Iromayon 13

1 # Tit 3:1; Yok 19:11; Awa 8:15. Kononokikinite ŋinituŋanan ikapolok lueyaito, naarai emamei apolou dimarai naebuni kama ejai Edeke, ka ŋin da naejai icorakinit Edeke. 2Kanuka ŋun yenitepegi apolou etepeg aicorakinet naka Edeke, ido luitepegete itudumikinos etube, 3#1 Pet 2:13,14; 3:13. Naarai ikayaitok mere luitukurianete kotoma aswamisioit naejok, dimarai kotoma naerono. Ikoto kereka ijo kinyek akurian apolou? Kiswama do nuejok, kituri ŋesi joo 4#Sab 82:6; Rom 12:19. Naarai erai ŋesi ekejaanakinan loka Edeke kamakon kanuka ajokis, Konye arai kiswama naerono, kokuriana, naarai mam edakit ekileŋ atai; erai ŋesi ekejaanakinan loka Edeke, loinyaŋi kanyunyura yeniswamai nueroko. 5Kanuka ŋun ibusakinit anonokikin, mere kanuka anyunyura bon, dimarai kanuka aomisio nuilepilepete. 6#Mat 22:21; Mk 12:17; Luk 20:25. Naarai kanuka ŋun itacete da esolo, naarai eraas kesi ikejaanakinak luka Edeke, icebokinito ŋipeŋin. 7#Mat 22:21. Kotacanakisi kere nuebeito, loitelemi esolo loka ituŋa, esolo loka ituŋa; loitelemi esolo da loka iboro, esolo loka iboro; kotacanakisi ayoŋit luebeito ayoŋit, aibuses da mama ejaas lukaibuses.

8 # Gal 5:14; 1 Tim 1:5. Sirijaas kapesen mama ejai ituŋanan kere, dimikito aminanara; naarai yenemina aupake etodol ikisila. 9#Any 20:13-15,17; Ikis 5:17-19,21; Leb 19:18. Naarai na ebe, “Siridote, Siriari, Sirikokoi, Siriŋobelei,” ka aceicorakinet kere, imorikikinitai toma akirot na ebe, “Komina ikoniidunyet kwape iminar bon.” 10#1 Kor 13:4; Mat 22:40. Amin mam ikonakini iidunyet erono; kwaŋin amin ŋes aitodolikinet naka ikisila.

11 # Pes 5:14; 1 Ses 5:6,7. Ka ŋun da, ijenete apak, ebe adol esawa yes akwenyun kajoo. Naarai kwana eapie aitajariowok aitelekarit nakigeunia aiyuun; 12#1 Yok 2:8; Pes 5:11; 2 Tim 1:10. aeka akuar, eapie da apaaran. Aso kalacasi aswamisio nuka amuton, kanapa lujiis luka aica, 13#Luk 21:34; Pes 5:18. Kalosenenete kebusak kwape paaran, mere kotoma aboliasio ka emeret, mere kotoma adoteu ka abenyanut, mere kotoma aŋolopa ka ekokote, 14#Gal 3:27. konye konapa Ejakait Yesu Kristo, kwabo siribuakinito akuan aitodol nuimiela.

Currently Selected:

Iromayon 13: AOV1961

Highlight

Compare

Copy