Yosua 8

1 # Ikis 1:21; 7:18; 31:8; Yos 1:9; 2:11; 6:2; Sab 44:3. Kotema EJAKAIT Yosua atiar, “Sirikikurianar karaida aiyaloŋoŋ: koyana ituŋa kere lukajiok nepepe kajo, konyou, kolot Ai: koany, ainak ekabaka loka Ai ka ituŋake, ka ereke ka akwapuke akanikon: 2#Yos 6:21; Ikis 20:14. Iswamakini Ai ka ekabakake kwape iswamakinia Yeriko ka ekabakake: konye iyanaarete lunatanake, ka ibareneke kanukus: kibwaik icetuŋa agule naka ere aperun kes.”

3Konyou Yosua, ka ituŋa kere lukajiok alosit Ai: koseu Yosua ituŋa ilukumin akaisauni, ituŋa lukirigin luetitin, kijuka kes kuare. 4#Tub 20:29; 2 Siit 13:13. Kicorak kes ebe, “Koany, ilosete yesi aperun ere, kagule naka ere: sirikilwakiata kore, konye kitemokino kere: 5#Tub 20:32. Ekunyakini eoŋ ere ka iruna kere Iuejaas keoŋ: kosodi kanen, naelomuniata kesi asurokin, kwape koloje, kikeri isio kakonyenekec; 6Kitupete kesi sio, aitodol nekinalaaria isio kes kina naka ere; naarai etemarete ebe, ‘Ekerete kakonyenewok, kwape koloje’; kwaŋin kikeri kakonyenekec: 7Inyounete yesi kaneiperunioto irumete ere: naarai kiiaikini EJAKAIT Ekusideke ŋes akanikus, 8#Yos 1:16; 2 Sam 13:28. Kosodi do, kidaut airum ere, kicweikis ere kakim; kwape eiaar akirot naka EJAKAIT, iswamaete kwaŋin: koany, keeorak yes.” 9Kijuka Yosua kes: koloto aperun, kiboioto kokidin Bet-el ka Ai, ari nakoto naka Ai: konye kopero Yosua akuare ŋin kituna,

10 # Age 22:3; Yos 3:1; 6:12; 7:16; Sab 101:8; 119:60; Lim 9:10; Yer 21:12. Kodilok Yosua anyoun tupuruc, kotukok ituŋa, kolot Ai, ŋes ka imakio luka Isirael kakonyen nuka ituŋa. 11Kolototo ituŋa kere, kes iruna lukajiok luajaas kaŋes, kikunyakis, kodoloto kinaren naka ere, kidukuroto ari naka agolitomei naka Ai: kojai da aditot kidinike ka Ai. 12#Age 12:8; 28:19; Tub 1:22. Koyana ituŋa kwape ilukumin ikany, kibwaik kes kidin Bet-el ka Ai aperun kari nakoto naka ere. 13Kitemonokisi kwaŋin ituŋa, ajore kere naaiai ari naka agolitomei ka lueperunete luajaas ari nakoto naka ere: kolot Yosua akuare nin kidin aditot. 14#Tub 20:34; Lim 9:12; Mat 24:39,50; 1 Ses 5:1-3; 2 Pet 2:3. Kosodi kanen keanyu eka baka loka Ai, kisunyakis, konyout tupuruc, kolomasi ituŋa luka ere aitiji Isirael, ŋes ka ituŋake kere, kapak naaseunitai, koinaren naka Araba; konye mam ŋes ajeni ebe aperunitoi ŋes kagule naka ere. 15#Tub 20:36; Yos 15:61; 16:1; 18:12. Kijoseikis Yosua ka Isirael kere bala ipikoritai kes, kokerata orot loebei modin. 16#Any 14:3,4; Sab 9:16; Tub 20:31. Konyaraunai ituŋa kere luajaas ore arukio kes: korukioto Yosua, kinalaarai do kes kore. 17Komameun etuŋanan loasalit Ai arai Bet-el, lomam abu kotupak Isirael: kinyeis ere eŋaara, korukioto Isirael. 18#Ikis 7:23,24; 9:3; Yos 1:5; Yer 49:3. Kotema EJAKAIT Yosua atiar, “Kikeu akwarakon naejai akanikon kodod Ai; naarai ainakini ŋes akanikon.” Kikeu Yosua akwara naajai akanike adodia ere. 19Konyout luaperunito atipet kaiboisikec, kokerata napikeuni ŋesi akekan, kolomasi ore, kirumata ŋes; kisunyakisi aicweikin ere. 20Kenoliasi ituŋa luka Ai kaukec, apotu koanyut, ido koany, apurie apuru naka ere kiton akui, komam kes epedorete akerit lailo ka laije; kobonut ituŋa luakerete amodiŋ asurokin ikarukitok. 21Keanyu Yosua ka Isirael kere ebe erumata luaperunito ere, ebe da epurie apuru naka ere kuju, kobonut bobo, koarata ituŋa luka Ai. 22#Leb 27:29; Ikis 7:2; Yob 20:5; Luk 17:26-30; 1 Ses 5:3. Kopotu luce kore asurokin kes; koluk do Isirael kes, ice owai lo ice da owai je: kodanyata kes, komam ideunete idio kakesi karaida aitukuu. 23Kikamut ekabaka loka Ai ejari, koyanautŋes neaiai Yosua. 24Kosodi kanen kedau Isirael aiar kere lueboienenete koAi koitela, kamodiŋ da naarukorito kes, abu akwanis naka ekileŋ koar kes kere, aitodol neamudiarere, kobono Isirael kere Ai, kodany kakwanis naka ekileŋ. 25Kere luapotu kotwaka apaaran nin, ikiliok ka aŋor, emwaasi ilukumin itomon ka luarei, kes ituŋa kere luka Ai. 26Naarai mam Yosua abu kinyakak akekan naekeunia akekwara, aitodol naamudiaria eut kere lueboienenete koAi. 27#Mar 31:22,26; Mat 20:15. Konye ibaren ka lunatuna kore kanol apotu luka Isirael koyanaasi araun inatanakec, kwape ajaar akirot naka EJAKAIT naeeorakinit Yosua. 28#Ikis 13:16; 2 Ika 19:25; Isa 17:1; 25:2; Yer 9:11; 49:2. Kwaŋin kiewe Yosua Ai, kitaraun ŋes aapoŋor ikar kere, kosilior kiton lolo. 29#Yos 10:26,27; Sab 107:40; 110:5; Ikis 21:23; Yos 7:26; 10:27; 2 Sam 18:17. Ido kikajak ŋesi ekabaka loka Ai okitoi kiton eboŋ; keloma akoloŋ kicorak Yosua, kosodete kolemut akuanake kokitoi, kocakakis orute loka ere, kotukokis nen atukit naepol naka amor, kiton lolo.

