७:१-९ नू एःरा)। लेकिन असन लघलेम यहुदिर पावलस ही बिड़दो नन्जर। आर यहुदी धरम मन'ऊ नन-यहुदिर पावलस ती मेन्ताचका ख्रिस्तियन दवसमाचारन इन्जरकन एःरा पोल्ला लगियर। एन्ने बिड़दो नन्जका करने पावलस गे थेसलोनिकन अम्बा की बेरिया नू काला पड़ारा। ख़ोख़ा नू आस कोरिन्थ नू अड़सियस ख़ने आस गनेम नलख ननू तिमोथिस ती थेसलोनिका ता कलिसिया ही पत्त नू खबर ख़क्खियस।
इद पहला चिठी पावलस थेसलोनिका ता ख्रिस्तियनर गे डिढ़ अउर भरोसा चि'आ गे टुड़का रहचस। इय्या नू आस आर ही पत्त'अना अउर चोन्हा ही पत्त नू ख़क्खका खबर ही खतरी धन्नेबाद चि'अदस। आस आर गने रहचस ख़ने एकन्ने खल्ल ही जिन्गी उज्जका रहचस, अदिही सुरता नन्तार'ई अउर अदिही ख़ोख़ा आस कलिसिया नू ख्रिस्तस फेर बर'ओस ब'अना ही पत्त नू चोचका एन्ने प्रस्न गुट्ठी ही जवाब चि'अदस: एन्दरा ख्रिस्तस बरना ती अगू खे'ऊ पत्त'उर आस ही बरना नू मुन्जा मलका जिन्गी ख़क्खना ही हकदार कमर'आ ओंगोर? ख्रिस्तस फेर इकला बर'ओस? ई मोका नुम पावलस आरिन ख्रिस्तस ही बरनन आसे इरनुम कलेमचे र'आ की निम्हय नलखन हूँ नना लक्का र'आ नेक'आ ब'आ की पेसदस।
पत्त इद'ऊ तरपाँती
चिन्हा परछा१:१
धन्नेबाद अउर बड़ा'ई१:२—३:१३
ख्रिस्तियन चाल-चलन ही खतरी उपदेस ४:१-१२
ख्रिस्तस ही बरना ही पत्त नू उपदेस ४:१३—५:११
फेच्चा उपदेस ५:१२-२२
फेच्चा मोन्जरा ५:२३-२८
Currently Selected:
१ थेसलोनिकिर पुथी ही चिन्हा परछा: KRUX
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.