Iromayon 14

1 # Kol 2:16; Rom 15:1; 1 Kor 8:9. Kisukunyut yenekalanyana kaiyuun, kwabo mere atubokin abuonokinike. 2#Age 1:29; 9:3. Ituŋanan yeniyuunit enyami kere, konye yenekalanyana enyami ikui. 3#Kol 2:16. Kinyek yenenyami aimen yenimam enyami, karaida yenimam enyami siriketuboki yenenyami; naarai isukunyikinit Edeke ŋes, 4#Mat 7:1; Yak 4:11,12. Iŋai bo jo yenitubokini ebulesit loka yenice? Ebwoi ŋesi arai ibirori kama kejakaitike elopet. Eebo, isibwoio naarai epedori Ejakait aisibwo ŋes.

5 # Gal 4:10. Eomit ice apaaran adiopet adepar apaaran ace, eomit ice apaarasia kere araut nueriakanara. Kitogogoŋite ŋinituŋanan kaomisioke ilopet. 6Yenericit apaaran, ericit kanuka Ejakait. Yenenyami da, enyami kanuka Ejakait, naarai imalai Edeke. Yenimam enyami da, mam enyami kanuka Ejakait, imalai da Edeke. 7Naarai emamei ituŋanan kotomawok yenejari kanuke bon, emamei da yenetwani kanuke bon. 8#Gal 2:20; 1 Ses 5:10; Luk 20:38. Aso arai kijari, kijari kanuka Ejakait, arai kitwaki da, kitwaki kanuka Ejakait. Aso arai kiiari, arai kitwaki da, kirai luka Ejakait. 9Naarai abu Kristo kotwana kojaru da tetere eraun Ejakait loka lukatwak ka lukajarak da.

10 # 2 Kor 5:10; Asw 17:31; Mat 25:31,32. Konye jo, kanukinyo itubokinia onacekon? Ijo da, kanukinyo imenitor onacekon? Naarai kibwoi rwaru kere kakonyen nuka eicoloŋ loka aitub loka Edeke, 11#Isa 45:23; 49:18; Pil 2:10,11. Naarai iwadikatai ebe,

“Ebala Ejakait ebe, Kwape ajaria, ekukokini ŋinikuŋ mamakaŋ, Elimori da ŋiniŋajep Edeke.”

12 # Gal 6:5. Aso do inera ŋinituŋanan kaoni akekiro ilopet kakonyen nuka Edeke.

13Kanuka ŋun kenyeis bobo atubonokin bonik ka bonik, konye aitelekarit kitogogoŋoto na ebe sirikibwaikis ekomio karaida aitiguikinet orot loka onacekon 14#Mat 15:11; Asw 10:15; Tit 1:15. Ajeni eoŋ bobo da etogogoŋit noi kotoma Ejakait Yesu ebe emamei ibore yeniketal kotoma oinonoke. Konye ŋin yeneomit ibore araut yeniketal, erai yeniketal kamakeŋ. 15#1 Kor 8:11-13. Naarai arai ekadakinit onacekon kanuka inyamatakon, mam bobo ilosi kwape ejaar amin. Sirikimudia yenabu Kristo kotwanik kanuka inyamatakon. 16#Tit 2:5. Aso kinyek yenejok kamakus ainyanakinio. 17#Luk 17:20. Naarai ajakanut naka Edeke mere ainyam ka aimat, dimarai adolit ka ainapakin ka aiyalama da kOmoyo Lokalaunan; 18naarai ŋin yenijaanakini Kristo kotoma akiro kaŋun, isiyalamikinit Edeke, ecamunito da ituŋa. 19#Rom 12:18; 15:2. Aso do katupasi akiro nuka ainapakin ka nuka adukonor bonik ka bonik. 20Sirikimuna aswam naka Edeke kanuka inyamat. Abeit elaete kere, dimarai erono ituŋanan yenenyami kitiguikinia ice; 21#1 Kor 8:13. ejok ainyein ainyam karaida aimat ebino, karaida aswam akirot kere naitiguikini onacekon, 22Aiyuun naijaatar, kojaut kaŋin ijo elopet kakonyen nuka Edeke. Isirereŋitoi ŋin yenimam etubokin ilopet kotoma akirot naceamunit. 23#Tit 1:15. Konye yenebuonokin arai enyami etubokinio aitelekar, naarai mam enyamit kaiyuun; naarai ŋiniswamisioit namam elomuni kaiyuun erai adiakar,

Currently Selected:

Iromayon 14: AOV1961

Highlight

Compare

Copy