30 # Ikis 27:2-8; Age 8:20; 12:7,8; Any 20:24. Kosodi Yosua adukokin EJAKAIT Edeke loka Isirael etem, moru Ebal. 31#Any 20:25; Ikis 27:5,6; Any 20:24. Kwape kieorakinitor Musa ekejaanakinan loka EJAKAIT idwe luka Isirael, kwape iwadikatere oitabo loka Musa loka ikisila, etem loka amor numam ikee, numam ikeit etuŋanan kadiosuat: koinakis kanen ainakineta nuieweio mama ejai EJAKAIT, koinakis da asuban nuka ainapakin. 32#Ikis 27:2,8. Kiwadikak amor aikopunet naka ikisila luka Musa, naabu kiwadik, kakonyen nuka idwe luka Isirael. 33#Ikis 11:29; 27:11-14; 31:9,12,25; 1 Siit 15:11-13; Leb 24:22; Mar 15:16. Kobwo Isirael kere, ka imakiokee, ka ijakakee, ka ikatubokokee, kowai lo loka asaduku, kowai ie da, kakonyen nuka isasedotin Ilebin, luadakito asaduku naka aitutuket naka EJAKAIT, imoit ka iuriat da; atutubetekee kinaren kemoru Gerisim, atutubetekee da kinaren kemoru Ebal; kwape ecorakinitor Musa ekejaanakinan loka EJAKAIT, ebe isiaunete ber ailipakin idwe luka Isirael arereŋ. 34#Ikis 31:11; Nek 8:3; Ikis 29:20,21; 30:19. Akaulo kanun abu kosiom akiro kere nuka ikisila, arereŋ ka aiken, kwape ejaatar kere nuiwadikatai oitabo loka ikisila. 35#Ikis 31:12; Any 12:38; Sek 8:23. Amamei adiokirot kotoma akiro kere nueeorakinit Musa, namam Yosua abu kosiom kakonyen nuka ekodet kere loka Isirael, ka aŋor, ka ludidik, ka imo luajaas nepepe kakes.

Currently Selected:

Yosua 8: AOV1961

Highlight

Copy

Compare