१ थेसलोनिकिर 1
1
1एन पावल, सिलासस#१:१ सिलास: सिलासस ही दोसरा नामे सिलुवानोस हिके। अउर तिमोथिस तरती, धर्मे बबस अउर उर्बा येसू ख्रिस्तस नू मन्जका थेसलोनिकिर ही कलिसिया गे,
अनुग्रह अउर सान्ती।#मुध चेलर १७:१
थेसलोनिकिर ही पत्त'अना अउर उदाहरन
2एम गोहरार'ओ बिरी निमरिन सम्झारते रअदम अउर निम्हय होरमर ही खतरी धर्मेसिन एम सगरो धन्नेबाद चि'इदम। 3नम्हय धर्मे बबस ही अगू नू नम्हय उर्बा येसू ख्रिस्तस नू निम्हय पत्त'अना ही नलख, चोन्हा ती नन्ना नलख अउर असरा ती बड़ियर मना नेक'आ ब'आ की गोहरारना नू सम्झारते र'अदम। 4धर्मेस चोन्हा नन्जका भ'इय्योर अउर बहिनरो, निमरिन आस चज्जकन एम अख़दम, 5एन्देरगेका एम मेन्ताचका दवसमाचारन कत्था नू लेका मला रहचा लेकिन सवंग नू, नेम्हा बोलतस नू अउर एकदम पुरा मानी कत्था रहचा। निम्हय मझी नू रहचकम ख़ने एम एकन्ने खल्ल ही जिन्गी उज्जकम, अदिन निम अख़दर। 6निम एम्हय अउर उर्बस ही देखासिखी नन्जकर एन्देरगेका नेम्हा बोलतस चिच्चका रिझरना ती निम बग्गे खिलपत नू हूँ बचन इन्जरकर।#मुध चेलर १७:५-९ 7इय्या गुटी का माकेडोनिया अउर अखैया प्रदेस नू पत्त'उर ही मझी नू निम उदाहरन मन्जकर। 8एन्देरगेका निम्हय ती उर्बस ही बचन माकेडोनिया अउर अखैया प्रदेस नू लेका मला तेंगतारा लेकिन धर्मेस म'इयाँ ता निम्हय पत्त'अना हुरमी अड्डा नू बिड़रकी र'ई। औंगे ई पत्त नू एमा गे और एन्दरा हूँ ब'अना चाड़ मल्ला। 9एन्देरगेका एकसे की एम्हय स्वागत निम्हय गुसन मन्जा अउर उज्जना अउर मानी धर्मेस ही सेवा नना गे निम मुरुत पुजा गुट्ठी ती धर्मेस तरा किर्रकर, ई कत्थन तो अबड़ा आलरुम तेंगनर। 10अउर मेर्ख़ा ती बर'ऊ धर्मेस ही तंग्दस नेकन आस केच्चका ती उज्जताचस, आस ही दुम असरा निम नन्दर, इदिही मने येसुस ने बर'आ लक्का धर्मेस ही कयर ती नमन बछाब'ओस।
Currently Selected:
१ थेसलोनिकिर 1: KRUX
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
