Iromayon 11
11
1 #
Pil 3:5; Sab 94:14; 1 Sam 12:22; Yer 31:37. Aso abala ebe, Aŋer kereka Edeke iketuŋa? Madi akuj! Naarai arai eoŋ da loka Isirael, loka aur naka Aburaam, loka ateker naka Benyamin. 2#1 Ika 19:10,14. Mam Edeke enerit iketuŋa luabu kogeu ajenun, Mam kereka ijenete nuineras nuiwadikatai kanuka Eliya, kwape iwosaa luka Isirael kakonyen nuka Edeke? 3#1 Ika 19:10,14. Ebe, “Ejakait, aarata inabinokon, atiyanakis da itemwanakon, eoŋ bon asal, ido emoete akaijar.” 4#1 Ika 19:18. Konye aboŋokinet naka Edeke ebala biai? Ebe, “Etasalit kanukaŋ ikiliok ilukumin ikanykaarei, lumam ekukokinos Baal.” 5#Rom 9:27. Aso kwape kwaŋin apak na, naka kwana, ejai aatoŋot naeseunitai kanuka asianut. 6#Gal 3:18. Konye arai erai kanuka asianut, mam bobo elomuni kanuka aswamisio; arai timam asianut eroko erai asianut.
7 #
Rom 9:31. Biai bo do? Ibore ŋin yenikemoot Isirael, mam edumuna. Luseuna apotu kodumut, konye ice kere aponi kitininikai, 8#Ikis 29:4; Isa 29:10. kwape iwadikatere ebe,
“Abu Edeke koinak kes emoyo loka ajo,
Akonye numam eanyunete,
Aki da numam iirarete,
Kiton apaaran naka lolo.”
9 #
Sab 69:22-23; 35:8. Ebala Daudi da ebe,
“Korau emesakec eic ka akuluma,
Ka ibore yenikitiguikinet, ka yenikitegelet kes,
10Kitumudakai akonyekec, tetere mam esesenete,
Kitukukum ipuranakec apaarasia kere.”
11 #
Ikis 32:21; Asw 13:46; Rom 10:19. Aso abala ebe, eguikis kereka kiton aibiror cut? Madi akuj! Konye kanuka aibucarikec adolok aitajario Imo, tetere isurumio luka Isirael ekokote. 12Aso arai eraun aibucarikec abar naka akwapin, atwaniarikec da araun abar naka Imo, itelekarit cama aitodolikiniokec!
13Konye enera kayes Imo. Aso naarai arai eoŋ ekiyakia loka imo, etopoloori aijaanakinika, 14#1 Tim 4:16. tetere esurumi lukatekerika ekokote, ka aitajar da ice kakesi. 15Naarai arai acakariokec ayau aipuc naka akwapin, anyoin aisukunyuniokec dimarai aijar anyoun kokatwak? 16#Mar 15:17-21. Arai araito nageet erai nakalaunan, kwape kwaŋin aluŋuret da; arai da aliasit erai nakalaunan, kwape kwaŋin atenieik da.
17 #
Pes 2:11-19. Konye arai epakanaritai ace katenieik, ijo da, eseitun loka ais kiraikinitai kidiŋikec, korau ikamoran yenika ajokis naka aliasit, 18#Yok 4:22. sirikiwolobob katenieik kaŋun. Arai kiwolobob, mere jo idakit aliasit dimarai aliasit kidakit jo: 19Aso itemari atiar, “Kepakario atenieik ŋun tetere keraikinio eoŋ.” 20#Rom 12:16. Abeit ŋun. Epakanaritai kes kanuka amamus aiyuunikec, ido da icasi kanuka aiyuunikon. Sirikiturokin, konye koyoŋ. 21Naarai arai mam Edeke itimit atenieik akulepek, mam kitimi jo da. 22#Yok 15:2,4; Bur 3:14. Aso koany ajokis ka adedeŋ naka Edeke; adedeŋ mama ejaas luibiroros, konye aiokis naka Edeke mamakon, arai kisalak ajokis ŋin; arai mere kwaŋin jo da kijepario. 23#2 Kor 3:16. Ka ŋul da, arai mam esalito toma amamus aiyuun, iraikinio, naarai epedori Edeke airaikin kes bobo. 24Naarai arai kijepunitai jo katorom naka eseitun loka ais, kiraikinitai oseitun lokoriot lomam erai einono, itelekarito cama atenieik akulepek airaikinio ainyakakin oseitunikec.
25 #
Luk 21:24; Yok 10:16; Rom 12:16. Naarai iinacan, akoto yes ajenun aiyeiyea na kinyeis aomit bonik araut lukacoa; ebe, aninikiar atutubet naka Isirael aitodol naelomunia etiai kere loka Imo, 26#Isa 59:20; 27:9; Mat 23:39; Sab 14:7. kwaŋin itaiario luka Isirael kere; kwape iwadikatere ebe,
“Ebuni Ekalakunan koSion,
Isiyekari amamus ayoŋit Edeke kotoma Yakob”;
27 #
Yer 31:33-34; Isa 27:9. “Na da ŋes akaitutuket kakes,
Naalemaria adiakanaretakec.”
28Aso kotoma Akiro Nukajokak araut lukasurup luka Edeke kanukus; konye kotoma aseunio araut lueminai kanuka lukapapaakec. 29Naarai mam Edeke iitokini ainakinetake ka anyariteke da. 30Naarai kwape kolo kipaliikinioto yesi Edeke, konye kwana idumut aitimio kanuka aipaliikinikec, 31kwape kwaŋin epaliikinioto kesi kwape kwana tetere edumunete aitimio kanuka aitim naipotu yesi kodumut. 32#Gal 3:22; 1 Tim 2:4. Naarai agoloki Edeke kere nepepe toma aipaliikin, tetere itimi kere.
33 #
Isa 55:8; 45:15; Rom 9:23; 10:12. Eiliili cama abar ka acoa ka aijen naka Edeke Mam ireikinos itubesiake, irotinike da mam ibwapunos!
34 #
Isa 40:13; Yob 15:8; Yer 23:18; 1 Kor 2:16. “Naarai iŋai tope ejeni aomisio nuka Ejakait,
Arai iŋai bo kerai ekapetan akiroke?”
35 #
Yob 41:11. “Arai iŋai bo keinakinit ber ŋes ainakinet,
Etacakinio ŋes bobo?”
36 #
1 Kor 8:6. Naarai epote iboro kere kamakeŋ, ejaas da kanukeŋ, ido eboŋorete mamakeŋ. Kojai aibuses mamakeŋ ikar kere. Amen.
Currently Selected:
Iromayon 11: AOV1961
Highlight
Share
Compare
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
