Iromayon 12

1 # Rom 6:11,13; 1 Pet 2:5; Yok 4:24. Kanuka ŋun, iinacan, keŋaiŋait yes, kanuka aitimeta nuka Edeke, kijaikis akusiwat koraut asubanit naejari, nakalaunan, naisiyalamikinit Edeke, ŋes erai aimakus naibus. 2#Pes 4:23; 5:10,17; Rom 1:28; Gal 1:4. Kwabo sirikiputo nuka ikar kalu, konye kanuka aisiteteunio naka aomisiokus kijulakinos, tetere igimorete nuekoto Edeke, nuejok, ka nuisiyalamikinito, ka nuedolito da.

3 # 1 Kor 12:11; Pes 4:7. Naarai kanuka asianut nakainakinitai alimokini ŋinituŋanan kayesi ebe siriwomiara adepar naibusakinit aomit, konye koomito kacoit, kwape ekorakinitor Edeke aitemis naka aiyuun. 4#1 Kor 12:12. Naarai kwape kijaar katutubeta nuipu toma akuan adiopet, kwabo mam atutubeta kere iswamaete aswam adiopet, 5#1 Kor 12:27; Pes 4:25. kwape kwaŋin oni da lukipu, kirai akuan adiopet kotoma Kristo, ka atutubeta da nuka lucewok bonik ka bonik. 6#1 Kor 12:4-11. Aso naarai kija kainakineta nuegelegela kwape ejaar asianut nakiinakinitai, ketwasamata kes; arai adwaranut, kwape ejaar aiyuuniwok; 7#1 Pet 4:10,11. arai aijaanakin, kotoma aijaanakiniwok; yenisisianakini, kotoma aisisianakinike; 8#Mat 6:3; 2 Kor 8:2; 9:7. yenicori, kotoma aicoroke; yenekori, kotau loliogot; yeniŋarakini, kadunyanut; yenitimi da, kaiyalama.

9 # 1 Pet 1:22; 1 Tim 1:5; Amo 5:15. Korau amina naemamei aisoswanut. Kolaata aronis, kiketakinos kotoma kanuejok. 10#2 Pet 1:7; Pil 2:3. Kotoma amin naka einacane, kominanaros bonik ka bonik; kotoma aibuses kitopoloorite ŋinituŋanan aupake. 11#Apu 3:15; Asw 18:25. Kotoma adunyanut sirikalanyaka, kokokito komoyo, kijaanakis Ejakait. 12#1 Ses 5:17. Kolelakinito amun kotitiŋioto koean, kicebokinito ailip. 13#Bur 13:2. Kokoranakisi lukalaunak nuipudasi, kisukunyanakisi ipejok.

14 # Mat 5:44; Luk 6:28; Asw 7:59; 1 Kor 4:12. Kilipanakisi arereŋ lukimanito yes; kilipanakisi arereŋ kwabo sirikilamata. 15#Sab 35:13. Kolelata kaluelelete, komonyata kaluemonyete. 16#Awa 3:7; Rom 15:5; 11:20. Koomito adiopekirot bonik ka bonik. Siridakara, konye koupanaros kaluitasonos. Siriraas lukacoa kakonyenekus ikulepek. 17#Isa 5:21; 1 Ses 5:15. Siritacakis aronis kanuka aronis, kocoito nuejok kakonyen nuka ituŋa kere. 18#Mk 9:50; Bur 12:14. Arai epedoros kowaikus, kinapakina kituŋa kere. 19#Ikis 32:35; Leb 19:18; Mat 5:39; 2 Ses 1:6,7; Rom 13:4; Bur 10:30. Luminan, sirinyaŋanakinos, konye kinac anyunyura; naarai iwadikatai ebe, “Ebala Ejakait ebe, Enyaŋit ekaŋ, eoŋ atacakini.” 20#Awa 25:21-22; Mat 5:44. Konye “arai eriebi lokasurupikon eteŋei, kitanyam, arai ejakit akur, kitamat ŋes; naarai naiswamaa kwaŋin inokokini atotole akouke.” 21Sirikiipiko aronis, konye kipiko aronis kanuka ajokis.

Currently Selected:

Iromayon 12: AOV1961

Highlight

Compare

Copy